Jeremías 23:25 - Chayahuita (Shahui)

^25-26 Ina pënëntonaꞌpiroꞌsa nonpintatënëmaꞌ: ‘Sinioro huëꞌëhuëquë yánontërinco,’ topiso natanahuë. Inahuara yonquinëna quëran naporápi. ¿Onporo huarëcha napopisoꞌ copi tënëꞌpoiya?

Jeremías 23:25 ပူးပေါင်းရင်းမြစ်များ

Génesis 37:5

Aꞌna tashi Cosi huaꞌnarin. Tahuëririnquë, iinpita shaꞌhuitërin: —Natanco iyaroꞌsa huaꞌnarahuëso shaꞌhuichinquëmaꞌ: Huëꞌëhuëquë, iminquë yaꞌipinpoa trico masarëhuaꞌ. Manëhuasonta tonporarëhua niꞌnahuë. Aꞌnanaya ca tonporahuësosoꞌ, huanirin. Canpita tonporamasoso nipirinhuëꞌ, ca tonporahuësoꞌ mosharapi. Yaꞌipi tahuitatonaꞌ, monshopi quëran mosharapi, itërin. Ina natanahuatonaꞌ, iinpitariso aquë aquëtë noꞌhuipi.

Génesis 37:9

Ina piquëran Cosisoꞌ, huaꞌnaantarin. Naporonta iinpita shaꞌhuitaantarin: —Natanco iyaroꞌsa aꞌna huaꞌnaantarahuëso shaꞌhuitaantaꞌinquëmaꞌ. Huaꞌnato niꞌpirahuëꞌ, piꞌi, yoqui, shonca aꞌna tayoraroꞌsaꞌ, inapita monshorahuatona moshararinaco niꞌnahuë, itërin.

Salmos 139:2

Yaꞌipi ninahuësopita quëmasoꞌ nitotëran. Aquëranta nipirinhuëꞌ, maꞌsona yonquirahuëso nitotëran.

Salmos 139:4

Co nonshátërapirahuë tërantaꞌ, maꞌsona taꞌcahuasoꞌ nani nitotëran.

Jeremías 14:14

Napotohuatora Sinioro taantarin: “Co cari aꞌpapirahuëꞌ, naporápi. Nonpinatona naporápi. Co piꞌpian tëranta ina pochin camairahuëꞌ. Co nonchatërarahuëꞌ. Inahuara yonquinëna quëran ina pochin shaꞌhuitárinëmaꞌ.

Jeremías 23:28

Aꞌna pënëntonaꞌpi huaꞌnatohuachina, ‘huaꞌnarahuë taꞌa,’ chin. Nanamëhuë chachin natanpachinso napoaponahuëꞌ, ama nisha shaꞌhuiinsohuëꞌ. Tricorayasoꞌ co piꞌpitën pochin nininhuëꞌ. Nanamëhuësoꞌ, tricoraya pochin ninin. Nanamëhuësoꞌ, pën maꞌsha ahuiquitërinso pochin ninin. ¡Panca martichoquë natëtë nipoatërëso pochin ninin antaꞌ! Ca Sinioroco shaꞌhuitaranquëmaꞌ.

Joel 2:28

Naquëranchin Sinioro taantarin: “Ina tahuëriꞌsa naꞌhuërinso piquëran, ispiritonëhuë yaꞌipi piyapinëhuëpita ayaꞌcoancantarahuë. Inapotohuato, huiꞌnamapita quëmapiꞌsaꞌ, sanapiꞌsaꞌ, yonquirahuëso shaꞌhuiponaꞌ. Mashoyaroꞌsanta huaꞌnataponaꞌ. Huiꞌnapiꞌsanta huaꞌnarëso pochin aꞌnotërahuësoꞌ, niꞌsapi.

Mateo 1:20

Huëꞌësoꞌ, Yosë anquëninëni yaꞌnotimarin nontacaso marëꞌ. —Tashita Cosi. Carinquën nohuitëranquën. Quëmasoꞌ Tapicoꞌ shinquën. Piꞌpian shaꞌhuitaponquën oꞌmarahuë. Maria noya maquëꞌ. Co quëmapiri sëꞌhuarinhuëꞌ. Ispirito Santo nohuanton, inaora cayorin. Napoaton noya maquëꞌ.

Lucas 12:3

Tashiꞌ napopiramahuëꞌ, naporamasoꞌ tahuëri anitotapi. Pëiꞌ acoana nisacarotopiramahuëꞌ, aꞌna tahuërisoꞌ, naporamasoꞌ aꞌninquëchin shaꞌhuitapi. Yaꞌipi piyapiꞌsaꞌ nitotapi huachi,” tënin.

1 Corintios 4:5

Napoaton iporasoꞌ ama nishaꞌhuirapiahuasohuëꞌ. Aꞌna tahuëri Sinioro oꞌmantahuachin, yaꞌipi piyapinpoaꞌ tëniarinpoaꞌ. Yaꞌipi ninëhuasopita anitotarinpoaꞌ. Poꞌoana quëran ninëhuasopitantaꞌ aꞌninquëchin shaꞌhuitarinpoaꞌ. Yonquirëhuasopitantaꞌ nitotërin. Maꞌmarësona tërantaꞌ naporëhuasoꞌ anitotarinpoaꞌ. Naporoꞌ yaꞌipinpoaꞌ noꞌtëquën nontarinpoaꞌ. Noya nipatëhuaꞌ, noya niꞌsarinpoaꞌ.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.