Jeremías 36:23 - Chayahuita (Shahui)

²³ Ioti carahuë nipon, catapini panshinhuë nipon nontohuachina, copirnori cosoroaꞌhuaquë yashararin. Inapotahuaton pënquë aꞌpërin. Inapotochináchin yaꞌipi soꞌnanpi quirica tiquiaquë huarëꞌ nitërin.

Jeremías 36:23 ပူးပေါင်းရင်းမြစ်များ

1 Reyes 22:27

Inapitaquë quëparahuatomaꞌ, shaꞌhuitoco tashinanpëiquëchinaꞌ. Naporahuaton piꞌpian piꞌpian aꞌcainaꞌ, oꞌshichinaꞌ, napochinaꞌ. Siria sontaroꞌsa minsëato huënantaꞌhuarëꞌ, inapochinaꞌ, itërin.

1 Reyes 22:8

—Yaꞌhuërin mini aꞌnara. Inasoꞌ, Imiro huiꞌnin Micaiasë itopisoꞌ. Cariso napoaporahuëꞌ, co quëꞌyarahuëꞌ. Maꞌsha onpocaꞌhuasoráchin shaꞌhuitërinco niꞌton, naporahuë, tënin Acapo. Napopirinhuëꞌ: —Ama napoquësohuëꞌ, itërin Cosahuatori.

Proverbios 1:30

Yaotëatënquëma napotápiranquëmahuëꞌ, pënënanquëmasopita nocanamaꞌ.

Proverbios 13:13

Camairinënquënso co natëhuatanhuëꞌ, parisitamaso yaꞌhuërin. Natëhuatanso nipirinhuëꞌ, canacamaso quënaanan.

Jeremías 36:2

“Aꞌnara soꞌnanpi quirica maquëꞌ. Naporahuaton israiroꞌsaꞌ, Cota huënton israiroꞌsaꞌ, yaꞌipi aꞌnapita nacionoꞌsaꞌ, inapita maꞌsona onpotaꞌhuasoꞌ shaꞌhuitëranquënsopita inaquë ninshitëquëꞌ. Cosiasë copirno huaꞌanëntasoꞌ, caniaritërahuë nontaꞌhuanquënsoꞌ. Ipora tahuëriquë huarëꞌ anitotëranquënsopita ninshitëquëꞌ.

Jeremías 36:27

Quirica copirnori ahuiquitërinso piquëran, Siniorosoꞌ nontatonco:

Jeremías 36:28

“Yaꞌnan aninshitëranquënso quirica Coaquin copirnori ahuiquitërin. Inapotërin niꞌquëhuarëꞌ, aꞌna soꞌnanpi quirica maantarahuaton, yaꞌnan aninshitëranquënso pochachin aninshitaantaquëꞌ.

Apocalipsis 22:19

Iso quirica quëran nani noꞌtëquën anitotëranquëmaꞌ. Aꞌna nanayan tërantaꞌ apahuantohuatamaꞌ, co nanpirin nara nohuitaramahuëꞌ. Co Yosë ninanonënquë paꞌsaramahuëꞌ.