Jeremías 23:7 - Chayahuita (Shahui)

^7-8 Sinioro chachin shaꞌhuitaantarinquëmaꞌ: “Ca nohuanton aꞌna tahuëri Yoscoarëꞌ topatamaꞌ, nisha nonapomaꞌ. Iporasoꞌ nonpatamara: ‘Sinioro niꞌsárinpoaꞌ. Inasoꞌ, israiroꞌsanpoa Iquipito quëran ocoirinpoaꞌ,’ tënamaꞌ. Naporoso nipirinhuëꞌ: ‘Sinioro niꞌsárinpoaꞌ. Inasoꞌ israiroꞌsanpoa norti parti, nisha nisha parti ayanquëëpirinpoahuëꞌ, ocoiantarinpoaꞌ,’ tapomaꞌ. Inapoatoma yaꞌhuëramaquë chachin yaꞌhuëantapomaꞌ,” tënin.

Jeremías 23:7 ပူးပေါင်းရင်းမြစ်များ

Isaías 43:5

Ama tëꞌhuacosohuëꞌ, carinquëma caꞌtanaranquëmaꞌ. Piꞌi pipirin parti quëran, yaꞌconin parti quëran, inaquëranpita yaꞌhuëramaquë chachin quëantaranquëmaꞌ.

Jeremías 23:3

Huaꞌqui quëran napoaponahuëꞌ, piyapinëhuëpita ayontoantarahuë. Nisha nisha parti aꞌparahuë quëran huënantaponaꞌ. Ohuicaroꞌsa pastonënquë chachin quënantahuatëra, naꞌantarinso pochin inapitanta nitarahuë.

Joel 3:5

Canpitasoꞌ, pratanëhuë, oronëhuë, maꞌsha paꞌton yaꞌhuëtërincosopita, inapita ihuaramaco. Inapita matatomaco, mamanshinëma mosharamaso pëiroꞌsaquë acoramaꞌ.