Jeremías 26:15 - Chayahuita (Shahui)

¹⁵ Napoaponahuëꞌ, noya yonquicoꞌ. Tëpahuatamacosoꞌ, co manta onpopirahuëꞌ tëpapomaco. Ina marëꞌ yaꞌipinquëma naꞌinaramaꞌ. Yaꞌipi shaꞌhuitëranquëmasopitasoꞌ, co caora nohuanton shaꞌhuitëranquëmahuëꞌ. Sinioro aꞌparinco niꞌton, napotëranquëmaꞌ,” itërahuë.

Jeremías 26:15 ပူးပေါင်းရင်းမြစ်များ

Génesis 4:10

Napotohuachina, Siniorori itapon: —¿Onpoatonta naporan? Iyaya tëpaton, paꞌpi co noyahuëꞌ ninan. Huënainën aꞌpatëran niꞌton, co huachi noya yaꞌhuëcamaso marëhuëꞌ shaꞌhuitaranquën.

Génesis 42:22

Napohuachinara, Nopinori itapon: —Coꞌta carimaꞌ: ¡Ama napotocosohuëꞌ! itopiranquëmahuëꞌ, co natëramacohuëꞌ. Napoaton iporasoꞌ canpoantaꞌ, tëpatonaꞌpi iꞌhuërëtopiso pochin nitarinënpoaꞌ, itërin.

Proverbios 6:16

Saota pochin, canchisënta yaꞌhuërin co Siniorori quëꞌyarinsopitahuëꞌ:

Proverbios 6:17

Caso noya noyaco topisopita. Nonpinacasoráchin cancantopisopita. Co maꞌsha onpotopirinahuëꞌ tëpatopisopita.

Jeremías 2:30

Topinan quëran huiꞌnamapita anaꞌintërahuë. Cancan yonquicaiso marëꞌ napotopirahuëꞌ, co yanitotopihuëꞌ. Paꞌpiniroꞌsa tëꞌhuatoro yaꞌnopiso pochin nicatomaꞌ, pënëntonaꞌpiroꞌsa tëparamaꞌ.

Jeremías 2:34

Popriyaroꞌsaꞌ, co manta tëhuëpisopitahuëꞌ, inapita tëparamaꞌ. Co maꞌsha tëranta onpoasoi quënayatapomarahuëꞌ, inapotëramaꞌ. Huënainëna quëran, aꞌmoramaso tapitatë pochin nitërinquëmaꞌ.

Jeremías 26:12

Caso napoaporahuëꞌ, huaꞌanoꞌsaꞌ, yaꞌhuëhuanoꞌsa inapita nontato: “Sinioro nanan quëtërinco niꞌton, iso ninanoꞌ, Yosë chinotacaso pëiꞌ, inapita maꞌsona onpocasoꞌ shaꞌhuitëranquëmaꞌ.

Mateo 26:25

Itohuachina, Cotasërintaꞌ itërin: —¿Incoitaꞌ Maistro, yashaꞌhuirapirainquën? ¿Co cahuëꞌ nimara ti? itohuachina, —Quëma chachin mini, itërin.

Mateo 26:4

Inaquë niyontonahuatonaꞌ, ninontapi Quisoso tëpacaiso marëꞌ. —Ama pita tahuëri chachin maahuasohuëꞌ, piyapiꞌsaꞌ noꞌhuihuachinënpoaꞌ. Quisoso paꞌyatapi niꞌton, ahuëarinënpoaꞌ. Napoaton poꞌoana quëran maahuaꞌ, nitopi.

Hechos 7:60

Ina quëran isonahuaton, chiníquën itantarin: “Tëparinacoso marëꞌ, ama Sinioro isopita anaꞌintëquësohuëꞌ,” itërin. Ina tosahuaton, chiminin.

Apocalipsis 16:6

Naꞌa imarinënsopita tëpapi. Noya pënëntopirinahuëꞌ, tëpapi niꞌton, iꞌhuërëtaton, anaꞌintaran. Iiroꞌsaꞌ huënaiꞌ atarantëran niꞌton, ina tërantaꞌ oꞌocaisoꞌ yaꞌhuërin. Noꞌtëquën anaꞌintaran,” itërin.