Jeremías 31:2 - Chayahuita (Shahui)

^2-3 Ina quëran Sinioro taantarin: “Inotëro parti israiroꞌsa paasoiꞌ, nosororahuësoꞌ, aꞌnotërahuë. Inapitasoꞌ chimirin quëran chaꞌëtë pochin nipi. Sano cancantacaiso marëꞌ noꞌpaꞌ yonisoiꞌ, yaꞌnotahuato nontërahuë: Carimasoꞌ, co piꞌpisha nosororanquëmahuëꞌ. Nosoromiatëranquëmaꞌ. Napoaton ipora huanta nosoroáranquëmaꞌ.

Jeremías 31:2 ပူးပေါင်းရင်းမြစ်များ

Salmos 95:11

Napoaton caso Yosëco niꞌto, noꞌtëquën shaꞌhuitërahuë. Co natëtonacohuë anoꞌhuitërinaco niꞌquëhuarëꞌ, co onporonta noyaroꞌpaquë yaꞌconatonaꞌ, sano cancantaponahuëꞌ,’ tënahuë,” itërinquëmaꞌ.

Éxodo 1:16

—Israironoꞌsa huaꞌhua iquitohuachinaꞌ, noya niꞌcoꞌ. Sanapiaꞌhuaya nipachin, noya nanpiꞌin. Quëmapiaꞌhuaso nipirinhuëꞌ, ¡tëpacoꞌ! itërin.

Éxodo 1:22

Huaraonso nipirinhuëꞌ, piyapinënpita itapon: “Israiroaꞌhuaroꞌsa quëmapiaꞌhuaya nasitohuachin, iꞌquë tëꞌyaitoco chimiichin. Sanapiaꞌhuaroꞌsaso nipirinhuëꞌ, noya nanpiꞌinaꞌ,” itërin.

Éxodo 12:37

Israiroꞌsasoꞌ, Namisisi ninano quëran pipirahuatonaꞌ, Socoto parti canconpi. Saota pasa huaranca quëmapiꞌsa chiníquënoꞌsa nipisoꞌ, paꞌsapi. Sanapiꞌsaꞌ, huaꞌhuaroꞌsaꞌ, mashoyaroꞌsaꞌ, inapitaso co pichipihuëꞌ.

Éxodo 2:23

Napoyan quëran Iquipito copirno chiminin huachi. Aꞌna yaꞌhuërëꞌ yaꞌcoantaponahuëꞌ, inanta israiroꞌsa co nosororinhuëꞌ. Inachachin asacatapi. Chiníquën parisitatonaꞌ, naꞌnë naꞌnë́rantapi. Napoatona Yosë nontopi huachi: “Catahuacoi Sinioro. Chiníquën parisitarai. Nichaꞌëcoi,” itopi. Napopisoꞌ Yosëri natanin.

Éxodo 33:14

—Carinquën chachin caꞌtanaranquën niꞌton, sano cancantaran, itërin Siniorori.

Éxodo 5:21

Inaquë quënanatonaꞌ: —Canpitaso copirno nontatomaꞌ, panca tëhuëramaꞌ. Ipora inasoꞌ, catahuarinsopitarë chachin naꞌcon naꞌcon noꞌhuirinacoi. Naporama aꞌpiquë tëpaponacoi aꞌna nimara. Ina marëꞌ canpitanta Yosë anaꞌinchinquëmaꞌ, itopi.

Jeremías 2:2

“Quirosarinquë yaꞌhuëpisopita nontoonquëꞌ. Chiníquën nonaton ca Sinioroco naporahuësoꞌ shaꞌhuitëquëꞌ: ‘Iráca casáchin cancantëramaco. Niꞌquëꞌ. Nanon nasha soꞌyahuachina, soꞌin naꞌcon nosororin. Ina pochin canpitanta cancantatomaꞌ, inotëro parti imaquiramaco. Inaquëso co maꞌsha tëranta shaꞌnëhuë nipirinhuëꞌ, naporamaꞌ.

Números 10:33

Ina pochin Sinioro motopinën quëran, israiroꞌsa paantapi. Cara tahuëri iratopi. Siniororëꞌ anoyatopiso caposonën quëpanaꞌpiroꞌsa quëchitapi. Sinioro nohuanton chitoro chiniconpachina, inaquë chinotapi huachi.

Números 14:20

Moisësëri napotohuachina Siniorori itapon: —Noyapaꞌ. Quëma napotëranco niꞌton, co ataꞌhuantarahuëꞌ.

Mateo 11:28

Huëcoꞌ casáchin imaco catahuainquëmaꞌ. Isoroꞌpaquë maꞌsha onporamaꞌ niꞌton, sëtaramaꞌ. Naporahuaton, nisha nisha yanatëpiramahuëꞌ, co canpitaora nanitëramahuëꞌ noya cancantacamasoꞌ. Pëꞌpëto quëquën quëparamaso pochin ninatanama niꞌton, napion cancantëramaꞌ. Napoaton huëcoꞌ catahuainquëmaꞌ sano cancantacamaso marëꞌ.

Deuteronomio 12:9

Iporaso Yosë noꞌpaꞌ quëtërinpoaquë, co yaꞌconchátërarëhuahuëꞌ. Sinioro noꞌpaꞌ quëtohuachinquëmaꞌ, sano cancantaramaꞌ. Inaquë natëcamaso marëꞌ pënënaranquëmaꞌ.

Deuteronomio 8:16

Ina chachin mana quëtërinpoa capacaso marëꞌ. Inaso cosharoꞌ, shiꞌmashonënpoanta co nohuitopihuëꞌ. Inapotatënquëma tënirinquëmaꞌ. Naporahuaton, natëtochináchin cancantamaso marëꞌ napotërinquëmaꞌ.

Josué 1:13

—Moisësësoꞌ Sinioro piyapinën. Ina camairinquëmasoꞌ, yonquicoꞌ. Sinioroso Yosënënpoa niꞌton, noya yaꞌhuëcamaso marëꞌ noꞌpaꞌ quëtarinquëmaꞌ.