Jeremías 2:4 - Chayahuita (Shahui)

^4-5 Israiroꞌsanquëmasoꞌ, Cacopo quëran pipiramaꞌ. Yaꞌipinquëma Sinioro nontërinquëmasoꞌ natancoꞌ: “¡Caso co maquë tëranta shimashonëmapita tëhuëtërahuëꞌ! Napoaponahuë inapitasoꞌ, aꞌporinaco. Mamanshiroꞌsa co máquënhuë nipirinhuëꞌ, ina imapi. Napoaton inahuara chachiontaꞌ, nitapiatë pochin nipi.

Jeremías 2:4 ပူးပေါင်းရင်းမြစ်များ

Jeremías 2:3

Naporoꞌ canpitasoꞌ, carima huaꞌanëntëranquëmaꞌ. Sharoꞌsa yaꞌnan cayarinso pochin ca marëꞌ ninamaꞌ. Inpitasona maꞌsha onpotërinquëmasoꞌ, cari anaꞌintërahuë. Nisha nisha quëran anaꞌintato iꞌhuërëtërahuë. Ca Sinioroco shaꞌhuitaranquëmaꞌ,’ tënin,” itërinco.

Jeremías 31:1

Ina quëran taantarin: “Ina tahuëri nanihuachin, casáchin yaꞌipi Israiro huëntonoꞌsa chinotarinaco. Inapitanta piyapinëhuëpita nisapi,” tënin.

Jeremías 7:2

“Chinotërinacoso pëiquë paꞌsahuaton, yaꞌcoanaquë huaniconquëꞌ. Inataquëchin Cota huënton israiroꞌsa chinotiinacoso marëꞌ yaꞌconpi. Naporahuësoꞌ inapita anitotëquëꞌ: ‘Caso Sinioroco yaꞌipi nanitaparahuë. Yosëco niꞌto, israiroꞌsanquëma chinotëramaco. Noya noya imatomaco noya nicoꞌ. Napohuatamaꞌ, co yaꞌhuërama quëran ocoiaranquëmahuëꞌ.

Oseas 4:1

Israiroꞌsanquëmaꞌ. Sinioro naporinso natancoꞌ: “Iso noꞌpaquë yaꞌhuëpisopita paꞌpi co noyahuëꞌ nipi. Isëquësoꞌ, co noꞌtëquën ninosoropihuëꞌ. Nisha nisha cancantopi. Caso Yosëco nipirahuëꞌ, co nohuitërinacohuëꞌ. Nonpiáponaraihuëꞌ, ‘Yoscoarëꞌ,’ niitopi. Apira apira nitëpapi, niihuapi, nitëhuananpitopi, paꞌpi noꞌhuitërayaroꞌsa nipi, napopi.

Miqueas 6:1

Naquëranchin Siniorosoꞌ, nontaantarinpoaꞌ: “Israiroꞌsaꞌ. Ca Sinioroco shaꞌhuirapiaranquëmasoꞌ natancoꞌ: Aꞌna piyapi coisëquë quëpahuachinara, huanirahuaton, maꞌsona onporinsoꞌ coisëroꞌsa shaꞌhuitërin. Inapochachin canpitantaꞌ, maꞌsona onporamasoꞌ motopiroꞌsa shaꞌhuitatë pochin nitocoꞌ. Inapitanta natanatënënquëmaꞌ, catahuainënquëmaꞌ,” itërinpoaꞌ.