Jeremías 26:20 - Chayahuita (Shahui)

²⁰ Simaiasë huiꞌnin Oriasë pënëntonaꞌpintaꞌ, Quiriato-quiarimo ninanoquë yaꞌhuërin. Inanta ca pochachin Siniorori nanan quëtërin niꞌton, iso ninanoꞌ, iso noꞌpaꞌ, inapita taꞌhuantacasoꞌ shaꞌhuirin.

Jeremías 26:20 ပူးပေါင်းရင်းမြစ်များ

1 Reyes 18:10

Iꞌhua chachin inasoꞌ, comisionoꞌsa nisha nisha parti aꞌparin yoniinënquënso marëꞌ. Nisha nisha nacionquë paꞌpirinahuëꞌ, co quënaninënhuëꞌ. Huënantatona shaꞌhuihuachinara: “¿Yoscoarëꞌ co quënanamahuëꞌ?” itërin copirnori. Napotohuachina, inapitasoꞌ: “Nonpinpatoisoꞌ, Yosë anaꞌinchincoi” topi.

Jeremías 2:30

Topinan quëran huiꞌnamapita anaꞌintërahuë. Cancan yonquicaiso marëꞌ napotopirahuëꞌ, co yanitotopihuëꞌ. Paꞌpiniroꞌsa tëꞌhuatoro yaꞌnopiso pochin nicatomaꞌ, pënëntonaꞌpiroꞌsa tëparamaꞌ.

Jeremías 36:19

Napohuachina huaꞌanoꞌsari: —Ipora quëmasoꞌ Irimiasërëꞌquën chachin intópanta paꞌsahuatomaꞌ, naꞌpicamaso yaꞌhuërin, itopi.

1 Samuel 6:21

Ina yonquiatona Quiriato-quiarimo ninanoquë yaꞌhuëpisopita nanan aꞌpatopi: “Huiristinoꞌsa Sinioro caposonën ayantërinënpoaꞌ. Huëco canpitari isëran quëpacoꞌ,” itopi.

1 Samuel 7:2

Quiriato-quiarimoquë Sinioro caposonën acopi quëran huarëꞌ, cato shonca piꞌipi naꞌhuërin. Yaꞌipi israiroꞌsa Siniorori catahuacaso marëꞌ co napion cancantopi.