Jeremías 18:21 - Chayahuita (Shahui)

²¹ Iporaso napoaponahuëꞌ, huiꞌninapita chimiinaꞌ. Tana quëranhuë nipon, sahuëni quëranhuë nipon, chimiinaꞌ. Saꞌinanta quëyoronatona saꞌahuainaꞌ. Quëmapiꞌsanta chiníquën caniori tëpaꞌin. Huiꞌnapinënapitantaꞌ, ahuëtopiquë chimiinaꞌ.

Jeremías 18:21 ပူးပေါင်းရင်းမြစ်များ

Salmos 63:10

Inimiconënpitari sahuëniquë tëpaponaꞌ. Inapotohuachinaꞌ, asaniroꞌsari caponaꞌ.

Salmos 63:11

Piyapinënpitacoi chinotatëinquën capa cancanchii. Copirnonëhuëintaꞌ, chinotatënquën capa cancanchin. Nonpintëroꞌsaso nipirinhuëꞌ, quëmari Sinioro anaꞌintaton ataꞌhuantapon.

Jeremías 14:16

Pënënpisopitanta ina quëran chachin chiminaponaꞌ. Saꞌinaꞌ, huiꞌninpita, inapitanta chiminaponaꞌ. Nonënanta Quirosarin cachiroꞌsaquë topinan tëꞌyataponaꞌ. Co incari paꞌpitacasoꞌ yaꞌhuëaponhuëꞌ. Inapotato co noyahuëꞌ nipiso marëꞌ, anaꞌintarahuë.

Jeremías 15:7

Pintiatohuatëra, naponinso ihuani quiquirin. Inapochachin canpitantaꞌ, yaꞌipi ninanonëma quëran ocoiaranquëmaꞌ. Yaꞌhuëramaso noꞌpaꞌ tanahuantárin acoarahuë. Co noyahuëꞌ ninamasoꞌ co yaaꞌporamahuë niꞌton, napotaranquëmaꞌ.

Jeremías 15:8

Paꞌpi notohuaroꞌ quëyoronoꞌsa anaꞌatarahuë. Marë yonsanquë inotë naꞌarinso pochin acoarahuë. Camotëchin nipirinhuëꞌ chimirin anoantarinquëmaꞌ. Sanapiꞌsa huaꞌhuinpitarë chachin tiquiarin. Aꞌnanaya maꞌsha onpohuachinaꞌ, paꞌpi paꞌyanatona co napion ancantaponaꞌ.

Jeremías 9:21

Sëtatona oshaahuachina napoꞌinaꞌ: ‘Pëinënpoapitaquë chimirin yaꞌcotërinpoaꞌ. Noya noya pëiroꞌsaquënta yaꞌconin. Cachiroꞌsaquë notohuaroꞌ huaꞌhuaroꞌsa tiquipi. Prasaroꞌsaquënta huiꞌnapiroꞌsa inapotopi.

Amós 4:10

Naquëranchin Sinioro taantarin. “Iráca iquipitoroꞌsa nisha nisha quëran aparisitërahuë. Inapita aparisitërahuëso pochachin canpitanta aparisitëranquëmaꞌ. Huiꞌnapinëmapita ahuëtopiquëranchin chiminpi. Cahuarionëmapitantaꞌ, inimiconëmapitari matërinënquëmaꞌ. Chinotëramaso nëꞌmëtë pëiroꞌsaquë chiminpisopita anarinsoꞌ, aimëtëranquëmaꞌ. Inapotëranquëmaꞌ. Inapotápiranquëmahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Deuteronomio 32:25

Inimicoroꞌsari huiꞌnamapita cachiroꞌsaquë tëpapon. Pëianaquënta yaꞌhuëapomarahuëꞌ, paꞌyan yatëpáponquëmaꞌ. Huiꞌnapiꞌsaꞌ, nanoꞌsaꞌ, mashoyaroꞌsaꞌ, huaꞌhuaroꞌsaꞌ, inapitanta inimicoroꞌsari tëpapon.

2 Timoteo 4:14

Aricantëro huaꞌnaquë sacatërinsoꞌ chiníquën shaꞌhuirapirinco. Ina marëꞌ Siniorori anaꞌintarin.

1 Samuel 15:33

Samoiroriso napoaponahuëꞌ, itapon: —Sahuëninën quëran notohuaroꞌ piyapiꞌsa tiquiran. Napoatona aꞌshina saꞌahuapi. Inapita saꞌahuapiso pochin mamaparinta quëparitapon, itërin. Itahuaton, sahuëniquë tëparin. Sinioro camaitërinso chachin nitahuaton yaquirin. Quiricaroquë naporin.