Jeremías 31:6 - Chayahuita (Shahui)

⁶ Co huaꞌquiya quëranhuëꞌ Iprain motopiaꞌhuaroꞌsaquë aꞌpaitoroꞌsa chiníquën shaꞌhuiponaꞌ: ‘Huëco paꞌahua Quirosarinquë niꞌtontaꞌahuaꞌ. Inaquë Sinioro chinotontaꞌahuaꞌ,’ tëcaponaꞌ,” tënin.

Jeremías 31:6 ပူးပေါင်းရင်းမြစ်များ

Esdras 1:5

Ina nitotatona Cota huënton huaꞌanoꞌsaꞌ, Mincamin huënton huaꞌanoꞌsaꞌ, corto huaꞌanoꞌsaꞌ, nihuiroꞌsaꞌ, inapitaso yonquipi panantacaisoꞌ. Sinioro chinotacaso pëi Quirosarinquë yaanoyataantapi. Sinioro nohuanton ina pochin yonquiatonaꞌ, tapatapi huachi.

Salmos 84:5

Catahuaransopitantaꞌ, tëhuënchachin capa cancantopi. Napoaton huaꞌanëntëranquë huarëꞌ nohuantopi iratacaisoꞌ.

Isaías 40:9

Quirosarinquë yaꞌhuëramasopita noya nanan shaꞌhuicoꞌ. Motopi naniontarinquë nanpërahuatoma chiníquën shaꞌhuiontacoꞌ. Ama tëꞌhuatatomahuëꞌ yaꞌipi Cota huënton israiroꞌsa shaꞌhuitocoꞌ: “¡Maꞌtana Sinioro chinotërëhuasoꞌ!

Jeremías 31:12

Napoaton huëantarahuatonaꞌ, Quirosarin motopiaꞌhuaroꞌsaquë cantaponaꞌ. Siniorori catahuarinsoꞌ yonquiatona capa cancantapi. Ina nohuanton trico, huino, tomaꞌ, ohuicaroꞌsaꞌ, ohuacaroꞌsaꞌ, inapita yaꞌhuëtaponaꞌ. Pairapipisoanaquë shaꞌpisoꞌ, noyá oporapitopinan pochin nisapi. Co huachi onporo tëranta sanpatërëso pochin nisapihuëꞌ.

Jeremías 6:17

Napoaton Siniorosoꞌ, aꞌpaitonaꞌpiroꞌsa pochin nininsoꞌ acorin. Aꞌpaitonaꞌpiroꞌsasoꞌ, huëhuëpiro huëꞌsarinso niꞌpachinara, pomontopi. Ina pochin nicatona pënëntonaꞌpiroꞌsasoꞌ shaꞌhuitopirinëmahuëꞌ, canpitaso co nohuantëramahuëꞌ natëtamasoꞌ.

Ezequiel 3:17

“Quëmasoꞌ piyapinquën nipiranhuëꞌ, aꞌpaitonaꞌpi pochin nicamaso marëꞌ carinquën acoranquën. Maꞌsona israiroꞌsa yashaꞌhuitohuato, nanan quëtaranquën inapita niyátainpichin yaꞌhuëcaiso marëꞌ shaꞌhuitaran.

Ezequiel 33:2

“Quëmasoꞌ piyapinquën nipiranhuëꞌ, israiroꞌsa shaꞌhuitacaso marëꞌ nanan quëtaranquën: Ca nohuanton aꞌna noꞌpaꞌpaꞌ quira nisahuachinaꞌ, yaꞌhuëhuanoꞌsaso aꞌnara sontaro aꞌpaitonaꞌpi nicacaso marëꞌ huayonapi.

Oseas 1:11

Naporo tahuëriꞌsa Cota huënton israiroꞌsasoꞌ, aꞌnapita israiroꞌsarë aꞌnaíchin huaꞌanëna yaꞌhuëtaponaꞌ. Naquëranchin yaꞌhuëpiquë chachin yaꞌhuëantaponaꞌ. Naporahuaton notohuaroꞌ naꞌamiataponaꞌ. Piyapinëhuëpita yaꞌhuëpiquë chachin acoantapo. Piyapi iminënquë sharoꞌsa shaꞌninso pochin nitapo. Quisiriro motopiana cari anoyataantahuato, ¡ina tahuëri paꞌpi noya nisarin!