Jeremías 36:12 - Chayahuita (Shahui)

¹² Natanahuaton, copirno huaꞌanëntërinso pëiquë paꞌnin. Quirica ninshitonaꞌpi patoananënquë, chiníquën nanantopisopita huaꞌanoꞌsa nani niyontonpi. Irisama ninshitonaꞌpi, Simaiasë huiꞌnin Piraia, Acaporo huiꞌnin Irnatan, Sahuin huiꞌnin Quimariasë, Ananiasë huiꞌnin Sitiquiasë, inapita. Nisahuaton, aꞌnapita huaꞌanoꞌsanta nani niyontonpi.

Jeremías 36:12 ပူးပေါင်းရင်းမြစ်များ

2 Reyes 22:12

Ina quëran corto huaꞌan Iriquiasë amatahuaton, Sahuin huiꞌnin Aican itopisonta amatërin. Micaiasë huiꞌnin Acaporoꞌ, Sahuin ninshitonaꞌpi, piyapinën Asaiasë itërinsoꞌ, inapitanta amatërin. Huëꞌpachinara, itapon:

2 Reyes 22:14

Napotohuachina, inapitaso Saron saꞌin Orata itopisoꞌ, nicapona paꞌpi. Inaso sanapi, Yosë yonquirinso shaꞌhuinaꞌpi. Soꞌinsoꞌ, Tiquipa huiꞌnin. Yaꞌhuërëꞌ inantaꞌ, Arasi huiꞌnin. Arasisoꞌ, corto huaꞌanoꞌsa aꞌmorinso tapanaꞌpi. Orataso soꞌinëꞌ, Quirosarin quëran yaꞌnatiirinso barrio pirayan yaꞌhuërin. Cantonahuatona natanpachinara: —Sinioro chinotërëhuaso naporin: “Natanamacoso marëꞌ aꞌparinquëmasoꞌ, iso pochin shaꞌhuitoncoꞌ: ‘Caso Sinioroco napotaranquën. Tëhuënchachin Quirosarinquë yaꞌhuëpisopita anaꞌintarahuë. Moisësë ninshitërinso chachin iso ninano ataꞌhuantarahuë. Pënëntërahuësoꞌ quiricaquë Cota huënton copirno nataninso chachin nitarahuë.

2 Reyes 22:3

Copirnoroꞌsa huaꞌanëntërinso ninshitonaꞌpisoꞌ, Sahuin itopi. Inaso paꞌpin, Asariasë itopi. Inanta paꞌpin, Misoramo itopi. Cosiasë copirno shonca canchisë piꞌi copirno yaꞌconinso nisahuasoꞌ, Sahuin përasahuaton, Sinioro chinotopiso pëiquë aꞌparin. Inaquë Iriquiasë corto huaꞌan nontaton, iso pochin shaꞌhuitacaso marëꞌ camairin: —Nihuiroꞌsasoꞌ, Sinioro chinotacaso pëi yaꞌcoanaquë aꞌpaitopi. Naporahuaton israiroꞌsa Sinioro marëꞌ coriqui quëpachinara, yontonpi. Ina yontonpiso maꞌpaquëꞌ.

2 Reyes 24:8

Coaquin shonca posa piꞌipitahuasoꞌ, Cota huëntonquë copirno yaꞌconarin. Cara yoquíchin Quirosarinquë huaꞌanëntërin. Aꞌshinsoꞌ, Irinatan huiꞌnin, Niosta itopi. Quirosarinquë yaꞌhuërin.

Jeremías 26:10

Cota huënton huaꞌanoꞌsanta naporapiso natantatonaꞌ, copirno pëi quëran Yosë chinotopiso pëiquë paꞌpi. Inaquë paꞌsahuatonaꞌ, “nasha yaꞌcoana” itopisoꞌ yaꞌcoanaquë huënsëconpi.

Jeremías 26:22

Napohuachina, copirnosoꞌ Acaporo huiꞌnin Irinatan itopisoꞌ inatohua aꞌparin. Caraya quëmapiꞌsanta ina catahuacaso marëꞌ aꞌparin.

Jeremías 26:24

Caso napoaporahuëꞌ, aꞌnara huaꞌan catahuarinco niꞌton, co yaꞌhuëhuanoꞌsaquë tëpainacoso marëꞌ yoꞌninacohuëꞌ. Inaso huaꞌan Sahuano huiꞌnin Aicamo itopi.

Jeremías 36:25

Irinatan, Tiraiasë, Quimariasë, inapitaso ama soꞌnanpi quirica aꞌpëcaso marëhuëꞌ nontopirinahuëꞌ, co copirnori natërinhuëꞌ.

Jeremías 38:4

Inapita huaꞌanoꞌsasoꞌ, copirno nontapona paꞌpi: —Irimiasësoꞌ, yaꞌipi sontaroꞌsa iso ninanoquë yaꞌhuëpiso pënënaton aꞌpayanin. Yaꞌhuëhuanoꞌsanta inapotërin. Inaso co yacatahuarinpoahuëꞌ. Canainënpoaso nohuantaton napoarin niꞌton, chiminacaso yaꞌhuërin, itoonpi.