Jeremías 36:11 - Chayahuita (Shahui)

¹¹ Micaiasëntaꞌ, huaꞌan yaꞌconin. Inasoꞌ, Quimariasë huiꞌnin, nisahuaton Sahuin shiin. Inantaꞌ, yaꞌipi Paroco quirica nontërinsoꞌ natanin.

Jeremías 36:11 ပူးပေါင်းရင်းမြစ်များ

2 Reyes 22:3

Copirnoroꞌsa huaꞌanëntërinso ninshitonaꞌpisoꞌ, Sahuin itopi. Inaso paꞌpin, Asariasë itopi. Inanta paꞌpin, Misoramo itopi. Cosiasë copirno shonca canchisë piꞌi copirno yaꞌconinso nisahuasoꞌ, Sahuin përasahuaton, Sinioro chinotopiso pëiquë aꞌparin. Inaquë Iriquiasë corto huaꞌan nontaton, iso pochin shaꞌhuitacaso marëꞌ camairin: —Nihuiroꞌsasoꞌ, Sinioro chinotacaso pëi yaꞌcoanaquë aꞌpaitopi. Naporahuaton israiroꞌsa Sinioro marëꞌ coriqui quëpachinara, yontonpi. Ina yontonpiso maꞌpaquëꞌ.

2 Reyes 25:22

Napocotonosoꞌ caraya israiroꞌsa Cota huëntonquë yaꞌhuëcaiso marëꞌ acorin. Inapita camaicaso marëꞌ aꞌnara chirinchi acotërin. Inasoꞌ, Quitariasë itopi. Mispaquë yaꞌhuërinsoꞌ. Paꞌpinsoꞌ Aican itopi. Ina paꞌpiontaꞌ, Sahuin itopi.

Jeremías 26:24

Caso napoaporahuëꞌ, aꞌnara huaꞌan catahuarinco niꞌton, co yaꞌhuëhuanoꞌsaquë tëpainacoso marëꞌ yoꞌninacohuëꞌ. Inaso huaꞌan Sahuano huiꞌnin Aicamo itopi.

Jeremías 36:10

Parocontaꞌ, inaquë paꞌnin. “Nasha yaꞌcoana,” itopisoꞌ notënanquë “Inapa iꞌiratëꞌ,” itopiso yaꞌhuërin. Inaquë pantarahuaton, Sahuin huiꞌnin Quimariasë itopisoꞌ patoananën quëran, yaꞌipiya natantasoi quirica ninshitërinsoꞌ nontërin.

Jeremías 36:13

Micaiasëri yaꞌcoontarahuaton, Paroco quirica nontërinso yaꞌipi shaꞌhuitërin.