Jeremías 36:8 - Chayahuita (Shahui)

⁸ Napotohuatora, inaso shaꞌhuitërahuëso chachin ninin. Yosë chinotacaso pëiquë paꞌsahuaton quirica ninshitërinsoꞌ nontërin.

Jeremías 36:8 ပူးပေါင်းရင်းမြစ်များ

Jeremías 1:17

Quëmasoꞌ, chiníquën cancantaton paꞌsaran. Carinquën shaꞌhuitëranquënsoꞌ shaꞌhuicoanan. Ama manta inapita tëꞌhuatëquësohuëꞌ. Tëꞌhuatohuatan inapita niꞌtonënaquë aropátaranquën.

Jeremías 36:4

Napotohuachincora, Niriasë huiꞌnin Paroco itopisoꞌ amatërahuë. Huëꞌpachina, yaꞌipi Sinioro anitotërincosopita ninshitacaso marëꞌ camairahuë: “Nonahuëso chachin yaꞌipi ninshitëquëꞌ,” itërahuë. Napotohuatora, yaꞌipi ninshitërin.

Jeremías 36:6

Napoaton ayono tahuëri nanihuachin, piyapiꞌsa niyontonapi. Naporoꞌ quëma paꞌsahuaton, ninshitëransoꞌ natantonënaquë nontëquëꞌ. Quirosarin yaꞌhuëhuanoꞌsaꞌ, Cota huënton ninanoroꞌsa quëran huëꞌpisopita, inapita Siniorori anitotërinso natainaꞌ.

Mateo 16:24

Ina quëran yaꞌipi caꞌtanoꞌsanënpita itërin: —Yaimapatamaco, canpitaora nohuantëramasoꞌ naniantatomaꞌ, Yosë nohuantërinsoráchin imacoꞌ. Corosëquë chiníquën parisitërëꞌ. Canpitantaꞌ parisitapomarahuëꞌ, imamiatoco.

1 Corintios 16:10

Iya Timotio cantonpachinquëmaꞌ, noya nontocoꞌ noya cancanchin. Ca pochachin inantaꞌ Yosë nanamën aꞌchinarin.