Jeremías 26:21 - Chayahuita (Shahui)

²¹ Ina naporinsoꞌ, Coaquin copirno, catahuarinsopita huaꞌanoꞌsaꞌ, aꞌnapita huaꞌanoꞌsaꞌ, inapitanta natanpi. Ina marëꞌ copirnori yatëparin. Oriasëso napoaponahuëꞌ, ina natantahuaton tëꞌhuanënquë Iquipitoꞌpaꞌ taꞌarin.

Jeremías 26:21 ပူးပေါင်းရင်းမြစ်များ

1 Reyes 18:10

Iꞌhua chachin inasoꞌ, comisionoꞌsa nisha nisha parti aꞌparin yoniinënquënso marëꞌ. Nisha nisha nacionquë paꞌpirinahuëꞌ, co quënaninënhuëꞌ. Huënantatona shaꞌhuihuachinara: “¿Yoscoarëꞌ co quënanamahuëꞌ?” itërin copirnori. Napotohuachina, inapitasoꞌ: “Nonpinpatoisoꞌ, Yosë anaꞌinchincoi” topi.

Salmos 119:109

Tëpachináchin nitárinaco. Napoaporahuëꞌ, co quëma aꞌchinansopita naniantërahuëꞌ.

Jeremías 26:10

Cota huënton huaꞌanoꞌsanta naporapiso natantatonaꞌ, copirno pëi quëran Yosë chinotopiso pëiquë paꞌpi. Inaquë paꞌsahuatonaꞌ, “nasha yaꞌcoana” itopisoꞌ yaꞌcoanaquë huënsëconpi.

Jeremías 36:26

Naporahuaton, Parocoroꞌco chachin macainacoiso marëꞌ camaitërin. Quëmopinën Quiramiiro itopisoꞌ ina marëꞌ camairin. Asirisi huiꞌnin Siraiasë, Apitiiri huiꞌnin Sirimiasë, inapitanta ina chachin camairin. Napotohuachina, inapitaso yonisápirinacoihuëꞌ, co quënaninacoihuëꞌ. Sinioro poꞌorincoi niꞌton, co quënaninacoihuëꞌ.

Jeremías 38:4

Inapita huaꞌanoꞌsasoꞌ, copirno nontapona paꞌpi: —Irimiasësoꞌ, yaꞌipi sontaroꞌsa iso ninanoquë yaꞌhuëpiso pënënaton aꞌpayanin. Yaꞌhuëhuanoꞌsanta inapotërin. Inaso co yacatahuarinpoahuëꞌ. Canainënpoaso nohuantaton napoarin niꞌton, chiminacaso yaꞌhuërin, itoonpi.

Mateo 10:23

Aparisitohuachinënquëmaꞌ, aꞌna ninanoquë paantacoꞌ. Inaquëntaꞌ aꞌchiantacoꞌ. Naꞌa ninanoroꞌsaꞌ Cotia parti yaꞌhuërin. Co yaꞌipi ninanoroꞌsaquë paꞌshatërasënquëmahuëꞌ, cantaꞌ oꞌmantararahuë. Yosë quëran quëmapico niꞌto, aꞌna tahuëri oꞌmantarahuë Yosë huaꞌanëntërinsoꞌ acocaꞌhuaso marëꞌ.

Mateo 10:28

Ama piyapiꞌsaꞌ tëꞌhuatocosohuëꞌ. Tëpapirinënquëmaontaꞌ, co huaꞌyanëmaꞌ matarinënquëmahuëꞌ. Yosë tëhuënchinsoꞌ tëꞌhuatacasoꞌ yaꞌhuërin, tënahuë. Ina nohuanton, chiminëꞌ. Co noyahuëꞌ nipachinaꞌ, pënquë chachin aꞌpaarin huachi. Inatohuaꞌ huaꞌyanënarë chachin parisitomiatapi huachi. Napoaton Yosë naꞌcon naꞌcon tëꞌhuatacasoꞌ yaꞌhuërin. Co piyapiꞌsaꞌ tëꞌhuatacasoꞌ yaꞌhuërinhuëꞌ.

Mateo 10:39

Noya nanpicamasoáchin yonquihuatamaꞌ, topinan quëran nanpiaramaꞌ. Chiminpatamaꞌ, parisitomiataramaꞌ. Nipirinhuëꞌ, imaramacoso marëꞌ aparisitohuachinënquëmaꞌ, noya cancantocoꞌ. Tëpapirinënquëmaontaꞌ, noya noya nanpimiatontaramaꞌ,” itërin.

Mateo 14:5

Chiníquën noꞌhuiton, yatëpapirinhuëꞌ, piyapiꞌsaꞌ tëꞌhuatërin. “Yosëri chachin Coansha aꞌparin pënëinpoaso marëꞌ,” taꞌtonaꞌ, noya niꞌpi. Inapita tëꞌhuataton, co atëpatërinhuëꞌ.