Jeremías 31:14 - Chayahuita (Shahui)

¹⁴ Corto huaꞌanoꞌsantaꞌ, noya noya cosharo nininso caponaꞌ. Yaꞌipi piyapinëhuëpita yaꞌsotai huarëꞌ maꞌsha noya nininsoꞌ quëtapo. Ca Sinioroco shaꞌhuitaranquëmaꞌ,” tënin.

Jeremías 31:14 ပူးပေါင်းရင်းမြစ်များ

Salmos 107:9

Paꞌpi yamorotohuatëhuara, ina chachin inquitërinpoaꞌ. Paꞌpi tanahuatëhuarantaꞌ, napotërinpoaꞌ.

Salmos 63:2

Chinotërinënquënso pëiquë chinotatënquën noya nohuichinquën. Tëhuënchachin chiníquën nanantaton, yaꞌipi nanitaparan. Quëmasoꞌ noya noyanquën.

Salmos 63:5

Noya ancantato, noya cosharo caꞌnëso pochin chiníquën cancantarahuë. Noya ancantato chinotaranquën.

Salmos 63:6

Tashinta quëhuënpatora yonquiáranquën. Yono tashihuë nipon, tahuëri yaꞌcarihuë nipon capayatohuatora, yonquiantaranquën.

Salmos 65:4

Nohuitaꞌhuainquënso marëꞌ huayonancoi niꞌton, noya cancantërai. Noya cosharo pëinënquë yaꞌhuërin. Ina aꞌcatë pochin nitatoncoi catahuacoi nohuitatëinquën noya noya cancanchii.

Salmos 90:14

Tahuëririahuachina, nosororancoisoꞌ aꞌnotocoi. Inapotohuatancoi, quëma cantanën cantatoi, chiminaquë huarëꞌ capa cancantarai.

Isaías 61:6

Inapitasoꞌ nohuitatënquëmaꞌ: ‘Sinioro marëꞌ sacatopisopita corto huaꞌanoꞌsaꞌ,’ itaponëmaꞌ. Nisha nisha nacionoꞌsa quëran noya noya cosharo quëpisoꞌ capomaꞌ. Inapita noya noya nitapapisopitaquë, canpitanta nitapapomaꞌ.

Jeremías 31:25

Tanarëso pochin cancantopisopita aꞌcatë pochin nitarahuë. Yamororëso pochin cancantopisopitantaꞌ, oꞌshitatë pochin nitato achinicancanarahuë,” itërinco.

Mateo 5:6

Tanarëso pochin, yamororëso pochin cancantatomaꞌ, Yosë naꞌcon nohuantocoꞌ. Ina pochin cancantacasoáchin nohuantohuatamaꞌ, noya niꞌsarinquëmaꞌ. Catahuarinquëmaꞌ ina pochin cancantacamaso marëꞌ. Sano cancantaramaꞌ.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.

Deuteronomio 33:23

Nipitari itopisoꞌ Israiro huëntonta yonquiaton, tapon: “Nipitari itopisoꞌ Israiro huëntonsoꞌ, Siniorori nóya niꞌnin. Paꞌpi notohuaroꞌ inari catahuarin. Sor parti yonsanquë huarëꞌ panca sono nininsoꞌ huaꞌanëntapon,” tënin.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.

Apocalipsis 5:10

Huaꞌanëntëranquë ayaꞌconan. Corto huaꞌanoꞌsa pochin acoran Yosëíchin yonquicaiso marëꞌ. Aꞌna tahuëri noꞌpaquë chachin ichihuaꞌanëntaran huachi. Ma noyanquëncha quëmaso paya,” itopi, cantatonaꞌ.