Jeremías 31:22 - Chayahuita (Shahui)

²² Huiꞌnama nimintatohuachin, patë patë́rantapon. Canpitanta israiroꞌsanquëma inaporapiramahuëꞌ, ¡copi toco huachi! Ca Sinioroco nasha nininsoꞌ isoroꞌpaquë acoarahuë. Naporahuësoꞌ natanpatamaꞌ, co natëtochináchinhuëꞌ cancantaramaꞌ,’ itërahuë,” tënin.

Jeremías 31:22 ပူးပေါင်းရင်းမြစ်များ

Génesis 3:15

Ca nohuanto sanapi inimicotarinquën. Quëmarinta ina inimicotaran. Quëmá quëran pipipisopitantaꞌ, sanapi quëran pipipisopitarëꞌ niinimicotaponaꞌ. Aꞌna tahuëri sanapi quëran pipirinsoari minsëmiatarinquën. Napoaponahuëꞌ, quëmarinta chiníquën ina aparisitaran, itërin.

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Jeremías 14:7

Sinioro tëhuënchachin quiyasoꞌ oshahuancoi niꞌton, co catahuancoiso inashitëraihuëꞌ. Napopiraihuëꞌ, noyanquën ninanso nitotacaiso marëꞌ catahuacoi. Nisha nisha cancantatoi naꞌaro tëhuëtërainquën. Inapoatoi naꞌcon oshahuanai.

Jeremías 2:18

Napoapomarahuë canpitasoꞌ: ‘Iquipitoquë paꞌsahuatoi, Niroiꞌ oꞌosarai. Asiriaquënta paꞌsahuatoi Iopiratisiiꞌ oꞌosarai. Inapoatoi chiníquën cancantërëso pochin inapita catahuainacoiso ninaarai,’ tënamaꞌ. Napopiramahuëꞌ, inapitaso co catahuaponquëmahuëꞌ.

Jeremías 2:23

Canpitaso naporamaꞌ: ‘Quiyasoꞌ co mamanshiroꞌsa mosharaihuëꞌ. Co coton tapipinan pochin ninaihuëꞌ,’ toconamaꞌ. ¡Co ina pochin nonamaso yaꞌhuërinhuëꞌ! ¿Maꞌta nipachin Pini-inon motopiananquë onporamaꞌ? ‘Tëhuënchachin co noyahuëꞌ ninai,’ tocoꞌ. Camiyo paya huënaitohuachina itohua itohua taꞌarinso pochin niconamaꞌ.

Jeremías 2:36

¡Catahuainëmaso marëꞌ ama aꞌna aꞌna yonícosohuëꞌ! Iquipitoroꞌsanta yonípiramahuëꞌ, co manta catahuaponquëmahuëꞌ. Asiriaroꞌsa napotërinquëmaso pochachin inapitanta nitarinquëmaꞌ.

Jeremías 7:24

Napotopiranquëmahuëꞌ, canpitaso co natëramacohuëꞌ. Co natantochináchinhuëꞌ cancantatomaꞌ, co noyahuëꞌ ninamaꞌ. Casáchin cancantamacoso nipirinhuëꞌ, nisha cancantëramaꞌ.

Oseas 11:7

Piyapinëhuëpitasoꞌ, co yatahuërëtërinacohuëꞌ: ‘Yosëso chini chiníquën nanantërin,’ taponaraihuëꞌ, co tëhuënchachin tëꞌhuatërinacohuëꞌ.

Oseas 14:4

Sinioro naporin: “Israiroꞌsasoꞌ, co natantochináchinhuëꞌ cancantopirinahuëꞌ catahuahuato, co huachi ina pochin cancantaponahuëꞌ. Co quëꞌyápirohuë nipirinahuëꞌ, nosoroarahuë. Noꞌhuitërahuësoꞌ sanoato, napotarahuë.

Oseas 4:16

Israiroꞌsasoꞌ, iráca quëran huarëꞌ co yanatërinacohuëꞌ. Noꞌhuitëraya ohuaca pochin niconpi. Tëhuënchachin caso Sinioroco niꞌto, ina pochin piyapiroꞌsasoꞌ, co aꞌpaiyapohuëꞌ. Noyápiachin pastoroꞌsaquë carniroaꞌhuaroꞌsa aꞌpairëso pochin yanitopirahuëꞌ, ¡co onporonta inapotaꞌhuaso yaꞌhuërinhuëꞌ!

Mateo 1:21

Huaicasoꞌ nanihuachin, quëmapiaꞌhuaya nasitapon. Nasitohuachin, Quisoso itëquëꞌ. Piyapinënpita oshanënaꞌ inquitaton, nichaꞌësarin niꞌton, ina nininën acotëquëꞌ, itërin anquëniri. Itahuaton, panantarin huachi.

Gálatas 4:4

Ina quëran tahuërinën nanihuachina, Yosëri huiꞌnin aꞌpaimarin. Sanapi quëran nasitaton, piyapi chachin ninin. Cotio quëmapi niꞌton, iráca pënëntërinsoꞌ natëcasoꞌ yaꞌhuërin.