Jeremías 20:8 - Chayahuita (Shahui)

⁸ Maꞌsona nonpatëra co maꞌsha shaꞌhuirahuëꞌ: “Inimicoroꞌsa huëꞌsahuatonaꞌ, ahuëarinënquëmaꞌ. Ataꞌhuantarinënquëmaꞌ,” tosárahuë. Ina marëꞌ noꞌhuirárinaco. Tëhuarárinaco. Quëma nanamën shaꞌhuirahuë niꞌton, napotërinaco.

Jeremías 20:8 ပူးပေါင်းရင်းမြစ်များ

2 Reyes 2:23

Ina piquëran Irisiosoꞌ, Pitiriꞌpaꞌ paꞌsarin. Inaso ninanoꞌ, panënquë yaꞌhuërin. Nanpëasoꞌ, naꞌa huaꞌhuaroꞌsari nacapirin. Nacapirahuatona tëhuarapi: “Chiniaton nanpëquë soquimoto,” itatona tëhuapi.

Jeremías 15:10

Ina quëran caso paꞌpi sëtato, mamahuë yonquirahuë: “¡Maꞌhuántacha caso mama ninahuë paya! Quëma huaꞌhuanpirancohuëꞌ, naní quëran co natantonhuë pochin nohuitërinaco. Napoatona co quëꞌyarinacohuëꞌ. Co onporonta coriqui aꞌnanatonaco maꞌpachininacohuëꞌ. Co carintaꞌ, aꞌnapita coriqui aꞌnanchinahuëꞌ. Co inapopirahuëꞌ, yaꞌipiya quëran ama huachi noya yaꞌhuëcaꞌhuaso marëhuëꞌ, shaꞌhuitërinaco,” tënahuë.

Jeremías 15:15

Ina quëran Yosë nontato itapo: “Sinioro. Quëmasoꞌ yaꞌipi nitotëran. Yonquirahuatonco catahuancoso marëꞌ huëquëꞌ. Aparisitërinacosopita ama tënoroatonhuëꞌ, iꞌhuërëtëquëꞌ. Inapita tënoroápatansoꞌ, tëpaponaco. Quëma natëranquënso marëꞌ naꞌcon noꞌhuirinaco.

Jeremías 20:7

Sinioro, quëma piyapinën nicaꞌhuaso marëꞌ noyasha nontatonco përaranco. Napotohuatancora carinquënso natëranquën. Quëmasoꞌ chini chiníquën nanantëran niꞌton, canaranco. Quëma nanamën shaꞌhuirahuëso marëꞌ nani tahuëri tëhuarinaco.

Jeremías 7:9

Niihuaramaꞌ, nitëparamaꞌ, nitëhuananpitëramaꞌ, Yoscoarëꞌ tapomarahuë nonpinamaꞌ. Paaro moshatoma yonarin pochin nininsoꞌ aꞌpëramaꞌ. Nisha nisha mamanshiroꞌsanta co nohuitapomarahuëꞌ, mosharamaꞌ.

Habacuc 1:3

Piyapiꞌsa maꞌsha onpotatonacoi aparisitarinacoi. ¡Catahuacoi huachi ama napotaꞌinacoisohuëꞌ! Naꞌcon maꞌsha onpotatonacoi, yaataꞌhuantërinacoi. Piyapiꞌsa nanan yaꞌhuëtatona coisëroꞌsaquë niquëparápi.

Lucas 11:45

Aꞌna cotio maistrori natanahuaton, noꞌhuirin. —Ina pochin pënëntaton Maistro, quiyantaꞌ anatantarancoi, itërin.

Hebreos 11:26

Copirno huiꞌnin pochin niꞌton, nohuantërin naporini, Iquipito parti naꞌcon canaitonhuëꞌ, co ina nohuantërinhuëꞌ. Yosë naꞌcon naꞌcon yonquirin. “Aꞌna tahuëri Cristo oꞌmaton, nichaꞌësarinpoaꞌ. Iporasoꞌ ina marëꞌ aparisitopirinacohuëꞌ, Yosëꞌpaꞌ noya noya acanarinco,” taꞌton, noya ahuantërin.

Hebreos 13:13

Napoaton canpoantaꞌ aparisitohuachinënpoaꞌ, ahuantahuaꞌ. Iráca pënëntërinso nanan naniantatëhuaꞌ, Quisocristoíchin imahuaꞌ. Ina noꞌhuipiso pochin noꞌhuipirinënpoaontaꞌ, ahuantahuaꞌ.

1 Pedro 4:14

Imaramaso marëꞌ pinopachinënquëmaꞌ, Yosë noya niꞌsarinquëmaꞌ. Ispirito Santo yaꞌcoancantatënquëmaꞌ achinicancanarinquëmaꞌ niꞌton, noya cancantocoꞌ.