Jeremías 36:2 - Chayahuita (Shahui)

² “Aꞌnara soꞌnanpi quirica maquëꞌ. Naporahuaton israiroꞌsaꞌ, Cota huënton israiroꞌsaꞌ, yaꞌipi aꞌnapita nacionoꞌsaꞌ, inapita maꞌsona onpotaꞌhuasoꞌ shaꞌhuitëranquënsopita inaquë ninshitëquëꞌ. Cosiasë copirno huaꞌanëntasoꞌ, caniaritërahuë nontaꞌhuanquënsoꞌ. Ipora tahuëriquë huarëꞌ anitotëranquënsopita ninshitëquëꞌ.

Jeremías 36:2 ပူးပေါင်းရင်းမြစ်များ

Esdras 6:2

Napotohuachina, yonisápatona Copirno huaꞌanëntërinso pëiquë quënanpi. Inaso pëiꞌ, Aquimita ninanoquë yaꞌhuërin. Inaso ninanoꞌ, Mitia propinciaquë yaꞌhuërin. Soꞌnanpi quiricaquë ninshitopinan quënanpi. Inaquë iso pochin nanan yaꞌhuërin:

Copo naporinso' 31:35

¡Maꞌcha naporahuësoꞌ insha tëranta natërincohuë paya! Naporahuësopitasoꞌ, nani ninshitato huirmarahuëso pochin acorahuë. Napopirahuëꞌ, co natëramacohuëꞌ. Co natëpiramacohuëꞌ, Yosëso yaꞌipi nanitaparin. Ina tëhuënchinsoꞌ yaꞌipi nanpirahuësoꞌ nitotaton, noꞌtëquën shaꞌhuiarin tënahuë. Canpitasoꞌ: ‘Co noyahuëꞌ ninan,’ itëramaco. Naporamaso nani ninshitatomaꞌ, coisëquë aꞌnoramaso pochin nipiramahuëꞌ, co manta tapanaꞌhuaso yaꞌhuërinhuëꞌ. Ninshitëramaso noya nicato yancorëso pochin nitarahuë. Caso noꞌtëquën nonato napoarahuë. Canpitaso nipirinhuëꞌ, tëhuë tantiatomaco naporama niꞌton, napoarahuë.

Salmos 40:7

Napoaton naporahuë: Maꞌtana Sinioro isëquë nisarahuë. Quiricanënquë naporinso chachin nitocoꞌ.

Éxodo 17:14

Ina quëran Yosëri, Moisësë itapon: —Quirica masahuaton, amaricoroꞌsapitarëꞌquëma niahuëramasoꞌ, inaquë ninshitëquëꞌ. Ama insonta naniantacaso marëhuëꞌ ninshitëquëꞌ. Cosointa shaꞌhuitëquëꞌ. Naporin Yosë: “Ca nohuanto amaricoroꞌsaꞌ, taꞌhuantaponaꞌ. Napoaton co huachi inso tëranta inapita yonquiapihuëꞌ,” tënin, itëquëꞌ.

Isaías 8:1

Aꞌna tahuëri Sinioro nontatonco itaponco: “Panca nontë maquëꞌ. Inaquë aꞌninquëchin ninshitapon: ‘Mairo-sararo-aspasoꞌ.’

Jeremías 1:10

“Ca nohuanto nanamëhuë noꞌtëquën shaꞌhuiaran. Nisha nisha piyapiꞌsaꞌ, nisha nisha copirnoroꞌsari huaꞌanëntopisoꞌ, inapita pënënacaso marëꞌ nanan quëtaranquën. Pënënpatan co natëtohuachinahuëꞌ, pacatoro huaꞌtahuatë ataꞌhuantërëso pochin, noꞌpapi pëi ohuatahuatë ninomotërëso pochin anaꞌintarahuë. Noya natëhuachinaso nipirinhuëꞌ, sharoꞌsa shacatë pochin nitato, noya noya nicacaisoꞌ catahuararahuë,” itërinco.

Jeremías 1:5

“Coꞌhuara nasichátërasënquënhuëꞌ, huayonanquën. Naporo chachin acoranquën pënëntacaso marëꞌ. Yaꞌipi nisha nisha piyapiꞌsa nipisopita pënënaran,” itërinco.

Jeremías 1:9

Ina quëran imirin ihuësahuaton cariananinco. Inapotahuatonco nontaantarinco:

Jeremías 2:4

Israiroꞌsanquëmasoꞌ, Cacopo quëran pipiramaꞌ. Yaꞌipinquëma Sinioro nontërinquëmasoꞌ natancoꞌ: “¡Caso co maquë tëranta shimashonëmapita tëhuëtërahuëꞌ! Napoaponahuë inapitasoꞌ, aꞌporinaco. Mamanshiroꞌsa co máquënhuë nipirinhuëꞌ, ina imapi. Napoaton inahuara chachiontaꞌ, nitapiatë pochin nipi.

Jeremías 36:14

Ina natanahuatonaꞌ, huaꞌanoꞌsaso aꞌnara comision Ioti itopisoꞌ aꞌpapi. Ioti paꞌpinsoꞌ Nitaniasë. Nitaniasë paꞌpionta Sirimiasë. Sirimiasë paꞌpionta Cosi, itopi. Yaaꞌpahuachinara shaꞌhuitopi: “Paroco quirica quëcaton quiyanta natanaꞌhuaiso marëꞌ nonchin,” itopi. Huëꞌpachina: —Huënsëaton nontëquëꞌ, itopi. Napohuachinara, Parocosoꞌ nontërin.

Jeremías 36:18

—Irimiasë, caniaritërin quëran tiquiaquë huarëꞌ shaꞌhuitërarinco ninshitërahuë, itërin inarintaꞌ.

Jeremías 36:23

Ioti carahuë nipon, catapini panshinhuë nipon nontohuachina, copirnori cosoroaꞌhuaquë yashararin. Inapotahuaton pënquë aꞌpërin. Inapotochináchin yaꞌipi soꞌnanpi quirica tiquiaquë huarëꞌ nitërin.

Jeremías 36:29

Aninshitaantarahuaton, inaquë copirnonta shaꞌhuitapon: ‘Sinioro naporin: “Ca nohuanton Irimiasë aninshitërin. Papironia copirno huëcaton, iso noꞌpaꞌ ataꞌhuantapon. Inapotohuachina, piyapiꞌsaꞌ, maꞌsharoꞌsa inapita co acoaponhuëꞌ,” tënin aninshitërinquë. Ina marëꞌ quëmarisoꞌ Irimiasë noꞌhuiran. Naporahuaton soꞌnanpi quirica aninshitërinsontaꞌ, ahuiquitëran. Naporanso marëꞌ ca Sinioroco shaꞌhuitaranquën: Quëmasoꞌ Tapi shinquën niꞌton, israiroꞌsa huaꞌanëntëran. Napoaponahuëꞌ, ca nohuanton quëma huiꞌnansoꞌ, co huachi israiroꞌsa huaꞌanëntarinhuëꞌ. Chiminpatan co paꞌpitaponënhuë niꞌton, nonën tahuëriso piꞌiri acoápon. Tashintaꞌ, sëhuëni quëtápon.

Jeremías 36:6

Napoaton ayono tahuëri nanihuachin, piyapiꞌsa niyontonapi. Naporoꞌ quëma paꞌsahuaton, ninshitëransoꞌ natantonënaquë nontëquëꞌ. Quirosarin yaꞌhuëhuanoꞌsaꞌ, Cota huënton ninanoroꞌsa quëran huëꞌpisopita, inapita Siniorori anitotërinso natainaꞌ.

Ezequiel 2:9

Napotohuachincora niꞌpirahuëꞌ, aꞌnara soꞌnanpi quiricaquë ninshitopisoꞌ, ihuëtarinco niꞌnahuë.

Deuteronomio 31:24

Yaꞌipi isopita pënëntërinsoꞌ, Moisësëri aꞌna soꞌnanpi quiricaquë ninshitërin. Nani ninshitahuaton nihuiroꞌsa quëtërin. Inahuasoꞌ, Siniororëꞌ anoyatopiso caposonën quëpanaꞌpiroꞌsaꞌ. Inapita quëtahuaton shaꞌhuitërin:

Hebreos 10:7

Ina quëran itërahuë: ‘Napoaton tata, nani oꞌmarahuë nohuantëransoꞌ nicaꞌhuaso marëꞌ. Quiricanënquë ninorancoso chachin nisarahuë,’ itërahuë,” tënin.