Jeremías 2:22 - Chayahuita (Shahui)

²² Yaquiquë coton tapirëso pochin, canpitanta naꞌcon oshahuanatoma nitapiramaꞌ. Onponta lejiaquë pëꞌsapiramahuëꞌ, onpo shapon tiquiantopiramahuëntaꞌ, oshahuanatoma coton tapipinan pochin ninamasoꞌ, co inquiramahuëꞌ. Inachachin nisárin caso niꞌnahuë.

Jeremías 2:22 ပူးပေါင်းရင်းမြစ်များ

2 Samuel 11:12

Napotopirinhuëꞌ, inarisoꞌ itaantapon: —Iporaíchin iꞌhuatëquëꞌ. Tashiraya aꞌpaꞌinquën huachi, itërin. Napotohuachina, Oriasësoꞌ Quirosarinquë chachin niiꞌhuarin.

Copo naporinso' 14:17

Tëhuërahuësopita naniantaton, yaꞌipi oshanëhuë inquichitoncohuëꞌ.

Salmos 130:3

Quiyasoꞌ piyapicoi oshahuanpiraihuëꞌ, nontarainquën. Co noyahuëꞌ ninaisoꞌ yonquiráran naporini, co onporonta noya niꞌitoncoihuëꞌ.

Salmos 90:8

Yaꞌipi co noyahuëꞌ ninaisopita nitotëran. Poꞌoana quëran nicatoi oshahuanpiraihuëꞌ, yaꞌipi nitotëran.

Oseas 13:12

Yaꞌipi co noyahuëꞌ ninamasopita quiricaquë nani ninshitërahuë. Yaꞌipi oshanëma nani ninshitërahuë.

Amós 8:7

Inaporamaso marëꞌ Sinioro tapon: “Caso Sinioroco niꞌto, israiroꞌsanquëma chinotopiramacohuëꞌ, co onporonta naporamaso naniantarahuëꞌ.

Deuteronomio 32:34

Inapita yonquiaton Yosëso tapon: ‘Co noyahuëꞌ nipirinahuëꞌ, co anaꞌintaꞌhuasoꞌ shaꞌhuitarahuëꞌ. Paꞌton nininsoꞌ taparëso pochin taꞌcharárahuë.