Jeremías 20:16 - Chayahuita (Shahui)

¹⁶ Aꞌnaquën ninanoroꞌsa Siniorori ataꞌhuantomiatërin. Ina ninanoroꞌsa pochin ina quëmapinta niin. Tashiramiachin maꞌsha onpoatona noncaropisoꞌ, nataꞌin. Camotëchinta ahuëtahuachinaꞌ, shaꞌhuitona noncaropisoꞌ, nataantaꞌin.

Jeremías 20:16 ပူးပေါင်းရင်းမြစ်များ

Jeremías 18:22

Panca sontaroꞌsa huënton inapita ahuëcaiso marëꞌ aꞌnanaya aꞌpatiiquëꞌ. Paꞌyanatona noncaroinaꞌ. Maꞌsha maꞌcaimarëꞌ pison acopiso pochin, caso nonpinapitonaco maꞌsha yaonpotërinaco niꞌton, inapotëquëꞌ.

Jeremías 18:8

Napoaponahuëꞌ, inaquë yaꞌhuëpisopitaso oshanëna aꞌporahuatona noya yonquiantahuachinaꞌ, co huachi anaꞌintarahuëꞌ.

Jeremías 23:14

Quirosarinquë pënëntonaꞌpiroꞌsa yaꞌhuërinsontaꞌ, napopisoꞌ niꞌnahuë. Paꞌpi co noyahuëꞌ nicatona saꞌina tëhuananpitopi, nonpinpi, napopi. Co noyahuëꞌ nipisopita achinicancanpi niꞌton, co insonta co noyahuëꞌ nininsoꞌ yaaꞌporinhuëꞌ. Ina pënëntonaꞌpiroꞌsaꞌ, yaꞌhuëhuanoꞌsaꞌ, inapitaso sotomaroꞌsaꞌ, comoraroꞌsaꞌ, inapita pochin niꞌnahuë.

Jeremías 26:13

Noya noya nicacamasoꞌ cancantocoꞌ. Sinioroso Yosënënpoa niꞌton, ina natëcoꞌ. Inapohuatamaꞌ, maꞌsha onpotiinquëmasoꞌ shaꞌhuitopirinquëmahuëꞌ, co inapotarinquëmahuëꞌ.

Oseas 11:8

Canpitaso israiroꞌsanquëmaꞌ. Noꞌhuípiro mini nipiramahuëꞌ, ¡Co nanitërahuë aꞌpomiataꞌhuanquëmasoꞌ! Atoma, Sipoin, inapita ninanoroꞌsasoꞌ, co noyahuëꞌ nipiso marëꞌ iráca ataꞌhuantërahuë. Inapita pochachin ataꞌhuantaꞌhuanquëmasoꞌ, ¡coꞌchi nanitarahuë paya! ¡Nosorochináchin cancantëranquëmaꞌ!

Oseas 13:14

¡Co carima poꞌoroꞌ quëran nichaꞌësaranquëmahuëꞌ! ¡Piyapinëhuëpita nipiramahuëꞌ, co huachi nosoroaponquëmahuëꞌ! Napoaton chimirin përato: ‘Chimirin. Quëmasoꞌ ataꞌhuantonaꞌpinquën. ¿Intohuata iporasoꞌ inapoyantëransoꞌ?’ itërahuë. Poꞌoronta nontato: ‘Poꞌoroꞌ. Quëmantaꞌ naní quëran tëꞌhuachantërinën. ¿Intohuacha iporasoꞌ tëꞌhuachantërinënsoꞌ?’ itërahuë.

Amós 1:14

Napa ninano pairanënpita ahuiquitarahuë. Noya noya pëiroꞌsanënapitanta ina pëni chachin ataꞌhuantarin. Ihuaitohuachina tënëntërinso pochin niahuëatona noncaropiso yaꞌcanapon.

Amós 2:2

Ca nohuanton Moapo parti huíquitapon. Quirioto ninanoquë noya noyápiachin pëiroꞌsa yaꞌhuërinsoꞌ ina pëni chachin ahuiquitapon. Tronpitaroꞌsa pihuisoiꞌ, niahuëatona noncarorapi quëran moaporoꞌsa chiminaponaꞌ.

Amós 4:11

Naquëranchin Sinioro taantarin: “Sotoma, Comora, inapita ninanoroꞌsaꞌ, huëhuëpiro nitato iráca ataꞌhuantërahuë. Inapochachin canpitantaꞌ, naꞌaquëma ataꞌhuantëranquëmaꞌ. Ina quëran chaꞌëramasopitasoꞌ, pënaya pën quëran ocoipiso pochin ninamaꞌ. Inapoápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Jonás 3:4

Conasëso inaquë yaꞌconahuaton, aꞌna tahuëriraꞌ iratërin. Papon pochin pënëntërarin: “¡Catapini shonca tahuëriya quëran Yosëri iso ninano ataꞌhuantapon!” tërarin.

Lucas 17:29

Napoápirinahuëꞌ, Noto pipihuachina, naporo tahuëri chachin Yosë nohuanton, inápa quëran pën aꞌpaimarin. Aꞌnanaya taꞌhuantopi.

2 Pedro 2:6

Ina quëran Sotomaquë yaꞌhuëpisopitantaꞌ anaꞌintërin. Co noyahuëꞌ cancantohuachinara, Sotoma, Comora, catoꞌ ninano chachin noyá ahuiquitërin. Yaꞌipiya chiminpi. Ayonquiinpoaso marëꞌ inapita aninshitërin. “Co noyahuëꞌ nipatëhuaꞌ, chiníquën anaꞌintarinpoaꞌ,” tënëhuaꞌ.

Judas 1:7

Iráca Sotomaquë yaꞌhuëpisopitantaꞌ paꞌpi co noyahuëꞌ yonquipi. Monshihuanacaisoáchin cancantopi. Aꞌnaratipita taparoꞌ nipi. Co ina pochin nicacasohuëꞌ nipirinhuëꞌ, napopi. Ina marëꞌ Yosëri chiníquën anaꞌintërin. Pën inápa quëran aꞌpaimarin ahuiquitacaso marëꞌ. Sotoma, Comora, inapita huiquitopi. Yaꞌcariya ninanoroꞌsantaꞌ huiquitopi. Ayonquiinpoaso marëꞌ ninshitërinpoaꞌ. Inapita yonquiatëhuaꞌ, “Aꞌna tahuëri oshahuanoꞌsaꞌ pënquë parisitomiatapi huachi,” tënëhuaꞌ.