Jeremías 20:1 - Chayahuita (Shahui)

¹ Imiri huiꞌnin Pasoro itopisoꞌ corto huaꞌan, pënëntërahuësoꞌ natanin. Inasoꞌ corto huaꞌan, Yosë pëinën aꞌpairoꞌsa huaꞌanën yaꞌconin.

Jeremías 20:1 ပူးပေါင်းရင်းမြစ်များ

2 Reyes 25:18

Naporoꞌ Naposaratansoꞌ, Siraiasë corto huaꞌan manin. Ina quëran niantarinsonta manin. Inaso Sooniasë itopi. Naporahuaton cara huaꞌanoꞌsantaꞌ, Yosë pëinën aꞌpainaꞌpiroꞌsa manin.

Jeremías 20:6

Quëmanta Pasoro, inátohua quëpaponën. Saꞌan, huiꞌnanpita, quëmopinënpita, inapitarëꞌquën chachin paꞌsaran. Inaquë chiminpatan, paꞌpitaponën. Amiconënpita nonpi nananoꞌsa shaꞌhuitëransopitantaꞌ, quëmarë chachin paꞌpitaponaꞌ,’ tënin Sinioro,” itërahuë.

Jeremías 37:15

Inapita huaꞌanoꞌsantaꞌ, noꞌhuitonaco ahuihuitërinaco. Naporahuatonaꞌ, Conatan ninshitonaꞌpi pëinën tashinan pëi atarantopi niꞌton, inaquë poꞌmorinaco. Acoporoꞌ patoanaquë poꞌmohuachinacora, inaquë huaꞌqui yaꞌhuërahuë.

Hechos 4:1

Pitrori aꞌchintohuachina, naꞌa piyapiꞌsaꞌ natanapi. Coansharintaꞌ pënënin. Pënëntasoiꞌ, corto huaꞌanoꞌsaꞌ canquipi. Ponisiaroꞌsaꞌ huaꞌanën, satosioroꞌsaꞌ, inapitantaꞌ canquipi.

Hechos 5:24

Natanahuatonaꞌ, ponisiaroꞌsaꞌ huaꞌanën, corto huaꞌanoꞌsaꞌ chini chiníquën nanantopisopita, inapita paꞌyanpi. Paꞌyanahuatonaꞌ, ninontopi. “¿Intoacha pacaiya? ¿Maꞌtaꞌ onpoapona napoapi?” nitopi.