Jeremías 31:18 - Chayahuita (Shahui)

¹⁸ Iprain huënton israiroꞌsantaꞌ, co napion ancantatona naꞌnëtarinaco: ‘Tëhuënchachin quiyasoꞌ, tanan toro pochin niconai. Napopiraihuëꞌ, quëma Sinioro anocantatë pochin nitërancoi. Catahuacoi quëmasáchin tahuërëtaantaꞌinquën. Quëmaso Sinioronëhuëinquën. Yosënëhuëinquën.

Jeremías 31:18 ပူးပေါင်းရင်းမြစ်များ

Copo naporinso' 5:17

Yosë pënënaponquën poꞌtërinquën. Napoaton tëhuënchachin noya cancantëquëꞌ. Inasoꞌ, yaꞌipi nanitaparin. Ina nohuanton maꞌsha onpohuatan, ama noꞌhuitëquësohuëꞌ.

Salmos 118:18

Sinioro chiníquën anaꞌintopirincohuëꞌ, co chimirinquë aꞌparincohuëꞌ.

Salmos 32:9

Inapotohuatënquën, quëmasoꞌ natëco. Ama cahuario, mora, inapita pochin cancantëquësohuëꞌ. Inapitasoꞌ noninquë aꞌsonconotahuatëꞌ, huaꞌnanan acatëntërëꞌ. Inapotohuatëra, noya natëtopi huachi. Coꞌsoꞌ inapotohuatërahuëꞌ, co onporonta yaꞌyoraninpohuëꞌ,” tënin.

Salmos 80:19

Quëmasoꞌ Sinioronquën, yaꞌipi nanitaparan. Catahuacoi iráca pochachin niantaꞌi. Noya nicatoncoi nichaꞌëpatancoi, chaꞌësarai huachi.

Salmos 80:3

Quëmaso Yosënquën. Catahuacoi iráca pochachin niantaꞌi. Noya nicatoncoi nichaꞌëhuatancoi, chaꞌësarai.

Salmos 80:7

Quëmaso Yosënquën. Yaꞌipi nanitaparan. Catahuacoi iráca pochachin niantaꞌi. Noya nicatoncoi nichaꞌëpatancoi, chaꞌësarai.

Proverbios 3:11

Yonquiquë huaꞌhua: Yosë nosororinpoꞌ. Noya noya imacahuaso marëꞌ ina nohuanton aꞌna tahuëri parisirëꞌ. Aꞌna tahuëri piꞌpian anaꞌintopirinpohuëꞌ, ama amiaton aꞌpoquësohuëꞌ.

Isaías 1:5

Canpitaso co natantochináchinhuëꞌ cancantëramasoꞌ, co yaaꞌporamahuëꞌ. Ina marëꞌ noꞌhuitënquëma anaꞌintëranquëmaꞌ. Co máquëma tëranta noyatërinso yaꞌhuërinhuëꞌ. Motëma quëran nantëranëmaquë huarëꞌ, piꞌniosáchin pochin, pomato pomato toconinso pochin, taꞌtaráchin niconinso pochin, niconamaꞌ. Naporamasoꞌ, co inso tëranta nonëninquëmahuëꞌ. Co tomaquë tëranta pashitatënënquëma asanorinënquëmahuëꞌ. Inapoatoma co huachi manta chiniramahuëꞌ.

Isaías 53:7

Inimiconënpitari aparisitohuachina, co manta tosarinhuëꞌ. Co piꞌpian tëranta nonsarinhuëꞌ. Carniroaꞌhua tëpacaso marëꞌ quëpapiso pochin nitapi. Oꞌhuica yaꞌicaso marëꞌ quëpahuachinara, co manta tëninsohuë pochin inantaꞌ, co manta tosarinhuëꞌ.

Isaías 63:16

¡Quëmasoꞌ, tatahuëi pochin ninan! Apraanso co aꞌna nohuitomarincoihuëꞌ. Cacoponta co aꞌna yonquimarincoihuëꞌ. Quëmaso Sinioro tatahuëi pochin ninan. Iráca quëran huarëꞌ nichaꞌërancoi.

Jeremías 2:30

Topinan quëran huiꞌnamapita anaꞌintërahuë. Cancan yonquicaiso marëꞌ napotopirahuëꞌ, co yanitotopihuëꞌ. Paꞌpiniroꞌsa tëꞌhuatoro yaꞌnopiso pochin nicatomaꞌ, pënëntonaꞌpiroꞌsa tëparamaꞌ.

Jeremías 31:6

Co huaꞌquiya quëranhuëꞌ Iprain motopiaꞌhuaroꞌsaquë aꞌpaitoroꞌsa chiníquën shaꞌhuiponaꞌ: ‘Huëco paꞌahua Quirosarinquë niꞌtontaꞌahuaꞌ. Inaquë Sinioro chinotontaꞌahuaꞌ,’ tëcaponaꞌ,” tënin.

Jeremías 31:9

Orarëꞌnachin, naꞌnërëꞌnachin, huëꞌsapi. Cari chiniiꞌ yaꞌhuërinquë quëpaarahuë. Noyá tapapinan ira quëshihuato co iꞌpaponahuëꞌ. Ca mini israiroꞌsa paꞌpina pochin ninahuë. Inapitantaꞌ, paninanëhuë pochin nipi,” tënin.

Daniel 9:13

Moisësë pënëntërinsoꞌ quiricaquë ninshitërinso pochachin paꞌpi chiníquën parisitërai. Inapoapiraihuëꞌ, co chinotërainquënhuëꞌ. Co noyahuëꞌ ninaisopitanta co aꞌporaihuëꞌ. Noꞌtë nanan aꞌchintërancoisontaꞌ, co imaraihuëꞌ.

Oseas 4:16

Israiroꞌsasoꞌ, iráca quëran huarëꞌ co yanatërinacohuëꞌ. Noꞌhuitëraya ohuaca pochin niconpi. Tëhuënchachin caso Sinioroco niꞌto, ina pochin piyapiroꞌsasoꞌ, co aꞌpaiyapohuëꞌ. Noyápiachin pastoroꞌsaquë carniroaꞌhuaroꞌsa aꞌpairëso pochin yanitopirahuëꞌ, ¡co onporonta inapotaꞌhuaso yaꞌhuërinhuëꞌ!

Oseas 5:15

Ina quëran huaꞌquimiachin tananpitarahuë: ‘Oshahuanëhua niꞌton, Sinioro poꞌtërinpoaꞌ,’ taꞌcaihuarëꞌ catahuaantarahuë. Parisitatona co napion cancantohuachinaꞌ, oshanëna inquitaꞌhuaso marëꞌ yoníponaco,” tënin.

Jonás 3:10

Copirno camaitërinso chachin yaꞌipi piyapiꞌsa co noyahuëꞌ nipiso aꞌpopi. Yosësoꞌ, napopiso niꞌnin. Ina nicaton nosororin. Inapoaton ataꞌhuantacaso yonquirinsoꞌ, tananpitërin.

Malaquías 3:16

Sinioro noya nicatona natëpisopitasoꞌ, Sinioro naporinso natanpi. Ina natanatonaꞌ, niachinicancanacaiso marëꞌ noya ninontopi. Napopiso Sinioronta noya natanaton, nininëna aꞌna quiricaquë aninshitërin: “Isopitasoꞌ, paꞌyatërinaco. Naporahuatonaꞌ, noya nicatonaco natërinaco. Ina marëꞌ, co onporontaꞌ naniantacaso yaꞌhuërinhuëꞌ,” tënin aninshitaton.

Malaquías 4:6

Ina pënëntohuachin huiꞌnahuanoꞌsasoꞌ, huiꞌninapitarëꞌ noya ninicatona yaꞌhuëantaponaꞌ. Sanapiꞌsanta huaꞌhuinapitarëꞌ inapoaponaꞌ. Huaꞌhuaroꞌsanta paꞌpinaꞌ, aꞌshinaꞌ, inapitarëꞌ napoaponaꞌ. Co ina pochin ninicatona yaꞌhuëantahuachinahuëꞌ, oꞌmarahuato yaꞌhuëramaso noꞌpaꞌ anaꞌintarahuë. Inapotato ataꞌhuantomiatarahuë,” tënin.

Lucas 1:17

Iráca Iniasë pënëntërinso pochin nóya pënëntarin. Ina pochin chiníquën nanantarin inantaꞌ. Sinioro yaoꞌmahuachin, pënëntapon. Pënëntohuachin, quëmapiꞌsaꞌ huiꞌninpitarëꞌ noya ninontantaponaꞌ. Iporasoꞌ aꞌnaquën co Yosë natëpirinahuëꞌ. Ina natanahuatonaꞌ, noꞌtëquën yonquiaponaꞌ. Inari aꞌchintohuachin, Sinioro nohuantapona huachi, itërin anquëniri.

Lucas 15:20

Ina quëran paꞌpin yaꞌhuërinꞌpaꞌ paantarin. Yaꞌcaritëriahuasoꞌ, aquë quëran paꞌpini quënanin. Quënanahuaton, naꞌcon nosoroaton, taꞌaparin. Iporahuaton, apinorin.

Hechos 3:26

Canpitaꞌton yonquiatënquëmaꞌ, huiꞌnin ananpitaantarahuaton, aꞌparin catahuainquëmaso marëꞌ. Ina catahuahuachinquëmaꞌ, co noyahuëꞌ ninamasopita naniantaramaꞌ. Ina quëran nóya cancantaramaꞌ. Ina marëꞌ Quisoso aꞌpaimarin,” itërin.

Filipenses 2:13

Co noyahuëꞌ cancantatomaꞌ, co canpitaora nanitëramahuëꞌ Yosë natëcamasoꞌ. Nipirinhuëꞌ, Yosë nontohuatamaꞌ, catahuarinquëmaꞌ nohuantacasoꞌ. Ina quëran Yosë yanatëhuatamaꞌ, inari chachin catahuarinquëmaꞌ noꞌtëquën natëcamasoꞌ. Inasoꞌ noya noya ayonquiarinquëmaꞌ.

Hebreos 12:5

Huiꞌninpita pochin nicatonpoaꞌ, Yosë pënëninpoaꞌ chiníquën cancantacaso marëꞌ. Nani nitotopiramahuëꞌ, ¿naniantëramaꞌ ti? Quiricanën quëran napotërinpoaꞌ: “Yonquiquëꞌ conpa. Aꞌna tahuëri Yosë nohuanton, parisitaran noya noya imacamaso marëꞌ. Aꞌna tahuëri piꞌpian anaꞌintopirinquënhuëꞌ, ama sëtëquësohuëꞌ. Ama yaaꞌpoquësohuëꞌ. Ahuantacasoꞌ yaꞌhuërin.

Apocalipsis 3:19

Nosoroatënquëmaꞌ, chiníquën nontëranquëmaꞌ. Anaꞌintaranquëmaꞌ noya cancantacamaso marëꞌ. Co noyahuëꞌ yonquiramasopita aꞌporahuatomaꞌ, casáchin tahuërëtantaco huachi.