Jeremías 2:9 - Chayahuita (Shahui)

⁹ Naporamaso marëꞌ coisëroꞌsaquë quëparëso pochin nitaranquëmaꞌ. Huiꞌnamapita, shiparimapita, inapitanta napotarahuë.

Jeremías 2:9 ပူးပေါင်းရင်းမြစ်များ

Éxodo 20:5

Ama monshorahuatoma inapita moshacosohuëꞌ. Ama piꞌpian tëranta chinotocosohuëꞌ. Casáchin Sinioroco niꞌto, aꞌpitëranquëmaꞌ. Co natëhuatamacohuëꞌ, anaꞌintaranquëma huachi. Huiꞌnamapita, shiparimapita, huiꞌnama shinpitaquë huarëꞌ anaꞌintarahuë.

Isaías 43:26

Tëhuëtëranquëma nipachinsoꞌ, anoyatahuaꞌ. Canpitanta shaꞌhuicoꞌ, tapona co manta tëhuëápiramahuëꞌ.

Jeremías 2:29

Co carimasoꞌ ¿maquë tëranta tëhuëtëranquëmahuë pora? Canpita mini tëhuënchinsoꞌ yaꞌipinquëma noꞌhuitë pochin nitëramaco. Ca Sinioroco shaꞌhuitaranquëmaꞌ.

Jeremías 2:35

Inapoapomarahuëꞌ: ‘Co manta tëhuëraihuëꞌ. Co maꞌmarë tëranta Yosë noꞌhuiincoiso yaꞌhuërinhuëꞌ,’ toconamaꞌ. Noyapaꞌ. ‘Co manta oshahuanaihuëꞌ,’ tënamaso marëꞌ coisëquë niquëpapiso pochin nitaranquëmaꞌ.

Oseas 2:2

Naquëranchin Siniorori israiroꞌsa itaantapon: “Israiro nacionsoꞌ, saꞌahuë pochin ninin. Inapitaso napoaponahuëꞌ, tëhuananpitatë pochin nitërinaco. Napotërinacoso marëꞌ carintaꞌ, inapita aꞌporahuë. Naporinso marëꞌ, huaꞌhuinpitari coisëquë quëpatona shaꞌhuirapiinaꞌ. ¡Ama huachi niminta paya pochin nisáinsohuëꞌ! ¡Ama huachi aꞌna aꞌna poꞌchinsohuëꞌ!

Oseas 4:1

Israiroꞌsanquëmaꞌ. Sinioro naporinso natancoꞌ: “Iso noꞌpaquë yaꞌhuëpisopita paꞌpi co noyahuëꞌ nipi. Isëquësoꞌ, co noꞌtëquën ninosoropihuëꞌ. Nisha nisha cancantopi. Caso Yosëco nipirahuëꞌ, co nohuitërinacohuëꞌ. Nonpiáponaraihuëꞌ, ‘Yoscoarëꞌ,’ niitopi. Apira apira nitëpapi, niihuapi, nitëhuananpitopi, paꞌpi noꞌhuitërayaroꞌsa nipi, napopi.

Miqueas 6:2

Motopiroꞌsaꞌ yaꞌhuërë nontaton, itapon: “Motopiroꞌsaꞌ, canpitaso simintori pëi achinirinso pochin isoroꞌpaꞌ achiniramaꞌ. Piyapi pochin nicatomaꞌ, piyapinëhuëpita shaꞌhuirapiarahuësoꞌ, natancoꞌ. Israiroꞌsaso piyapinëhuëpita nipirinahuëꞌ, shaꞌhuirapiarahuë,” itërin. Ina quëran itaantarinpoaꞌ: “Israiroꞌsanquëmaꞌ. ¿Maꞌta carima onpotatënquëma apiranquëmaꞌ? Shaꞌhuitoco nitochi.