Jeremías 31:11 - Chayahuita (Shahui)

¹¹ Siniorori Cacopo quëran pipipisopita nichaꞌërin. Chiníquën nanantërinsoꞌ nacioni huaꞌanëntopirinhuëꞌ, nichaꞌërin.

Jeremías 31:11 ပူးပေါင်းရင်းမြစ်များ

Éxodo 15:16

Catahuacoi Sinioro. Nisha nisha nacionoꞌsa tëꞌhuachina huachi. Naꞌpi co pacaritërinsohuë pochin, quëma nohuanton niinaꞌ. Piyapinënpitacoi noꞌpanëna naꞌhuëtaꞌhuai huarëꞌ napoꞌinaꞌ.

Isaías 44:23

Piꞌiroꞌtëꞌ, quëmanta piyapi pochin nicaton cantaquëꞌ. Sinioro naporinso yonquiaton cantaquëꞌ. Capa cancantaton, inapoquëꞌ. Noꞌpaꞌ acoporonta piyapi pochin nicaton, “yai, yai,” charaꞌin. Motopiroꞌsaꞌ, tananoꞌsaꞌ, yaꞌipi nararoꞌsaꞌ, canpitanta capa cancantocoꞌ. Nichaꞌësahuatonpoaꞌ, Sinioro chiníquën nanantërinsoꞌ aꞌnotërinpoaꞌ.

Isaías 49:24

Canpitaso quëparinëmaquë napoaramaꞌ: “Chiníquën piyapi ahuëtaton maꞌsha maninsoꞌ, ¿incarita nanitërin osërëtacasoꞌ? Noꞌhuitëraya nininsontaꞌ, piyapi mapachina, ¿nanitërin inari taꞌananpicaso ti?” tosaramaꞌ.

Isaías 49:25

Siniorosoꞌ, naporin: “Nanitopi mini. Chiníquën piyapi maꞌsha maninso nipirinhuëꞌ, aꞌnari nanitërin osërëtacasoꞌ. Noꞌhuitërayanta canatërinsoꞌ, aꞌnari nanitërin matacasoꞌ. Inapochachin canta nisarahuë. Aꞌnaquën maꞌsha yaonpotohuachinquëmaꞌ, cari chinitarahuë. Cari chachin Quirosarin yaꞌhuëhuanoꞌsa nichaꞌësarahuë.

Jeremías 15:21

Co noyahuëꞌ nipisopita maꞌsha yaonpotopirinënquënhuëꞌ, nichaꞌësaranquën. Chiníquën nanantopirinahuë tërantaꞌ, inapita quëran nichaꞌësaranquën,” itërinco.

Oseas 13:14

¡Co carima poꞌoroꞌ quëran nichaꞌësaranquëmahuëꞌ! ¡Piyapinëhuëpita nipiramahuëꞌ, co huachi nosoroaponquëmahuëꞌ! Napoaton chimirin përato: ‘Chimirin. Quëmasoꞌ ataꞌhuantonaꞌpinquën. ¿Intohuata iporasoꞌ inapoyantëransoꞌ?’ itërahuë. Poꞌoronta nontato: ‘Poꞌoroꞌ. Quëmantaꞌ naní quëran tëꞌhuachantërinën. ¿Intohuacha iporasoꞌ tëꞌhuachantërinënsoꞌ?’ itërahuë.

Zacarías 9:16

Maton maꞌsharoꞌsari ohuica huëntonën yamapachina, huaꞌanëni paꞌpoyarinso pochin ina tahuëri nanihuachin, Sinioronta piyapinënpita nichaꞌësarin. Ina quëran yaꞌhuëpiquë chachin yaꞌhuëantahuachinaꞌ, noya noya yaꞌhuëantaponaꞌ. Yancotë paꞌton naꞌpiraꞌhuaroꞌsa acotohuachinara, huënáporinso pochin noya noya yaꞌnoponaꞌ.

Mateo 12:29

Quëmapi chiníquën nipachina, pëinën noya aꞌpairin. Co insonta yaꞌconaton maꞌshanën mataponhuëꞌ. Aꞌnaso nipirinhuëꞌ ina quëran chini chiníquën niꞌton, huëcapairahuaton minsëquirin. Tonporahuaton, maꞌshanënpita quiquitërin.

Mateo 20:28

Cantaꞌ Yosë quëran quëmapico niporahuëꞌ, co aꞌnapita camaicaꞌhuaso marëꞌ oꞌmarahuëꞌ. Piyapiꞌsaꞌ catahuacaꞌhuaso marëꞌ oꞌmarahuë. Chiminarahuë naꞌa piyapiꞌsaꞌ nichaꞌëcaꞌhuaso marëꞌ, itërin Quisosori.

Mateo 22:29

—Canpitasoꞌ co noꞌtëquën yonquiramahuëꞌ. Yosësoꞌ chini chiníquën nanantopirinhuëꞌ, co nohuitëramahuëꞌ. Quiricanëontaꞌ co nitotëramahuëꞌ. Napoaton co nanitëramahuëꞌ noꞌtëquën yonquicamasoꞌ. Yosësoꞌ yaꞌipiya nanitaparin.

Tito 2:14

Iráca canpoa marëꞌ chiminin oshanënpoaꞌ inquitinpoaso marëꞌ. Anoyacancantërinpoaꞌ piyapinënpita nicacaso marëꞌ. Huëntonënquë chachin yaꞌconpatëhuaꞌ, noya nicacasoráchin nohuantarihuaꞌ.