Jeremías 31:10 - Chayahuita (Shahui)

¹⁰ Naquëranchin Sinioro taantarin: “Nisha nisha nacionquë yaꞌhuëramasopitantaꞌ, natanco Sinioro nontarinquëmaꞌ: Ina quëran marë soꞌtonoꞌsaquë áquë yaꞌhuëpirinahuëꞌ, shaꞌhuitoncoꞌ: ‘Sinioro nohuanton israiroꞌsa yanquëëpi. Inapotopirinhuëꞌ, ayontoantarahuaton noya aꞌpaiantapon. Aꞌpairinsoari ohuicaroꞌsa noya aꞌpairinso pochin noya aꞌpaiantapon,’ itoncoꞌ.

Jeremías 31:10 ပူးပေါင်းရင်းမြစ်များ

Génesis 10:5

Ina nápo Cahuito huiꞌninpita, shinpita inapita yaꞌhuëpi. Inapitasoꞌ, marë yonsanoꞌsa parti, yaꞌhuëpi. Inatohua ninanoroꞌsa ocoirahuatonaꞌ, aꞌnaya aꞌnaya nacionënaquë, aꞌna huënton aꞌna huënton, nisha nisha yaꞌhuëpi. Inahuara noꞌpanënaquë yaꞌhuëpi. Naporahuatonaꞌ, inahuara nonpiso nananquë nonatonaꞌ, yaꞌhuëpi.

Salmos 23:1

Quëmasoꞌ Sinioro nóya aꞌpairanco. Ohuicaroꞌsa huaꞌanëni aꞌpairinso pochin nitëranco. Co manta pahuantërincohuëꞌ.

Salmos 72:10

Noya nicatonaꞌ, nani maꞌsha quëchinaꞌ. Copirno marëꞌ nininsonta pahuërëchinaꞌ. Tarsis copirnoroꞌsaꞌ, Soꞌtonoꞌsaquë copirnoroꞌsa yaꞌhuëpisoꞌ, inapitarinta inapochinaꞌ. Sapa, Sipa, inaquëpita copirnoroꞌsa yaꞌhuëpisontaꞌ, inapochinaꞌ.

Isaías 40:1

Sinioro naporin: “Piyapinëhuëpita noya nontatomaꞌ, achinicancancoꞌ.

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Isaías 41:1

Naquëranchin Sinioro taantarin: “Marë yonsanquë nacionoꞌsa yaꞌhuëramasopita, taꞌtatoma nontaranquëmasoꞌ natancoꞌ. Chiníquën cancantatoma huëco noanhuaꞌ. Chiníquën nanan yaꞌhuërin niꞌton, niyontonatëhua noanhuaꞌ.

Isaías 42:10

Nasha canta cantatomaꞌ, Sinioro chinotocoꞌ. Aquë noꞌparoꞌsaquë yaꞌhuëpisopita, ina chinochinaꞌ. Marë paꞌtopisopitantaꞌ, ina chinochinaꞌ. Inaquë maꞌsharoꞌsa yaꞌhuërinsopita, marë yonsanoꞌsaquë yaꞌhuëpisopita, yaꞌipi inapitantaꞌ, ina chinochinaꞌ.

Isaías 42:4

Co amichináchinhuë sacataton, isoroꞌpaquë noya nicatona yaꞌhuëcaiso catahuatapon. Marë yonsanquë yaꞌhuëpisopitantaꞌ, inari aꞌchintacaso ninaponaꞌ,” tënin.

Isaías 54:7

“Co huaꞌqui marëꞌ aꞌporanquëmahuëꞌ. Inapotopiranquëmahuëꞌ, nosoromiatatënquëma naquëranchin maantaranquëmaꞌ.

Isaías 60:9

Panca nancharoꞌsa napopináchin huëcatona naporiapi. Tarsis ninanoquë nipisopita quëchitëriapi. Aquë quëran Quirosarin yaꞌhuëhuanoꞌsa quësapi. Oronënaꞌ, pratanënaꞌ, inapitarë chachin huëꞌsapi. Sinioro noya nicatona quëtacaiso marëꞌ napoapi. Inasoꞌ Yosë noyasáchin ninin. Napoaton Israirori chinotërin Ina mini noya noya acoarinquëma huachi.

Jeremías 23:4

Piyapinëhuëpita huënantahuachinaꞌ, noya huaꞌanoꞌsari aꞌpaicaiso marëꞌ acotarahuë. Inapitari aꞌpaihuachinaꞌ, co manta tëꞌhuatapihuëꞌ. Napoatona co aꞌnaya tëranta pahuanaponahuëꞌ. Ca Sinioroco shaꞌhuitaranquëmaꞌ,” tënin.

Ezequiel 34:12

Noya huaꞌanënsoꞌ, ohuicanënpita yanquëëhuachina, co napion cancantërin. Inapochachin cantaꞌ, piyapinëhuëpita nichaꞌëantaꞌhuaso marëꞌ co napion cancantarahuëꞌ. Inapitasoꞌ paꞌpi tashirotaton huiraitërinso tahuëri itohua itohua yanquëëpi.

Ezequiel 37:24

Piyapinëhuë Tapi itërahuësoari copirnonëna nisarin. Naporahuaton inaíchin ohuicaroꞌsa huaꞌanën pochin nicaton, piyapinëhuëpita aꞌpairarin. Naporo huarëꞌ pënëntërahuësopita, shaꞌhuitërahuësopita, inapita natëponaꞌ.

Miqueas 2:12

Ina quëran Sinioro taantarin: “Piyapinëhuëpita yaꞌhuëpiso noꞌpa quëran, inimiconënapitari quëpaponaꞌ. Quëpapirinahuëꞌ, cari chachin yaꞌipi inapita ayontoantarahuë. Inapitasoꞌ caraya pochin quëparitopirinahuëꞌ, ohuicaroꞌsa huëꞌërinquë ayontonëso pochin nitarahuë. Ohuica huënton pastonënquë quëparëso pochin nitarahuë. Panca huënton ohuica noncaropiso pochin israiroꞌsa noncaroponaꞌ.

Miqueas 4:6

Sinioro chachin shaꞌhuitaantarinpoaꞌ: “Piyapinëhuëpita anaꞌintërahuë niꞌton, nisha nisha nacionoꞌsaquë quëpapi. Inaquë naꞌcon aparisitopi. Niꞌniri ohuicaroꞌsa yaꞌcontaton ayanquëtërinso pochin piyapinëhuëpita nitërahuë. Inapotopirahuëꞌ, huaꞌanëntaꞌhuaso caniaritohuato cari chachin anaꞌintërahuë quëran, caraya chaꞌëpisopita ayontoantarahuë. Inapitaroꞌco aꞌnara panca nacion ocoiarahuë. Ca chachin Sinioroco, piyapinëhuëpita huaꞌanëntarahuë. Sion motopiquë yaꞌhuërahuë quëran, huaꞌanëntarahuë. Co huachi onporo tëranta aꞌnapitari huaꞌanëntarinhuëꞌ.

Miqueas 5:4

Ina copirno huaꞌanëntohuachinpoasoꞌ, ohuicaroꞌsa huaꞌanëni aꞌpaiaton noya quëparinso pochin nitarinpoaꞌ. Sinioroso Yosënën niꞌton, inari chiníquën nanan quëtapon. Naporahuaton noya noya huaꞌanëntacaso catahuapon. Naporoꞌ israiroꞌsanpoasoꞌ, sano cancantarihua huachi. Sinioronta yaꞌipi isoroꞌpaquë yaꞌhuëpisopitari tëꞌhuatatona natëpona niꞌton, napoarihuaꞌ.

Zacarías 9:16

Maton maꞌsharoꞌsari ohuica huëntonën yamapachina, huaꞌanëni paꞌpoyarinso pochin ina tahuëri nanihuachin, Sinioronta piyapinënpita nichaꞌësarin. Ina quëran yaꞌhuëpiquë chachin yaꞌhuëantahuachinaꞌ, noya noya yaꞌhuëantaponaꞌ. Yancotë paꞌton naꞌpiraꞌhuaroꞌsa acotohuachinara, huënáporinso pochin noya noya yaꞌnoponaꞌ.

Lucas 12:32

Naquëranchin itaantarin: —Ama iyaroꞌsaꞌ paꞌyancosohuëꞌ. Ohuica pëꞌtahuanaꞌpi pochin nicato aꞌpaiaranquëmaꞌ. Caraichinquëmaꞌ nipomarahuëꞌ, Yosë noya niꞌninquëmaꞌ. Huaꞌanëntërinquë chachin ayaꞌconinquëmaꞌ.

Juan 10:27

Casoꞌ ohuica pëꞌtahuanaꞌpi pochin ninahuë. Imarinacosopita ohuicanëhuëpita pochin niꞌnahuë. Nohuitërahuë. Noya nataninaco. Nontohuatëra, natëtonaco, imarinaco.

Juan 11:52

Nipirinhuëꞌ, co cotioroꞌsa marëáchin chiminarinhuëꞌ. Yaꞌipi piyapiꞌsaꞌ yaꞌhuërënamën chiminarin. Natëhuachinaꞌ, Yosëri huiꞌninpita pochin niꞌsarin. Aꞌnaquën aquë yaꞌhuëpirinahuëꞌ, imapachinaꞌ, aꞌna huëntoíchin pochin nisapi.

Deuteronomio 30:4

Paꞌpi áquë noꞌparoꞌsaquë inimicoroꞌsari ayanquëpirinahuëꞌ, Siniorori noꞌpanënaquë chachin naquëranchin quënantapon.

Deuteronomio 32:26

“Yaꞌipi parti israiroꞌsa ayanquëꞌi. Tiquimiatohuato, co huachi insonta inapita yonquiarinhuëꞌ,” topirahuë.