Jeremías 2:3 - Chayahuita (Shahui)

³ Naporoꞌ canpitasoꞌ, carima huaꞌanëntëranquëmaꞌ. Sharoꞌsa yaꞌnan cayarinso pochin ca marëꞌ ninamaꞌ. Inpitasona maꞌsha onpotërinquëmasoꞌ, cari anaꞌintërahuë. Nisha nisha quëran anaꞌintato iꞌhuërëtërahuë. Ca Sinioroco shaꞌhuitaranquëmaꞌ,’ tënin,” itërinco.

Jeremías 2:3 ပူးပေါင်းရင်းမြစ်များ

Isaías 41:11

Noꞌhuirinënquëmasopita atapanarahuë. Chinitërinënquëmasopitantaꞌ, ataꞌhuantarahuë.

Jeremías 2:4

Israiroꞌsanquëmasoꞌ, Cacopo quëran pipiramaꞌ. Yaꞌipinquëma Sinioro nontërinquëmasoꞌ natancoꞌ: “¡Caso co maquë tëranta shimashonëmapita tëhuëtërahuëꞌ! Napoaponahuë inapitasoꞌ, aꞌporinaco. Mamanshiroꞌsa co máquënhuë nipirinhuëꞌ, ina imapi. Napoaton inahuara chachiontaꞌ, nitapiatë pochin nipi.

Joel 1:3

Ipora niꞌsaramasoꞌ, canpitanta huiꞌnamapita shaꞌhuitocoꞌ. Inapitantaꞌ, huiꞌninapita shaꞌhuichinaꞌ. Shiparimapita piquëran huaꞌhuatopisontaꞌ, shaꞌhuichinaꞌ.

Amós 6:1

Quirosarinquë yashi yashin yaꞌhuëpisopita, ¡maꞌhuantacha nisapi paya! Samariaquëntaꞌ: “Noya yaꞌhuëarihuaꞌ. Co manta onpoarihuahuëꞌ,” topisopita, ¡maꞌhuantacha nisapi paya! “Quirosarin, Samaria, inapita ninanoroꞌsasoꞌ, chini chiníquën nanantopi,” topi huaꞌanënpita. Napoaton aꞌnapita israiroꞌsasoꞌ, inapitari catahuacaiso marëꞌ paapapi.

Habacuc 1:11

Panca ihuan paꞌpachina, inquitërinso pochin tiquitaponaꞌ. Inahuara chinipisoraꞌ, yosënëna pochin niꞌpi,” itërinco.

Romanos 11:16

Niꞌcoꞌ. Pan nipachinara, yaꞌnan nipisoꞌ Yosë marëꞌ acohuachina, yaꞌipi chachin noya ninin. Nara itëntaꞌ noya nipachina, sëꞌpaquëontaꞌ noya nisarin.

Romanos 16:5

Aquiro pëinënquë chachin aꞌnaquën niyontonpi Yosë chinotacaiso marëꞌ. Inapitantaꞌ yonquiato, saludos aꞌpatarahuë. Ipinitontaꞌ saludos aꞌpatarahuë. Asia parti paꞌpatëra, inaꞌton Quisocristo imarin. Inaroꞌco noya nipayarai.

Efesios 1:4

Coꞌhuara isoroꞌpaꞌ yaꞌhuëyátërasohuëꞌ, yonquiatonpoaꞌ, huayoninpoaꞌ nóya cancantacaso marëꞌ. Quisocristo imapatëhuaꞌ, oshanënpoaꞌ inquitatonpoaꞌ, Yosë nóya niꞌninpoaꞌ.

Deuteronomio 26:19

Inari yaꞌipi nacionoꞌsa ninin. Napoaponahuëꞌ, canpitaso noya noya acoarinquëmaꞌ. Catahuarinquëma niꞌton, naní quëran nohuitarinënquëmaꞌ. Naporahuaton noya nicatënënquëmaꞌ: ‘Ma noyacha israiroꞌsasoꞌ acorin paya,’ taponaꞌ. Siniorosoꞌ Yosë niꞌton, ina naporinso chachin nohuantarinquëma ina marëꞌ sacatamasoꞌ,” itërin.

Deuteronomio 7:6

Canpitaso nipirinhuëꞌ, Sinioroíchin chinotamaso marëꞌ nani acorinquëmaꞌ. Naꞌa nacionoꞌsa isoroꞌpaquë yaꞌhuëpirinhuëꞌ, canpitasoꞌ, ina piyapinënpita nicamaso marëꞌ huayoninquëmaꞌ,” itërin Moisësëri.

Santiago 1:18

Inaora nohuanton, anasitaantatonpoa pochin nasha cancan quëtërinpoaꞌ. Inasoꞌ noꞌtëquën nonin. Nanamën natëhuatëhuaꞌ, huëntonënquë ayaꞌcoaninpoaꞌ. Huiꞌninpita pochachin niꞌninpoaꞌ. Canpoaꞌton anoyacancantërinpoaꞌ. Ina quëran oshaquëran naꞌayaꞌpi anoyacancantarin.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.

Apocalipsis 14:4

Noyápiachin cancantapi. Co piꞌpisha tërantaꞌ monshihuanaꞌpi pochin cancantopihuëꞌ. Yosëíchin yonquiapi. Insëquësona Carniroaꞌhua paꞌpachin, imasapi. Isoroꞌpaquë yaꞌhuëpirinahuëꞌ, nani Yosëri nichaꞌërin. Yaꞌnan cayarinso macatëꞌ Yosë quëtërëso pochin nicatonaꞌ, inasáchin chinotapi. Nani tahuëri Carniroaꞌhuantaꞌ chinotapi.