Jeremías 20:10 - Chayahuita (Shahui)

¹⁰ Naní quëran pochin tëhuatonaco: “Yaꞌipi parti paꞌyan yaꞌhuërin” itoninaco. Naporahuaton: “Huëco paꞌahua shaꞌhuirapiahuaꞌ,” tosápi. Amiconëhuëpita quëran huarëꞌ tëhuëcaꞌhuaso ninapi. Monatonaco yacanarinaco. “Canarëhua naporini, iꞌhuërëchitërihuahuëꞌ,” topi.

Jeremías 20:10 ပူးပေါင်းရင်းမြစ်များ

1 Reyes 19:2

Ina natanahuaton Quisapirasoꞌ, Iniasë shaꞌhuitacaso marëꞌ aꞌnara comision aꞌparin: “Naporin Quisapira: ‘Quëmasoꞌ Paaro marëꞌ pënëntonaꞌpiroꞌsa acorahuësoꞌ, atëpatëran. Napoaton carionta atëpataꞌhuanquënso yaꞌhuërin. Tashiraya ipora pochin atëpatëransopita pochin nitaranquën. Coꞌsoꞌ inapotohuatënquënhuëꞌ, mamanshiroꞌsa chiníquën anaꞌinchinaco,’ tënin,” itërin.

1 Reyes 21:20

Napotohuachina, paꞌsahuaton Siniorori napotërinsoꞌ Acapo shaꞌhuitonin. Napotohuachina Acapori itapon: —¡Quëmasoꞌ inimiconëhuënquën nipiranhuëꞌ, niquënanëchi paya! itërin. Napotohuachina Inari itapon: —Co Sinioro costarinsohuëráchin ninanso marëꞌ niquënanëꞌ.

1 Reyes 22:27

Inapitaquë quëparahuatomaꞌ, shaꞌhuitoco tashinanpëiquëchinaꞌ. Naporahuaton piꞌpian piꞌpian aꞌcainaꞌ, oꞌshichinaꞌ, napochinaꞌ. Siria sontaroꞌsa minsëato huënantaꞌhuarëꞌ, inapochinaꞌ, itërin.

1 Reyes 22:8

—Yaꞌhuërin mini aꞌnara. Inasoꞌ, Imiro huiꞌnin Micaiasë itopisoꞌ. Cariso napoaporahuëꞌ, co quëꞌyarahuëꞌ. Maꞌsha onpocaꞌhuasoráchin shaꞌhuitërinco niꞌton, naporahuë, tënin Acapo. Napopirinhuëꞌ: —Ama napoquësohuëꞌ, itërin Cosahuatori.

Copo naporinso' 19:19

Noyá payarinacosopita, nosororahuësopita, inapita quëran huarëꞌ imicotërinaco.

Jeremías 1:19

Inapitaso ahuëapirinënhuëꞌ, co minsëarinënhuëꞌ. Carinquën caꞌtanatënquën aꞌpaiaranquën niꞌton, co minsëarinënhuëꞌ. Ca Sinioroco noꞌtëquën shaꞌhuitaranquën,” itërinco.

Jeremías 18:18

Aꞌna tahuëri piyapiꞌsa chinotatonaco: “Huëco paꞌahua Irimiasë tëpacaiso marëꞌ shaꞌhuirapiaꞌhuaꞌ. Ama manta naporinso natëahuasohuëꞌ. Corto huaꞌanoꞌsa Yosë nanamën aꞌchintiinpoasoꞌ, co pahuanaponhuëꞌ. Yonquinahuanoꞌsanta pënënainpoasoꞌ, yaꞌhuëapon. Pënëntonaꞌpiroꞌsanta Yosë naporinsoꞌ anitotiinpoasoꞌ, yaꞌhuëapon,” topi.

Jeremías 20:3

Tahuëririnquë ina nontëroꞌsa quëran ocoinacoso camaitërin. Naporoꞌ cari itapo: “Sinioro nininën canpiatërinquën. Co huachi Pasoro itaponënhuëꞌ. ‘Macoro-misapipi’ itaponën.

Jeremías 37:13

Mincamin yaꞌcoana itopiquë nipatora, Iriasë aꞌpaitoroꞌsa huaꞌan maninco. Inasoꞌ Sirimiasë huiꞌnin. Sirimiasënta paꞌpin Ananiasë itopi. Iriasëso masahuatonco: —¡Quëmasoꞌ papironiaroꞌsa catahuacaso marëꞌ paꞌsaran! itërinco.

Jeremías 6:25

Ama insonta iminquë paꞌinsohuëꞌ. Ama ira tëranta paꞌchinasohuëꞌ. Inimicoroꞌsasoꞌ, noyá niacorahuatona canquiapi. ¡Yaꞌipi parti inapita tëꞌhuatapi!” tosapi.

Daniel 6:4

Huaꞌanoꞌsaꞌ, chirinchiroꞌsaꞌ, inapitariso napoaponahuëꞌ, co quëꞌyapihuëꞌ. Inapoatona shaꞌhuirapicaiso marëꞌ maquë tëranta tëhuërinsoꞌ yonípi. Naniriso noyasáchin nisahuaton, co piꞌpian tëranta ihuatërinhuëꞌ. Napoaton co nanitopihuëꞌ shaꞌhuirapicaisoꞌ.

Lucas 20:20

Napoaton aꞌnaquën quëmapiꞌsaꞌ amatahuatonaꞌ, itaponaꞌ: “Nonpintatomaꞌ, Quisosoquë pacoꞌ. Yaimaramaso pochin nicatomaꞌ, ina nontocoꞌ atëhuëcaso marëꞌ. Ina quëran shaꞌhuirapihuatamaꞌ, huaꞌani sontaroꞌsaꞌ aꞌpaarin ina macacaso marëꞌ,” itopi.

Hechos 24:13

Topinan quëran nonpinapirinaco. Naꞌcon shaꞌhuirapipirinacohuëꞌ, niꞌnincoso chachinso co yaꞌhuërinhuëꞌ.

Hechos 5:33

Cotio huaꞌanoꞌsari natanahuatonaꞌ, chiníquën noꞌhuiantarahuatonaꞌ, yatëpapirinahuëꞌ.

Hechos 7:54

Natanahuatonaꞌ, chiníquën noꞌhuitonaꞌ, yatëpapi.