Jeremías 2:32 - Chayahuita (Shahui)

³² Nanon soꞌyarinso tahuëri nitaparinsopita, ¡co onporonta naniantërinhuëꞌ! Piyapinëhuëpitaso napoaponahuëꞌ, ¡nani huaꞌqui naniantërinaco!

Jeremías 2:32 ပူးပေါင်းရင်းမြစ်များ

Génesis 24:22

Camiyoroꞌsa nani oꞌopachinara, Apraan piyapinënsoꞌ, oro quëran poꞌmoitëra pochin nipisoꞌ manin. Saota cramo pochin quëꞌninsoꞌ. Ina masahuaton, Nipica nitëananënquë aꞌtëntërin. Naporahuaton cato aꞌsontanpa oro quëran nipisoꞌ, quëtërin. Aꞌnaya aꞌnaya pasa naꞌcon cramo quëꞌninsoꞌ, quëtërin.

Génesis 24:53

Ina quëran notohuaroꞌ maꞌsha quëninsopita oꞌquirin. Oro quëran, prata quëran, ina quëranpita nipisoꞌ, Nipica nicanarin. Aꞌmocasontaꞌ, paꞌton nininsopita quëtërin. Aꞌshin, yoꞌin, inapitanta notohuaroꞌ maꞌsha paꞌton nininsopita quëtërin.

2 Samuel 1:24

Israiro sanapiꞌsanquëmantaꞌ, Saono yonquiatoma naꞌnëcoꞌ. Ina copirno nicapon maꞌhuanamaꞌ. Maꞌmaro nëꞌmëtë paꞌton nininquë aꞌmopitëraramaꞌ. Noya noya rino piꞌshi quëran nipisoꞌ, aꞌmoramaꞌ. Oro quëran nipisopitantaꞌ, nitapamaso marëꞌ paꞌanamaꞌ. ¡Inapitaso paꞌton nipirinhuëꞌ, naporamaꞌ!

Isaías 61:10

¡Sinioro yonquiato, capa cancantërahuë! Inasoꞌ Yosënëhuë niꞌton, acapacancaninco. Nichaꞌërinco niꞌton, naporahuë. Noꞌtëquën yonquinaꞌpi pochin acorinco. Saꞌanaꞌpi yancotë ayancotopiso pochin ninahuë. Nanonta soꞌyacaso marëꞌ nisha nishaquë nitaparinso pochin ninahuë.

Jeremías 18:15

Piyapinëhuëpitaso nipirinhuëꞌ, naniantërinaco. Nisha nisha mamanshiroꞌsa moshacaiso marëꞌ yonarin pochin nininsoꞌ aꞌpëpi. Iráca pënëntërahuësopita aꞌpopi niꞌton, chihuëatona nisha ira paꞌtopiso pochin nipi.

Jeremías 2:11

¡Co inso nacionquë tërantaꞌ, yosënëna aꞌporahuatonaꞌ, aꞌna chinotaantapihuëꞌ! Inapitasoꞌ nonpin yosëroꞌsa imaponaraihuëꞌ, ¡co onporonta inapochinpihuëꞌ! Piyapinëhuëpitaso nipirinhuëꞌ, aꞌporinaco. Noya noya nipirahuëꞌ, mamanshiroꞌsa co manta catahuatopisopitahuëꞌ, imacaiso marëꞌ aꞌporinaco.

Jeremías 2:33

Canpitasoꞌ, noyá nitotërama monshihuanamasoꞌ. Canpita quëran aꞌnapitantaꞌ, co noyahuëꞌ nicacaisoꞌ nitotapi.

Jeremías 23:27

Huaꞌnapiso shaꞌhuitonaꞌ, piyapinëhuëpita naniantiinacoso yonisapi. Iráca shimashonënapitantaꞌ, Paaro mamanshi moshacaiso marëꞌ naniantërinaco. Inapita pochachin ipora piyapinëhuëpitanta nisapi.

Deuteronomio 32:15

Noya nocomarinquëma niꞌton, israiroꞌsanquëma amonamaꞌ. (Maꞌsha amomiataton tomapiin tomapiin nininso pochin ninamaꞌ.) Napoaponahuëꞌ, cahuario yatoꞌtatërinso pochin, Yosë chachin acopirinquëmahuëꞌ, aꞌporamaꞌ. Noya paꞌpoyatënquëma nichaꞌëpirinquëmahuëꞌ, nocanamaꞌ.

Apocalipsis 21:2

Ina quëran noyápiachin ninanoꞌ inápa quëran oꞌmararin niꞌnahuë. Yosë yaꞌhuërin quëran oꞌmararin. Quirosarin pochin niponahuëꞌ, noya noya ninin. Noyápiachin yaꞌnorin. Sanapi soꞌyacaso marëꞌ nitaparinso pochin noyápiachin ninin. Nasha Quirosarin itopisoꞌ.

Jueces 8:34

Sinioroso Yosënëna nipirinhuëꞌ, ina naniantopi. Yaꞌipi inimiconënapita quëran nichaꞌëpirinhuëꞌ, naniantopi.