Jeremías 2:19 - Chayahuita (Shahui)

¹⁹ Co noyahuëꞌ ninamasoꞌ naꞌintarinquëmaꞌ. Co casáchin cancantëramacohuë niꞌton, parisitamaso yaꞌhuërin. Napoaton: ‘Sinioroso Yosënënpoa niꞌton, noya nicatëhua natëcaso yaꞌhuërin. Napopirinhuëꞌ, co natërëhuahuëꞌ. Naporahuaton aꞌpomantarëhuaꞌ. Noꞌtëquën chachin iporasoꞌ, co huachi noya yaꞌhuërëhuahuëꞌ. Parisitatëhua co napion cancantárëhuaꞌ,’ toco yonquiatomaꞌ. Caso Sinioroco yaꞌipi nanitaparahuë. Carima shaꞌhuitaranquëmaꞌ.

Jeremías 2:19 ပူးပေါင်းရင်းမြစ်များ

1 Reyes 18:18

—Quëma tëhuëchinsoꞌ piyapinënpitarëꞌquën chachin Sinioro camaitërinso aꞌporan. Ina aꞌporahuatoma nisha nisha mamanshiroꞌsa Paaro nonanpisoꞌ mosharamaꞌ. Ina naꞌintërinquëma parisitaramaꞌ.

Proverbios 1:31

Napoaton ina naꞌintarinquëma parisitamaso yaꞌhuërin. Amiquë huarëꞌ caꞌnëso pochin parisitaramaꞌ. ‘Caora nohuantato napoarahuë,’ tënamaso marëꞌ napoaramaꞌ.

Proverbios 1:32

Co nitotoroꞌsahuëꞌ pëshonpisoꞌ, nonanapatëramaꞌ. Inaporamasoꞌ, canpitanta tëpaponquëmaꞌ. Co yonquinahuanoꞌsahuëꞌ maꞌhuaninsontaꞌ, noyapatëramaꞌ. Inaporamaso canpitantaꞌ, tapiponquëmaꞌ.

Isaías 5:5

Noyapaꞌ. Naporin niꞌquëhuarëꞌ, oparonëhuë maꞌsona onpotaꞌhuasoꞌ yonquirahuësoꞌ, shaꞌhuitaranquëmaꞌ: Nahuan shatërahuëso oquitarahuë yaꞌcontatona tapiinaꞌ. Pairanënta oquitohuato, pëꞌtahuaroꞌsari yaꞌcontatonaꞌ, toꞌqui toꞌquichinaꞌ.

Isaías 50:1

Ina quëran Sinioro napoantarin: “Israiroꞌsanquëmaꞌ. Carimaso naꞌcon yaaꞌchintatënquëma yonípiranquëmahuëꞌ, co quënananquëmahuëꞌ. Përápiranquëmahuëꞌ, co aꞌpaniramacohuëꞌ. ‘Nihuitërinsoꞌ pahuërëtacaso marëꞌ paꞌanatë pochin nitërinpoaꞌ,’ topiramahuëꞌ. Oshahuanama niꞌton, paꞌanatë pochin nitëranquëmaꞌ. Co natantochináchinhuëꞌ cancantëramaso marëꞌ aꞌpoatë pochin nitëranquëmaꞌ. ¡Natëramaco naporini, carima nichaꞌëitënquëmahuëꞌ! Marënta camaihuatora, aꞌnaroáchin yanirin. Iꞌrosanta yanitonaꞌ, inotëro taranapi. Napohuachina, samiroꞌsanta yamorori tëpapon. Inapoatona chiminpachinaꞌ, chanataponaꞌ.

Jeremías 1:16

Piyapinëhuëpitasoꞌ, oshahuanápatona aꞌporinaco. Nisharoꞌsari moshapiso nonanahuatonaꞌ, inapita moshacaiso marëꞌ yonarin pochin nininsoꞌ, aꞌpëpi. Napopiso marëꞌ inapo anaꞌintarahuë.

Jeremías 2:17

Caso Yosënëmaco niꞌto, ira aꞌnotërëso pochin nitápiranquëmahuëꞌ, aꞌporamaco. Napoaton naporamaꞌ.

Jeremías 7:19

Napoaponahuëꞌ, co casáchin anoꞌhuitërinacohuëꞌ. Inahuara chachin taparo nicacaiso marëꞌ naporapi. Caso Sinioroco napotaranquëmaꞌ.

Oseas 11:7

Piyapinëhuëpitasoꞌ, co yatahuërëtërinacohuëꞌ: ‘Yosëso chini chiníquën nanantërin,’ taponaraihuëꞌ, co tëhuënchachin tëꞌhuatërinacohuëꞌ.

Oseas 14:1

Israiroꞌsanpoaꞌ. Sinioroso Yosënënpoa niꞌton, ina chachin tahuërëtaantaꞌahuaꞌ. Naꞌcon oshahuanëhua niꞌton, Yosë aꞌporëhuaꞌ. Inapopirëhuahuëꞌ, huëco naquëranchin Sinioro chinotaantaꞌahuaꞌ. Ina nontatëhuaꞌ: “Yaꞌipi co noyahuëꞌ ninaisoꞌ inquitocoi. Ina quëran chinotohuatëinquën, noya niꞌcoi.

Oseas 4:16

Israiroꞌsasoꞌ, iráca quëran huarëꞌ co yanatërinacohuëꞌ. Noꞌhuitëraya ohuaca pochin niconpi. Tëhuënchachin caso Sinioroco niꞌto, ina pochin piyapiroꞌsasoꞌ, co aꞌpaiyapohuëꞌ. Noyápiachin pastoroꞌsaquë carniroaꞌhuaroꞌsa aꞌpairëso pochin yanitopirahuëꞌ, ¡co onporonta inapotaꞌhuaso yaꞌhuërinhuëꞌ!

Oseas 5:5

Inapoáponaraihuëꞌ: “Ma noyacha quiyasoꞌ ninai paya,” toconpi. Napopi niꞌton, naꞌinpiro nipi. Iꞌpahuatëra maꞌsha onporëso pochin, Iprain israiroꞌsa co noyahuëꞌ nicatonaꞌ, parisitacaisoꞌ quënanapi. Inapitarë chachin Cota huënton israiroꞌsantaꞌ, oshahuanápatona parisitacaisoꞌ quënanaponaꞌ.

Amós 8:10

Pita tahuëriꞌsa naꞌhuëyantëramasoꞌ, acopitarahuë. Pita yaꞌhuërënamën, chiminpisopita marëꞌ naꞌnëtoma oshaarápomaꞌ. Sëtohuachinara aꞌmopisoꞌ, canpitanta aꞌmosaramaꞌ. Co napion ancatohuachinara noyá niyaꞌitopiso pochin niyaꞌitaramaꞌ. Aꞌnaíchin huiꞌnin yaꞌhuëtopirinhuëꞌ, chiminpachina naꞌnëpiso pochin nisaramaꞌ.

Miqueas 1:5

Israiroꞌsa Sinioro co yanatëpiso marëhuëꞌ napoarin. Inapoatona naꞌcon oshahuanpi niꞌton, napoarin. ¡Samaria ninanoquë chachin israiroꞌsa co natantochináchinhuëꞌ cancantopi! ¡Quirosarin ninanoquë chachin Cota huënton israiroꞌsantaꞌ, inahuara nohuanton artaroroꞌsa acopi!

Romanos 3:18

Yosë tëꞌhuatacasoꞌ yaꞌhuëpirinhuëꞌ, co ina yonquipihuëꞌ,” tënin iráca Yosë quiricanënquë ninshitatonaꞌ.