Jeremías 36:9 - Chayahuita (Shahui)

⁹ Coaquin copirno yaꞌconinsoꞌ, aꞌnatërápo piꞌipi, iscon yoqui nisarin. Naporo tahuëri ayono nicacaiso marëꞌ camaitopi niꞌton, Sinioro marëꞌ niyontonpi. Yaꞌipi Quirosarin yaꞌhuëhuanoꞌsaꞌ, Cota huënton ninanoroꞌsaquë yaꞌhuëpisopita, inapita Yosë chinotacaso pëiquë niyontonpi.

Jeremías 36:9 ပူးပေါင်းရင်းမြစ်များ

Nehemías 9:1

Naporoꞌ yoquiquë cato shonca catapini tahuëritahuasoꞌ, israiroꞌsaso naquëranchin niyontoantapi. Saꞌcatën aꞌmosahuatonaꞌ, moꞌshiquë nisëꞌmomotopi. Inapoatona co coshatatonaraihuëꞌ Yosë nontopi.

Jeremías 36:1

Cosiasë huiꞌnin Coaquin itopisoꞌ Cota huënton copirno nisarin. Nani catapini piꞌipi copirno yaꞌconinso nisahuasoꞌ, Sinioro nontatonco:

Jeremías 36:22

Pascoa yoqui quëran nani iscon yoqui naꞌhuërin niꞌton, naporoso sëhuën tahuëriꞌsa nisarin. Napoaton copirnosoꞌ, napëntërinso pëiquë pana pochin nininquë napëntarin.

Jeremías 36:6

Napoaton ayono tahuëri nanihuachin, piyapiꞌsa niyontonapi. Naporoꞌ quëma paꞌsahuaton, ninshitëransoꞌ natantonënaquë nontëquëꞌ. Quirosarin yaꞌhuëhuanoꞌsaꞌ, Cota huënton ninanoroꞌsa quëran huëꞌpisopita, inapita Siniorori anitotërinso natainaꞌ.

Joel 1:13

Corto huaꞌanoꞌsanquëmaꞌ: Canpitasoꞌ Sinioro artaronënquë sacatëramaꞌ. Yosënënpoa chinotërëhuaso pëiquë, co huachi Sinioro marëꞌ cosharoꞌ, huino, inapita quëpihuëꞌ. Napoaton sëtonëmaquë saꞌcatën aꞌmosahuatomaꞌ, yaꞌipi tashi naꞌnëcoꞌ.

Joel 1:14

Yaꞌipi Cota huëntonquë piyapiꞌsa ayontonahuatomaꞌ, ayono nicacaiso camaicoꞌ. Sinioronënpoa chinotërëhuaso pëiquë yaꞌipi ansianoꞌsantaꞌ, niyontoinaꞌ. Niyontonahuatonaꞌ, catahuainpoaso marëꞌ Sinioro nonchinaꞌ.

Levítico 23:27

“Isontaꞌ camaitërahuësoꞌ, israiroꞌsa shaꞌhuitëquëꞌ: Tronpitaroꞌsa pihuipisoꞌ pita yoquiquë chachin, shonca tahuëri nanihuachin, nanan anoyatacaso tahuëri nisarin. Naporoꞌ co coshatatomarahuëꞌ, chinotamacoso marëꞌ niyontoanamaꞌ. Naporoꞌ chinotamacoso marëꞌ, corto huaꞌani maꞌsha tëparinsoꞌ ahuiquitarin.

Jonás 3:5

Yaꞌhuëhuanoꞌsaso ina natanahuatonaꞌ, yaꞌipiya quëran natëpi: “Tëhuënchachin Yosë napotarinpoaꞌ. Huëco paꞌahua ayono nicatëhua Yosë nontahuaꞌ. Co noyahuëꞌ nicatëhua oshahuanëhuasoꞌ, aꞌpoaꞌahuaꞌ. Paꞌpi sëtërëhuaso aꞌnocaso marëntaꞌ, saꞌcatën nininso aꞌmoahuaꞌ,” niitopi.

1 Samuel 7:6

Napotohuachinara, Mispaquë niyontonpi. Inaquë iꞌsha ocoipi. Sinioro aꞌnotacaiso marëꞌ ocoirahuatonaꞌ, noꞌpaquë opopi. Naporo tahuëri co manta coshatatonaraihuëꞌ Yosë chinotopi. Yaꞌipiya natantonënaquë co Sinioro natëtonaraihuëꞌ oshahuanpisoꞌ, shaꞌhuipi. Inaquë chachin Samoirosoꞌ, israiroꞌsa huaꞌan nicacasoꞌ caniaririn.