Jeremías 23:5 - Chayahuita (Shahui)

⁵ Ina quëran Sinioro taantarin: “Ca nohuanton aꞌna tahuëri Tapi shiin yaꞌhuëapon. Ina huaꞌanëntohuachin, yonquínahuan copirno nisarin. Noyasáchin nicaton, noya coisë pochin nicapon.

Jeremías 23:5 ပူးပေါင်းရင်းမြစ်များ

2 Samuel 23:3

Israiroꞌsanpoa chinotërëhuasoꞌ, nontërinco. Yápaꞌpoyarinpoaso naporin: ‘Insosona copirno yaꞌconpachin, noyasáchin nicaton camaitapon. Ca tëꞌhuatatonco natëincoso yaꞌhuërin.

Salmos 80:15

Quëmaora chachin shacatë pochin nitërancoi. Quëma chachin aꞌpairancoi.

Isaías 33:5

Siniorosoꞌ piꞌiroꞌtëquë yaꞌhuërin. Inasoꞌ, chini chiníquën nanantërin. Ina nohuanton Quirosarinquë noꞌtëquën yonquiatona noyasáchin nisapi.

Isaías 42:6

Ina chachin piyapinën nontaton itaantapon: “Carinquën acoranquën nohuantërahuësoꞌ nicacaso marëꞌ. Imirahuë quëran sëꞌquëatë pochin, carinquën achiniaranquën. Quëmá quëran piyapiroꞌsa nichaꞌëcaꞌhuaso marëꞌ acoranquën. Inapitaroꞌco anoyatërahuëso ayonquiamaso marëꞌ acoranquën. Yaꞌipi nacionoꞌsa aꞌpintatë pochin noꞌtëquën anitotaran.

Isaías 52:13

Sinioro chachin naporin: “Niꞌcoꞌ. Piyapinëhuë maꞌpitaso nipachin, noya pipitarin. Cari chachin noya nicato, noya noya acoarahuë.

Isaías 53:10

Sinioro nohuanton parisitaton co napion cancantarin. Piyapiꞌsa oshanëna marëꞌ ina chiminin niꞌquëhuarëꞌ, huaꞌqui tahuëri niꞌsarin. Huiꞌninpita pochin nipisopitanta niꞌsarin. Ina naporin quëran Sinioro yonquirinsopita noya naniarin.

Isaías 53:2

Sinioro nohuanton piyapinën, co chiníquën nanantonaꞌpi pochin yaꞌnoarinhuëꞌ. Naraaꞌhuaya yaniroquë co noyatërinhuëꞌ. Inapochachin inantaꞌ, co noya noyatarinhuëꞌ.

Isaías 9:5

Inimicoroꞌsasoꞌ, sapatë poꞌmotona taꞌcaca taꞌcacacharapi. Aꞌmopisontaꞌ, huënaisáchin acopi. Inapopirinahuëꞌ, sapatëroꞌsaꞌ, aꞌmopisoꞌ, yaꞌipi inapita ahuiquitohuachinaꞌ, pëni caꞌsarin.

Isaías 9:6

Canpoa marëꞌ aꞌnara quëmapiaꞌhua nasitërin. Huiꞌnanpoa Yosë quëtërinpoaso pochin aꞌnara yaꞌipiya marëꞌ quëtërinpoaꞌ. Ina mini huaꞌanëntacaso marëꞌ acorinsoꞌ. Nisha nisha quëran nohuitaponaꞌ: “Paꞌyapiro yonquirinsoꞌ.” “Co minsëchináchinhuëꞌ Yosë.” “Yaꞌhuëmiatonaꞌpi tata.” “Sano cancantonaꞌpi huaꞌan.” Ina pochinpita nohuitaponaꞌ.

Isaías 9:7

Tapi copirno iráca huaꞌanëntërinso shiraquë huënsëaton huaꞌanëntapon. Chiníquën nanantaton, yaꞌipi parti camaitapon. Ina huaꞌanëntarin niꞌton, sano yaꞌhuëmiatapi. Co onporonta huaꞌanëntërinso nitiquiaponhuëꞌ. Noꞌtëquënáchin yonquiaton, noyasáchin nicapon. Ipora quëran huarëꞌ naporinsoꞌ, co onporonta nishataponhuëꞌ. Siniorosoꞌ yaꞌipi nanitaparin. Nosoromiatatonpoa napoarin.

Jeremías 23:6

Ina copirno nicasoꞌ, Cota huënton israiroꞌsa chaꞌëponaꞌ. Aꞌnapita israiroꞌsantaꞌ, sano cancan quëran yaꞌhuëaponaꞌ. Nininën nohuitatonaꞌ, ‘Sinioro nichaꞌërinpoasoꞌ,’ itaponaꞌ,” tënin.

Jeremías 31:27

Ina quëran Sinioro taantarin: “Israiroꞌsa yaꞌhuëpiquë, Cota huënton israiroꞌsa yaꞌhuëpiquë, inaquëpita ca nohuanton aꞌna tahuëri notohuaroꞌ piyapiꞌsaꞌ, naꞌamiatapon. Pëꞌtahuaroꞌsanta napoapon.

Ezequiel 34:29

Noꞌpanënaquë shaꞌtohuachinaꞌ, noya noyatapon. Co huachi tarëtapihuëꞌ. Co inso nacionquë yaꞌhuëpisopitari tërantaꞌ, piyapinëhuëpita yonquiatona tëhuaponahuëꞌ.

Daniel 9:24

Quirosarin ninanoꞌ, israiroꞌsaꞌ, inapita Yosëri anaꞌintërinsoꞌ, canchisë shonca simana pahuanarin nanicasoꞌ. Ina nápo simana nanihuachin, nichaꞌësarinquëmaꞌ. Co noyahuëꞌ nicatoma Yosë tëhuëtëramaꞌ, co natantochináchinhuëꞌ cancantatoma oshahuanamaꞌ. Inapopiramahuëꞌ, nichaꞌësarinquëmaꞌ. Ina piquëranso huachi noyasáchin nicatoma yaꞌhuapomaꞌ. Naporo huachi huaꞌnaton niꞌnansopita naniarin. Pënëntonaꞌpiroꞌsanta Yosë nohuanton anitotërinëmasoꞌ, nanipon. Naporo huachi Noya Noya nininsoꞌ, Yosë marëꞌ acoaponaꞌ.

Oseas 1:11

Naporo tahuëriꞌsa Cota huënton israiroꞌsasoꞌ, aꞌnapita israiroꞌsarë aꞌnaíchin huaꞌanëna yaꞌhuëtaponaꞌ. Naquëranchin yaꞌhuëpiquë chachin yaꞌhuëantaponaꞌ. Naporahuaton notohuaroꞌ naꞌamiataponaꞌ. Piyapinëhuëpita yaꞌhuëpiquë chachin acoantapo. Piyapi iminënquë sharoꞌsa shaꞌninso pochin nitapo. Quisiriro motopiana cari anoyataantahuato, ¡ina tahuëri paꞌpi noya nisarin!

Oseas 3:5

Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

Amós 9:11

Naquëranchin Sinioro taantarin: “Co huaꞌquiya quëranhuëꞌ israiroꞌsa noya acoantarahuë. Iráca Tapi copirnori huaꞌanëntapon naporinso pochachin acoantarahuë.

Miqueas 5:3

Napoaton ipora tananpitopirinpoahuëꞌ, co huaꞌqui napotarinpoahuëꞌ. Sanapi cayorin quëran huaꞌhuin nasitaquë huarëꞌ parisirinso pochin canpoanta parisiarëhuaꞌ. Naporoꞌ quëparitërëhuasopitasoꞌ, inimicoroꞌsari quëparinsopitarëꞌquënpoa aꞌna huëntoíchin niantarihuaꞌ.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Mateo 2:2

—¿Insëquëtaꞌ nasha copirno nasitërin? Cotio copirno yaꞌconacasoꞌ nani nasitërin ipora. Yaꞌhuërai parti yaꞌhuasocoi, nasha tayora yaꞌnorinsoꞌ quënanai. Ina nicatoi: “Yosëri aꞌpaimarinsoꞌ nasitërin huachi,” taꞌtoi, huëꞌnai ina chinotapoi, itëraꞌpiapi.

Juan 1:45

Pinipiri Natanino yonisahuaton, quënanconin. —Nani iyasha Cristo quënanai, Yosë quiricanën quëran ninopisoꞌ. Moisësë, pënëntonaꞌpiroꞌsaꞌ, inapita ninotonaꞌ, inaquë ninshitopi. Inasoꞌ Quisoso, Cosi huiꞌnin. Nasaritoquë yaꞌhuërinsoꞌ, itërin.

Juan 1:49

—Quëmasoꞌ Maistro, Yosë huiꞌninquën. Israiroꞌsaꞌ copirnonquën, tënahuë, itërin.

1 Corintios 1:30

Yosë nohuanton, Quisocristo imarëhuaꞌ. Imapatëhuaꞌ, yaꞌcoancantërinpoaꞌ niꞌton, yonquínahuan pochin Yosë niꞌninpoaꞌ. Naporahuaton, catahuarinpoaꞌ noꞌtëquën yonquicasoꞌ. Oshanënpoaꞌ inquitohuachinpoaꞌ, noya huachi niꞌninpoaꞌ. Nasha cancan quëtërinpoaꞌ noya nicacaso marëꞌ. Quisocristo chachin nichaꞌërinpoaꞌ.

Hebreos 8:8

Iráca anoyatërinso imaponaraihuëꞌ, co noya cancantopihuëꞌ niꞌton, quiricanën quëran Yosëri shaꞌhuitërin: “Aꞌna tahuëri ca nohuanto, yaꞌipi piyapinëhuëpitarëꞌco nasha quëran anoyatarahuë.

Apocalipsis 19:11

Ina quëran Yosë nohuanton, huaꞌnarëso pochin niantarahuë. Piꞌiroꞌtëꞌ niꞌsoatohuachina, huiri cahuario quënantarahuë. Ina aipi quëmapi huënsëarin. Noꞌtëquën nonaꞌpi itërëhuasoꞌ. Maꞌsona tërantaꞌ shaꞌhuitohuachinpoaꞌ, co onporontaꞌ nonpintarinpoahuëꞌ. Noꞌtëquën huaꞌanëntarin. Quira nicaton, inimicoroꞌsaꞌ minsëarin.