Jeremías 31:21 - Chayahuita (Shahui)

²¹ Israiroꞌsanquëma papoma pochin ira paꞌtëramaquë nohuitamaso marëꞌ maꞌsha tëranta acotocoꞌ. Huënantahuatamaꞌ, co sacaihuëꞌ nohuitaramaꞌ. Yaꞌipi ira paꞌtëramasoꞌ noya níracoꞌ. ¡Israiroꞌsanquëma yaꞌhuëramaquë chachin huënantacoꞌ!

Jeremías 31:21 ပူးပေါင်းရင်းမြစ်များ

Salmos 84:5

Catahuaransopitantaꞌ, tëhuënchachin capa cancantopi. Napoaton huaꞌanëntëranquë huarëꞌ nohuantopi iratacaisoꞌ.

Jeremías 31:4

Nasha quëran chachin noya acoantaranquëmaꞌ. Capa cancantatoma nansapomaꞌ. Shari shari piꞌniatomaꞌ, nansapomaꞌ.

Jeremías 6:16

Naquëranchin Siniorori piyapinënpita itapon: “Paꞌnamaquë ira niosërarinsoꞌ quënanconpatamara, chiniconamaꞌ. Noya niꞌsahuatoma iracaya ira huayonamaꞌ. Canpitanta chihuërëso pochin cancantohuatamaꞌ, nontoco noꞌtën ira aꞌnotërëso pochin nichinquëmaꞌ. Inasáchin paꞌtohuatamaꞌ sano cancantaramaꞌ,” itërin. Canpitaso napoaponahuëꞌ: “Co nohuantëraihuëꞌ ina ira paꞌtaꞌhuaisoꞌ,” toconamaꞌ.

Deuteronomio 32:46

Nani aꞌchintahuaton itapon: “Yaꞌipi ipora shaꞌhuitëranquëmasopita noya yonquicoꞌ. Ina quëran huiꞌnamaꞌ, shiparimaꞌ, inapitanta camaico yaꞌipi pënëntërinsoꞌ natëcaiso marëꞌ.