Jeremías 36:26 - Chayahuita (Shahui)

²⁶ Naporahuaton, Parocoroꞌco chachin macainacoiso marëꞌ camaitërin. Quëmopinën Quiramiiro itopisoꞌ ina marëꞌ camairin. Asirisi huiꞌnin Siraiasë, Apitiiri huiꞌnin Sirimiasë, inapitanta ina chachin camairin. Napotohuachina, inapitaso yonisápirinacoihuëꞌ, co quënaninacoihuëꞌ. Sinioro poꞌorincoi niꞌton, co quënaninacoihuëꞌ.

Jeremías 36:26 ပူးပေါင်းရင်းမြစ်များ

1 Reyes 17:3

“Cortaniiꞌ aquëtëran piꞌi pipirinso parti paꞌsahuaton, Quiriti iꞌshaquë naꞌpipon pochin yaꞌhuëconquëꞌ.

1 Reyes 19:10

“Quëmaso Sinioro Yosënquën, yaꞌipi nanitaparan. Napoaton paꞌpi aꞌpitëranquën. Israiroꞌsarëꞌquën anoyatëranso aꞌpopi. Artaronënpitantaꞌ, ohuatopi. Quëma marëꞌ pënëntopisopitantaꞌ, sahuëniquë tëpapi. Casáchin nipirinhuëꞌ, tëpainacoso marëꞌ yonisarinaco,” itërin Iniasëri.

1 Reyes 19:14

Napotohuachina: “Quëmasoꞌ Sinioro Yosënquën, yaꞌipi nanitaparan. Napoaton paꞌpi aꞌpitëranquën. Israiroꞌsarëꞌquën anoyatëranso aꞌpopi. Artaronënpitantaꞌ, ohuatopi. Quëma marëꞌ pënëntopisopitantaꞌ, sahuëniquë tëpapi. Casáchin quëparitopirahuë, tëpainacoso marëꞌ yonisarinaco,” itërin.

1 Reyes 22:26

Naporoꞌ Acaposoꞌ sontaronënpita camairin: —Micaiasë masahuatomaꞌ, Amon chirinchitaquë quëpacoꞌ. Huiꞌnahuë Coasë itërahuësoarinta niꞌin.

Salmos 105:15

“Ama huayonahuësopita noꞌhuicosohuëꞌ. Pënëntonaꞌpiroꞌsa acorahuësoꞌ, ama maꞌsha onpotocosohuëꞌ,” itërin.

Salmos 121:8

Intohuasona paꞌnëhuaquë, Sinioro paꞌpoyararinpoaꞌ. Co onporonta naniantarinpoahuëꞌ.

Salmos 27:5

Parisitacaso tahuëri canquihuachin, quëma Sinioro paꞌpoyaponco. Pëinënquë chachin poꞌorëso pochin nitaranco. Inaquë noya noyaso naꞌpirai.

Salmos 32:7

Quëmaso Sinioro paꞌpoyarancoi. Huëhuëpiro ninin quëran yaꞌshopirancoi. Catahuarancoi niꞌton, canatohuatoi cantarápoi.

Salmos 91:1

Siniorosoꞌ chini chiníquën nanantaton, yaꞌipi nanitaparin. Ina yaꞌipi cancanënpoa quëran imapatëhuaꞌ, sano yaꞌhuëarihuaꞌ. Chiníquën nanantaton aꞌpaiarinpoaꞌ.

Jeremías 1:19

Inapitaso ahuëapirinënhuëꞌ, co minsëarinënhuëꞌ. Carinquën caꞌtanatënquën aꞌpaiaranquën niꞌton, co minsëarinënhuëꞌ. Ca Sinioroco noꞌtëquën shaꞌhuitaranquën,” itërinco.

Jeremías 2:30

Topinan quëran huiꞌnamapita anaꞌintërahuë. Cancan yonquicaiso marëꞌ napotopirahuëꞌ, co yanitotopihuëꞌ. Paꞌpiniroꞌsa tëꞌhuatoro yaꞌnopiso pochin nicatomaꞌ, pënëntonaꞌpiroꞌsa tëparamaꞌ.

Jeremías 26:24

Caso napoaporahuëꞌ, aꞌnara huaꞌan catahuarinco niꞌton, co yaꞌhuëhuanoꞌsaquë tëpainacoso marëꞌ yoꞌninacohuëꞌ. Inaso huaꞌan Sahuano huiꞌnin Aicamo itopi.

Jeremías 36:19

Napohuachina huaꞌanoꞌsari: —Ipora quëmasoꞌ Irimiasërëꞌquën chachin intópanta paꞌsahuatomaꞌ, naꞌpicamaso yaꞌhuërin, itopi.

Jeremías 36:5

Ninshitërinso tiquihuachina, camaiantarahuë: “Caso co nanitërahuë Yosë chinotacaso pëiquë pacaꞌhuasoꞌ.

Jeremías 38:6

Inapitasoꞌ natanahuatonaꞌ, maconinaco. Noninoꞌsaquë aꞌsonahuatonaco, iꞌsha tapainanquë aꞌpamarinaco. Tanónën nisharo niꞌton, inaquë yaꞌcorotomarahuë. Ina iꞌsha tapainansoꞌ, copirno huiꞌnin Marquiasë itopisoari huaꞌanëntërin. Aꞌpaito sontaroꞌsa iꞌiratënënquë yaꞌhuërin.

Juan 11:57

Corto huaꞌanoꞌsaꞌ, parisioroꞌsaꞌ, inapitasoꞌ nani piyapiꞌsaꞌ shaꞌhuitopi: “Quisoso quënanpatamaꞌ, shaꞌhuitocoi maii,” itopi. Tashinan pëiquë poꞌmocaiso marëꞌ napotopi.

Juan 7:32

Ina pochin ninontopisoꞌ, parisioroꞌsaꞌ natantopi. Natantahuatonaꞌ, corto huaꞌanoꞌsarë chachin ponisiaroꞌsaꞌ aꞌpapi Quisoso macacaiso marëꞌ.

Juan 8:20

Yosë chinotopiso pëiquë aꞌchintaton, napotërin. Coriqui cacon notënanquë aꞌchintarin. Yosë nohuanton, co chiminacasoꞌ naniyatërarinhuëꞌ. Napoaton co insoari tërantaꞌ maninhuëꞌ.

Juan 8:59

Ina quëran naꞌpiroꞌsaꞌ masahuatonaꞌ, yatëꞌyarapi. Quisososo nipirinhuëꞌ naꞌpirahuaton, Yosë chinotopiso pëi quëran pipirin.

Hechos 12:11

Naporoꞌ Pitro noꞌtëquën yonquirin: “Co huaꞌnarëso pochin niꞌnahuëꞌ. Sinioro chachin anquëninën aꞌpatimarinco nichaꞌëincoso marëꞌ. Irotisë, cotio huaꞌanoꞌsaꞌ, inapita yatëpapirinacohuëꞌ, nichaꞌërinco,” tënin.