Jeremías 36:25 - Chayahuita (Shahui)

²⁵ Irinatan, Tiraiasë, Quimariasë, inapitaso ama soꞌnanpi quirica aꞌpëcaso marëhuëꞌ nontopirinahuëꞌ, co copirnori natërinhuëꞌ.

Jeremías 36:25 ပူးပေါင်းရင်းမြစ်များ

Génesis 37:22

Co tëpatacaso yaꞌhuërinhuëꞌ. Iso inotëroquë yaninantë poso nininquë tëꞌyatocoꞌ. Ama canpitarisoꞌ maꞌsha onpotocosohuëꞌ, itërin. Iyaꞌhuain nanin quëran ocoirahuaton, paꞌpinquëꞌpaꞌ aꞌpaantacaso yonquiaton, naporin.

Jeremías 26:16

Napohuatora, huaꞌanoꞌsaꞌ, yaꞌhuëhuanoꞌsaꞌ, inapitari corto huaꞌanoꞌsaꞌ, pënëntonaꞌpiroꞌsaꞌ, inapita nontatona itaponaꞌ: “Iso quëmapi co manta onpotacaso yaꞌhuërinhuëꞌ. Siniorosoꞌ Yosë niꞌton, pënënainpoaso marëꞌ aꞌparin,” itopi.

Jeremías 26:22

Napohuachina, copirnosoꞌ Acaporo huiꞌnin Irinatan itopisoꞌ inatohua aꞌparin. Caraya quëmapiꞌsanta ina catahuacaso marëꞌ aꞌparin.

Jeremías 36:10

Parocontaꞌ, inaquë paꞌnin. “Nasha yaꞌcoana,” itopisoꞌ notënanquë “Inapa iꞌiratëꞌ,” itopiso yaꞌhuërin. Inaquë pantarahuaton, Sahuin huiꞌnin Quimariasë itopisoꞌ patoananën quëran, yaꞌipiya natantasoi quirica ninshitërinsoꞌ nontërin.

Jeremías 36:12

Natanahuaton, copirno huaꞌanëntërinso pëiquë paꞌnin. Quirica ninshitonaꞌpi patoananënquë, chiníquën nanantopisopita huaꞌanoꞌsa nani niyontonpi. Irisama ninshitonaꞌpi, Simaiasë huiꞌnin Piraia, Acaporo huiꞌnin Irnatan, Sahuin huiꞌnin Quimariasë, Ananiasë huiꞌnin Sitiquiasë, inapita. Nisahuaton, aꞌnapita huaꞌanoꞌsanta nani niyontonpi.

Mateo 27:4

—Co huachi iso coriqui nohuantërahuëꞌ. Paꞌpi co noyahuëꞌ ninahuë. Quisoso nóya quëmapi nipirinhuëꞌ, shaꞌhuirapirahuë. Ina marëꞌ oshahuanahuë, itoonin. —¿Maꞌmarëtaꞌ ina shaꞌhuitërancoi? Co quiyasoꞌ ina yonquiraihuëꞌ. Quëma naporansoꞌ, itopi.