Jeremías 37:17 - Chayahuita (Shahui)

^17-18 Aꞌna tahuëri Sitiquiasë copirno huaꞌanëntërinso pëiquë amatërinco. Quëpahuachinacora poꞌoana quëran nataninco: —¿Maꞌsona tëranta Sinioro anitotërinquën to? itërinco. —Anitotërinco mini. Quëmasoꞌ chiníquën nanantopiranhuëꞌ, Papironia copirno minsërahuatënquën masarinquën, itërahuë. Napotahuato, carinta copirno natanahuë: —Maꞌta onpotatënquën tëhuëtëranquën. Catahuarinënquënsopita huaꞌanoꞌsahuë nipon, yaꞌhuëhuanoꞌsahuë nipon ¿Maquëta tëhuëtëranquëma niꞌton, tashinan pëiquë poꞌmoramaco?

Jeremías 37:17 ပူးပေါင်းရင်းမြစ်များ

1 Reyes 22:15

Acapotaquë canconpachina, inari itapon: —Micaiasë. ¿Noya ipora Namotoquë paato Siria sontaroꞌsa ahuëcaꞌhuasoꞌ to? itërin. —Paaton ahuëconquëꞌ. Canpita canataramaꞌ. Sinioro catahuarinquëma niꞌton, inimicoroꞌsa minsërahuatomaꞌ, ninano osërëtaramaꞌ, itërin Micaiasëri.

1 Reyes 22:16

—“Sinioro niꞌsárinco noꞌtëquën shaꞌhuitaranquën,” taꞌton noꞌtëquën shaꞌhuitoco. Nani naꞌaro shaꞌhuitëranquën ina pochin nontancosoꞌ, itaantarin Acapori.

2 Reyes 25:7

Niꞌtonënquë chachin huiꞌninpita tëparaꞌpiapi. Yaꞌhuërëꞌ inaso ocoshorayarahuatonaꞌ, Papironiaꞌpaꞌ catinaquëtopinan quëpapi. Copirno camaitërinso chachin nipi.

Jeremías 15:11

Ina quëran Yosë nontato: “Sinioro. Co noꞌtëquën natëhuatënquënsohuëꞌ, inapo shaꞌhuitërinacosoꞌ naniꞌin nipachin. Inimicotërinacosopita maꞌsha onpoatona parisitapirinahuëꞌ, coꞌsoꞌ inapita marëꞌ nontohuatënquëontaꞌ, naniꞌin,” itërahuë.

Jeremías 37:3

Aꞌna tahuëri copirnosoꞌ, nontiincoso marëꞌ isopita huaꞌanoꞌsa aꞌpairin: Sirimiasë huiꞌnin Ocaro itopisoꞌ nisahuaton, Maasiasë huiꞌnin Sooniasë corto huaꞌan. Inapitasoꞌ cantoonahuatonaco: “Siniorosoꞌ, Yosënënpoaꞌ. Canpoa marëꞌ ina nontëquëꞌ, tënin copirno,” itërinaco.

Jeremías 38:5

Napotohuachinara: —Yainapotohuatamaꞌ, inapotoco nipachin. Co caso nanitërahuë canpita chinitaꞌhuanquëmasoꞌ, itërin copirnori.

Números 23:17

Paramosoꞌ paantarahuaton, Paraco huaniárin quënancoantarin. Artaroquë maꞌsha acopisoꞌ pirayan huaniárin. Moapo huaꞌanoꞌsantaꞌ, inaquë yamorapi. Naporoꞌ Paracori itaantapon: —¿Maꞌta Sinioro itërinquën? itërin.

Marcos 6:20

Irotisërisoꞌ Coansha noya natanin. “Nóya quëmapi inasoꞌ. Co oshahuanhuëꞌ,” taꞌton, co nohuantërinhuëꞌ atëpatacasoꞌ. Coanshari pënënpachina, nisha nisha yonquiaponahuëꞌ, noya natanin.