Jeremías 31:25 - Chayahuita (Shahui)

²⁵ Tanarëso pochin cancantopisopita aꞌcatë pochin nitarahuë. Yamororëso pochin cancantopisopitantaꞌ, oꞌshitatë pochin nitato achinicancanarahuë,” itërinco.

Jeremías 31:25 ပူးပေါင်းရင်းမြစ်များ

Salmos 107:9

Paꞌpi yamorotohuatëhuara, ina chachin inquitërinpoaꞌ. Paꞌpi tanahuatëhuarantaꞌ, napotërinpoaꞌ.

Salmos 23:3

Inapochachin cantaꞌ, achinicancanachinanco. Noyanquën niꞌton, anoyacancantëranco noya nicaꞌhuaso marëꞌ.

Isaías 32:2

Aꞌnaya aꞌnaya, ihuan naꞌpitiinan pochin paꞌpoyatapi. Maꞌsha onpocaso tahuëri nipachin, catahuatapi. Yaniroquë sharoꞌsa opotacaiso marëꞌ cashapiso pochin nisapi. Panca natëtë inotëroquë, piꞌi yaꞌcopirinso pochin nisapi.

Isaías 40:29

Canotopisopita, inari achiniantarin. Sanpatopisopitantaꞌ, ananitaantarin.

Isaías 41:17

Popriroꞌsaꞌ, sano piyapiroꞌsaꞌ, inapitaso iꞌsha yonípirinahuëꞌ, co quënanpihuëꞌ. Paꞌpi yamorotonaꞌ, yaniconopirapi. Napopirinahuëꞌ, ca Sinioroco niꞌto, catahuarahuë. Ca Yosënëmaco niꞌto, inapitanta co aꞌpoapohuëꞌ.

Isaías 50:4

Sinioro piyapinën naporin: “Canotërëso pochin cancantopisopita achinicancanacaso marëꞌ, Sinioro aꞌchintërinco. Nani tashiramiachin taꞌtato natantaꞌhuaso marëꞌ catahuarinco.

Jeremías 31:12

Napoaton huëantarahuatonaꞌ, Quirosarin motopiaꞌhuaroꞌsaquë cantaponaꞌ. Siniorori catahuarinsoꞌ yonquiatona capa cancantapi. Ina nohuanton trico, huino, tomaꞌ, ohuicaroꞌsaꞌ, ohuacaroꞌsaꞌ, inapita yaꞌhuëtaponaꞌ. Pairapipisoanaquë shaꞌpisoꞌ, noyá oporapitopinan pochin nisapi. Co huachi onporo tëranta sanpatërëso pochin nisapihuëꞌ.

Jeremías 31:14

Corto huaꞌanoꞌsantaꞌ, noya noya cosharo nininso caponaꞌ. Yaꞌipi piyapinëhuëpita yaꞌsotai huarëꞌ maꞌsha noya nininsoꞌ quëtapo. Ca Sinioroco shaꞌhuitaranquëmaꞌ,” tënin.

Mateo 11:28

Huëcoꞌ casáchin imaco catahuainquëmaꞌ. Isoroꞌpaquë maꞌsha onporamaꞌ niꞌton, sëtaramaꞌ. Naporahuaton, nisha nisha yanatëpiramahuëꞌ, co canpitaora nanitëramahuëꞌ noya cancantacamasoꞌ. Pëꞌpëto quëquën quëparamaso pochin ninatanama niꞌton, napion cancantëramaꞌ. Napoaton huëcoꞌ catahuainquëmaꞌ sano cancantacamaso marëꞌ.

Mateo 5:6

Tanarëso pochin, yamororëso pochin cancantatomaꞌ, Yosë naꞌcon nohuantocoꞌ. Ina pochin cancantacasoáchin nohuantohuatamaꞌ, noya niꞌsarinquëmaꞌ. Catahuarinquëmaꞌ ina pochin cancantacamaso marëꞌ. Sano cancantaramaꞌ.

Lucas 1:53

Pahuantërinsopita catahuarin nóya yaꞌhuëcaiso marëꞌ. Maꞌhuanoꞌsaso nipirinhuëꞌ, topinan aꞌparin.

Juan 4:14

Nisha iꞌsha carinquën quëtaranquën. Ina yaꞌhuëtohuachinquën, co huachi yamororëso pochin cancantaranhuëꞌ. Niꞌquëꞌ. Pancaiꞌ noꞌpa quëran pipihuachina, noyápiachin pipirárin. Co onporontaꞌ yanimarinhuëꞌ. Inapochachin nanpirin iꞌsha quëtohuatënquën, cancanënquë chachin yaꞌhuëtarinquën. Inaquë yaꞌhuápon huachi. Yosë nohuitaton, nanpimiataran, itërin.

2 Corintios 7:6

Sëtohuatëhuaꞌ, Yosë achinicancaninpoaꞌ niꞌton, quiyantaꞌ achinicancanincoi. Ina nohuanton, Tito huëꞌnin.