Jeremías 2:8 - Chayahuita (Shahui)

⁸ Corto huaꞌanoꞌsa co yonirinacohuëꞌ. Piyapinëhuëpita aꞌchinaꞌpiroꞌsantaꞌ, co nohuitërinacohuëꞌ. Huaꞌanënapita co yanatërinacohuëꞌ. Pënëntonaꞌpiroꞌsanta Paaro marëꞌ pënëntonpi. Mamanshiroꞌsa co máquënhuë nipirinhuëꞌ, inapita imapi.

Jeremías 2:8 ပူးပေါင်းရင်းမြစ်များ

1 Reyes 18:22

Iniasërisoꞌ, naquëranchin itaantapon: —Casáchin Sinioro marëꞌ pënëntarahuë. Napoaponahuëꞌ Paaro marësoꞌ, catapini pasa aꞌnatërápo shonca yaꞌpi yaꞌhuërapi.

1 Reyes 18:29

Napochináchin panca tëhuërënin huachi. Sinioro marëꞌ maꞌsha ahuiquitacaiso ora naꞌhuëpirinhuëꞌ, co macari aꞌpanirinhuëꞌ.

1 Reyes 18:40

Naporoꞌ Iniasëso camaitaton: —¡Paaro marëꞌ pënëntopisopita yaꞌipi macoꞌ! itërin. Napotohuachina israiroꞌsari yaꞌipi mapi. Nani mapachinara: “Quison iꞌshaquë quëparahuatëhuaꞌ, inaquë tëpaꞌahuaꞌ,” tënin. Napohuachina inaquë quëparahuatona tëpapi.

Isaías 28:7

Samariaroꞌsa huino oꞌotona pisan pisan toconpi. Máin paꞌyatatonaꞌ, inpan inpan toconpi. Inapita pochachin corto huaꞌanoꞌsaꞌ, pënëntonaꞌpiroꞌsaꞌ, inapitanta ina pochin oꞌotona noꞌpirápi. Huino oꞌosápatona naponin yonquipi. Inapitasoꞌ huaꞌnarëso pochin quënantacaiso nipirinhuëꞌ, maꞌsona nicacasoꞌ shaꞌhuicaiso nipirinhuëꞌ, noꞌpirahuëroꞌsa niꞌton, co Siniorori anitotërinhuëꞌ.

Isaías 30:5

Inapitaso napoaponahuëꞌ, co catahuainquëmaso nanitapihuëꞌ. Co maquë tëranta inapita catahuaponquëmahuëꞌ. Ina naꞌintarinquëma naꞌcon parisitaramaꞌ,” itërin.

Jeremías 18:18

Aꞌna tahuëri piyapiꞌsa chinotatonaco: “Huëco paꞌahua Irimiasë tëpacaiso marëꞌ shaꞌhuirapiaꞌhuaꞌ. Ama manta naporinso natëahuasohuëꞌ. Corto huaꞌanoꞌsa Yosë nanamën aꞌchintiinpoasoꞌ, co pahuanaponhuëꞌ. Yonquinahuanoꞌsanta pënënainpoasoꞌ, yaꞌhuëapon. Pënëntonaꞌpiroꞌsanta Yosë naporinsoꞌ anitotiinpoasoꞌ, yaꞌhuëapon,” topi.

Jeremías 2:11

¡Co inso nacionquë tërantaꞌ, yosënëna aꞌporahuatonaꞌ, aꞌna chinotaantapihuëꞌ! Inapitasoꞌ nonpin yosëroꞌsa imaponaraihuëꞌ, ¡co onporonta inapochinpihuëꞌ! Piyapinëhuëpitaso nipirinhuëꞌ, aꞌporinaco. Noya noya nipirahuëꞌ, mamanshiroꞌsa co manta catahuatopisopitahuëꞌ, imacaiso marëꞌ aꞌporinaco.

Jeremías 2:6

Naniantatonaco, co yonirinacohuëꞌ. Cari Iquipito quëran ocoiato, inotëro parti quënahuë. Inaso noꞌpaꞌ, yaniroꞌ. Notohuaroꞌ ohuatë yaꞌhuërin. Inaquëso co iꞌsha yaꞌhuërinhuëꞌ, paꞌpi huëhuëpiro yaꞌhuërin. Co insonta inaquë yaꞌhuërinhuëꞌ. Co insonta inaëchin iratërinhuëꞌ.

Jeremías 7:8

Canpitaso nonpi nananoꞌsa natëtëramaꞌ. Inasoꞌ co piꞌpian tëranta catahuarinquëmahuëꞌ.

Jeremías 9:14

Co natantochináchinhuëꞌ cancantatonaꞌ, inahuara costapiso imapi. Shimashonënapitari aꞌchintërinso pochachin nonpin yosëroꞌsa moshapi.

Ezequiel 34:2

“Quëmasoꞌ piyapinquën nipiranhuëꞌ, Israiro noꞌpaquë co noyahuëꞌ huaꞌanoꞌsa maꞌsona yonquirapirahuësoꞌ, shaꞌhuitëquëꞌ: ‘¡Maꞌhuantacha Israiro huaꞌanoꞌsanquëma nisarama paya! Canpitasoꞌ, canpitaora niaꞌpairamaꞌ. Aꞌpaitoroꞌsasoꞌ, ohuicanënpita aꞌpaicaiso yaꞌhuërin. Inapochachin canpitantaꞌ, aꞌpaitonaꞌpi pochin Yosë acorinquëmaꞌ, israiroꞌsa aꞌpaicamaso marëꞌ.

Oseas 4:6

Co nohuitërinacohuëꞌ niꞌton, piyapinëhuëpita ataꞌhuantarahuë. Canpita corto huaꞌanoꞌsanquëma tëhuërama niꞌton, napotarahuë. Canpita chachinta co nohuitëramacohuëꞌ. Naporahuaton co nohuantëramahuëꞌ nohuitamacosoꞌ. Napoaton cantaꞌ, co corto huaꞌanoꞌsa pochin niꞌnanquëmahuëꞌ. Pënëntërahuësonta naniantërama niꞌquëhuarëꞌ, canta canpita quëran pipipisopita catahuacaꞌhuasoꞌ, naniantarahuë.

Habacuc 2:18

Aꞌnaquën naꞌpi quëranhuë nipon, nara quëranhuë nipon patëtahuatonaꞌ, mamanshi tënipi. ¡Tënipirinahuëꞌ, inaso co maꞌmarë tëranta paꞌtërinhuëꞌ! Aꞌnaquëonta mamanshinën nontaton: ‘Quëmaso yosënëhuënquën,’ itërin. ¡Napotohuachina, nonpiánin inasoꞌ! Mamanshiroꞌsasoꞌ, co nonacaso tëranta nanitopihuëꞌ. Napoaton ina ninaꞌpiroꞌsasoꞌ, ¡co inapita natëcaiso yaꞌhuërinhuëꞌ!

Mateo 16:26

Yaꞌipi maꞌsha isoroꞌpaquë yaꞌhuërinsopita canapiramahuëꞌ, co huaꞌyanëmaꞌ chaꞌëpachinhuëꞌ topinan quëran nisarin. ¡Onpontaꞌ pahuërëtapiramahuëꞌ, co huachi huaꞌyanëmaꞌ nanitarinhuëꞌ chaꞌëcasoꞌ!

Lucas 11:52

¡Maꞌhuantacha cotio maistroꞌsanquëmaꞌ nisarama paya! Niahui osërëtërëso pochin co Yosë nanamën noꞌtëquën aꞌchintëramahuëꞌ niꞌton, piyapiꞌsaꞌ co Yosë nohuitopihuëꞌ. Co canpita tërantaꞌ Yosë huëntonënquë yaꞌconamahuëꞌ. Aꞌnapitantaꞌ yayaꞌconpirinahuëꞌ, co nohuantëramahuëꞌ. Ina marëꞌ Yosë anaꞌintarinquëmaꞌ,” itërin Quisosori.

Juan 16:3

Co Tata Yosë nohuitopihuëꞌ. Cantaꞌ huiꞌninco nipirahuëꞌ, co nohuitërinacohuëꞌ niꞌtonaꞌ, aparisitarinënquëmaꞌ.

Juan 8:55

Co inasoꞌ nohuitopiramahuëꞌ, casoꞌ nohuitërahuë. Yaꞌipi noninsoꞌ natërahuë. “Co nohuitërahuëꞌ,” tënahuë naporini, canpita pochachin cantaꞌ nonpiintohuëꞌ.

2 Corintios 4:2

Aꞌnaquënsoꞌ co noyahuëꞌ yonquiatonaꞌ, aꞌchinapi. Noyasha nonpirinahuëꞌ, nonpinacaiso marëꞌ napopi. Quiyaso nipirinhuëꞌ co mantaꞌ poꞌoana quëran ninaihuëꞌ niꞌton, co tapanaꞌhuaisoꞌ yaꞌhuërinhuëꞌ. Co nisha nisha aꞌchinaihuëꞌ. Yaꞌipi Yosë nanamën noꞌtëquën aꞌchintarainquëmaꞌ. Yosë niꞌsárincoi niꞌton, inasáchin aꞌchinarai. Aꞌninquëchin aꞌchinai yaꞌipi piyapiꞌsaꞌ yonquicaiso marëꞌ.

Deuteronomio 33:10

Inahua mini israiroꞌsa aꞌchintapi. Pënëntëransopita, aꞌchinansopita, inapita aꞌchintapi. Chinotëranquënso pëi artaroꞌsaquë, yonarin pochin pimóchin aꞌpëpi. Maꞌsharoꞌsanta quëma marëꞌ tëpapisoꞌ, ahuiquitapi.

1 Samuel 12:21

Ama mamanshiroꞌsa moshacosohuëꞌ. Inapitasoꞌ, co catahuainpoaso nanitopihuëꞌ. Co nichaꞌëinpoasoꞌ nanitopihuëꞌ. Nonpin yosëroꞌsa niꞌton, co nanitopihuëꞌ.

1 Samuel 2:12

Iri huiꞌninpitasoꞌ, co noyahuëꞌ cancantopi. Napoatonaꞌ, co Sinioro tëranta tëꞌhuatatonaraihuëꞌ, co noyahuëꞌ nisápi.