Jeremías 31:4 - Chayahuita (Shahui)

⁴ Nasha quëran chachin noya acoantaranquëmaꞌ. Capa cancantatoma nansapomaꞌ. Shari shari piꞌniatomaꞌ, nansapomaꞌ.

Jeremías 31:4 ပူးပေါင်းရင်းမြစ်များ

2 Reyes 19:21

Iso pochin Siniorori Asiria copirno anitotërin: ‘Quirosarinquë yaꞌhuëpisopita nanon pochin nicatonaꞌ, tëhuaponënquën Asiria copirno. Tëhuatënën huësë huësë́taponaꞌ. Ninanonëna patohuatan, napoaponaꞌ.

Salmos 51:18

Quirosarin ninano nosoroantaquëꞌ. Pairanën ohuatopisoꞌ noya acoantaquëꞌ.

Salmos 69:35

Quëmari chachin Quirosarinquë yaꞌhuëpisopita nichaꞌësaran. Cota huënton noꞌpanënaquë ninanoroꞌsa yaꞌhuërinsontaꞌ, anoyataantaran. Quëma nohuanton piyapinënpita iso noꞌpa chachin huaꞌanëntaponaꞌ. Huaꞌanëntatonaꞌ, inaquë yaꞌhuëapona huachi.

Jeremías 1:10

“Ca nohuanto nanamëhuë noꞌtëquën shaꞌhuiaran. Nisha nisha piyapiꞌsaꞌ, nisha nisha copirnoroꞌsari huaꞌanëntopisoꞌ, inapita pënënacaso marëꞌ nanan quëtaranquën. Pënënpatan co natëtohuachinahuëꞌ, pacatoro huaꞌtahuatë ataꞌhuantërëso pochin, noꞌpapi pëi ohuatahuatë ninomotërëso pochin anaꞌintarahuë. Noya natëhuachinaso nipirinhuëꞌ, sharoꞌsa shacatë pochin nitato, noya noya nicacaisoꞌ catahuararahuë,” itërinco.

Jeremías 14:17

Isontaꞌ, piyapinëhuëpita shaꞌhuitacaso marëꞌ nanan quëtaranquën: ‘Piyapinëhuëpita nosororahuësoꞌ, panca maꞌsha onpopi. Paꞌpi huëhuëpiro maꞌsha onporëso pochin nipi. Ina marëꞌ tahuëri tashirë chachin, naꞌnërápahuaso yaꞌhuërin.

Jeremías 18:13

Napopiso marëꞌ Sinioro tënin: “¿Inso nacionquë tëranta taꞌma ina pochin nonpiso natanama nicaya? Israiroꞌsasoꞌ, paꞌpi co noyahuëꞌ nipi.

Jeremías 31:13

Nanoꞌsa capa cancantatona nansaponaꞌ. Huiꞌnapiꞌsaꞌ, mashoroꞌsaꞌ, inapitanta inapoapi. Cari chachin achinicancanarahuë niꞌton, napoaponaꞌ. Co huachi naꞌnëtonaraihuëꞌ, capa cancantaponaꞌ. Naꞌcon parisitopirinahuëꞌ, naꞌcon naꞌcon capa cancantaponaꞌ.

Jeremías 31:21

Israiroꞌsanquëma papoma pochin ira paꞌtëramaquë nohuitamaso marëꞌ maꞌsha tëranta acotocoꞌ. Huënantahuatamaꞌ, co sacaihuëꞌ nohuitaramaꞌ. Yaꞌipi ira paꞌtëramasoꞌ noya níracoꞌ. ¡Israiroꞌsanquëma yaꞌhuëramaquë chachin huënantacoꞌ!

Jeremías 31:38

Naquëranchin Sinioro taantarin: “Quirosarinsoꞌ, ninanonëhuë. Ca nohuanton inasoꞌ, naquëranchin acoantaponaꞌ. Ananiro tori quëran ‘Coꞌin yaꞌcoana’ itopiquë huarëꞌ acoaponaꞌ. Ninano nanirinsosoꞌ ina yaꞌcoana quëran, Caripi motopiaꞌhua itopiquë huarëꞌ noꞌtëquën paꞌsarin. Inaquë taconorahuaton Coa itopiquë huarëꞌ naniarin.

Amós 5:2

Canpitaso israiroꞌsanquëma poꞌnamaꞌ: Nanon co soꞌyayátëraponahuëꞌ aꞌnanaya yaꞌhuërinquë chiminaton, co macari ananpitaantarinsohuë pochin niconamaꞌ.

Amós 9:11

Naquëranchin Sinioro taantarin: “Co huaꞌquiya quëranhuëꞌ israiroꞌsa noya acoantarahuë. Iráca Tapi copirnori huaꞌanëntapon naporinso pochachin acoantarahuë.

Lucas 15:23

Ina quëran toroaꞌhua amoshin nininsoꞌ maꞌtomaꞌ, tëpacoꞌ caꞌahuaꞌ. Capa cancantatëhuaꞌ, pita niahuaꞌ.

Hechos 15:16

“Yosë chachin naporin: ‘Aꞌna tahuëri huëantarahuë. Tapi shinpita catahuaantarahuë. Inapitasoꞌ naniantërinaco niꞌtonaꞌ, pëiꞌ mocarinso pochin nisapi. Co noya cancantopirinahuëꞌ, cari anoyacancantaantarahuato, noya acoantarahuë.