Jeremías 23:18 - Chayahuita (Shahui)

¹⁸ Napoaponahuë yonquirahuësopitasoꞌ, ¡co ina pënëntonaꞌpiroꞌsa nitotopihuëꞌ! ¡Co insonta nicatonco nonahuësoꞌ nataninhuëꞌ! ¡Co aꞌnaya tëranta noya natanatonco, natëcasoꞌ nohuantërinhuëꞌ!

Jeremías 23:18 ပူးပေါင်းရင်းမြစ်များ

1 Reyes 22:24

Naporoꞌ Sitiquiasëri, Miquiasë panpirayarin. Napotahuaton: —“Sinioro ispiritonëni Sitiquiasë anitotacaso tananpitërin. ¡Ina tananpitaton, ca yaꞌhuërë anitotërinco huachi,” topatan, ninonpintaran! itërin.

Jeremías 23:22

Tëhuënchachin piyapinëhuëpita nipi naporini, imarinacosopita nanamëhuë anitochitonahuëꞌ. Piyapinëhuëpitanta ina nitotatonaꞌ: ‘Tëhuënchachin co noyahuëꞌ ninëhuaꞌ. Huëco paꞌahua ina aꞌporahuatëhuaꞌ, Sinioro natëahuaꞌ,’ niichitonahuëꞌ.

Amós 3:7

Inapita naporinso pochachin canta maꞌsha yanipatora, piyapinëhuëpita pënëntonaꞌpiroꞌsaꞌton anitotarahuë.

Juan 15:15

Co casoꞌ patron pochin cancantërahuëꞌ. Patronsoꞌ piyapinënpita camairin. Camaipirinhuëꞌ, yonquirinso chachin co shaꞌhuitërinhuëꞌ. Nipayarinso nipirinhuëꞌ yaꞌipiya shaꞌhuitërin. Inapochachin carinquëmantaꞌ yaꞌipiya shaꞌhuitëranquëmaꞌ. Co piyapinëhuë pochin niꞌnanquëmahuëꞌ. Nipayarahuëso pochachin niꞌnanquëmaꞌ. Yaꞌipi Tatahuë shaꞌhuitërincosopita anitotëranquëmaꞌ.

1 Corintios 2:16

Quiricanënquë naporin: “¡Co insontaꞌ Yosë yonquirinsoꞌ nitotërinhuëꞌ! ¡Co incari tërantaꞌ nanitërinhuëꞌ ina aꞌchintacasoꞌ!” tënin. Canpoaso nipirinhuëꞌ Quisocristo imapatëhuaꞌ, yonquirinso chachin ayonquiarinpoa huachi.