Jeremías 23:12 - Chayahuita (Shahui)

¹² Napoaton cari chachin inapita anaꞌintarahuë. Aꞌnanaya maꞌsha onpocaisoꞌ cantiipon. Co incari tëranta nichaꞌëponhuëꞌ. Ca Sinioroco shaꞌhuitaranquëmaꞌ.

Jeremías 23:12 ပူးပေါင်းရင်းမြစ်များ

Salmos 73:18

Tëhuënchachin co natëpisopitahuëꞌ, co yaꞌhuëmiatapihuëꞌ. Aꞌnanaya toꞌcoitërëso pochin nipachinaꞌ, taꞌhuantaponaꞌ. Naporo huarëꞌ noꞌtëquën yonquiatona paꞌyanapona huachi.

Isaías 8:22

Isoroꞌpaquënta yonípirinahuëꞌ, co insoari tëranta catahuaponhuëꞌ. Napoaton parisitatonaꞌ, nosorotáponaꞌ. Tashinanquë co napion ancantërëso pochin cancantáponaꞌ. Tahuëripirinhuë tëranta tashirárinso pochin cancantáponaꞌ.

Juan 12:35

—Iporáchin tahuëri pochin aꞌpintaranquëmaꞌ. Co huachi huaꞌquiꞌ yaꞌhuapohuëꞌ. Aꞌpininso pochin noꞌtëquën anitotëranquëmaꞌ. Anitotohuatënquëmaꞌ, noya nicoꞌ. Niꞌcona tashinan pochin cancantotamaꞌ. Tashinanquë iratohuatëra, chihuërëꞌ.

Deuteronomio 32:35

Anaꞌintaꞌhuaso tahuëri nanihuachin, naporo noꞌtëquën iꞌhuërëtarahuë. Anotërëso pochin nipachinaꞌ, naporo huarëꞌ anaꞌintarahuë. Nani huachi taꞌhuantacaiso tahuëri yaꞌcaritërin. ¡Nani ora naniriarin anaꞌintacasoꞌ!’ ” tënin.

1 Juan 2:11

Nipirinhuëꞌ ninoꞌhuihuatamaꞌ, tashi pochin cancantaramaꞌ. Co noyahuëꞌ cancantatomaꞌ, co mantaꞌ yonquiaramahuëꞌ. Co nanitaramahuëꞌ noꞌtëquën yonquicamasoꞌ. Sopai nohuanton, somaraya pochin cancantaramaꞌ. Napoaton iyaroꞌsaꞌ, cancanëma quëran huarëꞌ ninosorocoꞌ.

Judas 1:13

Pamantaꞌ yonquicoꞌ. Panca pamatohuachina, notohuaroꞌ saꞌpoꞌ, amoroꞌ, inapita quënin. Nonpinaꞌpiroꞌsasoꞌ, ina pochin co sano cancantopihuëꞌ. Co noyahuëꞌ nipi niꞌton tapanacaso nipirinhuëꞌ, co nitotapanpihuëꞌ. Ina marëꞌ Yosëri anaꞌintarin. Tayorantaꞌ yonquicoꞌ. Anotohuachina, tacopirin. Co huachi aꞌpininhuëꞌ. Inapochachin nisha aꞌchinaꞌpiroꞌsantaꞌ, tashinanquë paꞌmiatapi. Quisocristo aꞌpohuachinaꞌ, parisitopiquë pacacasoꞌ yaꞌhuërin huachi.