Jeremías 18:16 - Chayahuita (Shahui)

¹⁶ Napopiso marëꞌ, yaꞌhuëpiso noꞌpaꞌ tanahuantárin acoarahuë. Inapotërahuëso niꞌpachinaꞌ, piyapiꞌsa paꞌyanaponaꞌ. Yaꞌipi inataquëchin naꞌhuëpisopita, paꞌyanatona huësë huësë́taponaꞌ.

Jeremías 18:16 ပူးပေါင်းရင်းမြစ်များ

1 Reyes 9:8

Iso pëi noyápiachin nipirinhuëꞌ, ca nohuanton inimicoroꞌsari ohuatohuachinaꞌ, naꞌpiroꞌsaraꞌ yamorápon. Ina nicatona naꞌhuëroꞌsasoꞌ, tëhuaponaꞌ. Tëhuapona pochin inahua capini ninatanapi: ‘¿Onpoatoncha Siniorori napotërin nicaya?’ niitaponaꞌ.

Salmos 22:7

Naꞌhuëpona pochin nocanatonaco tëhuarinaco. Tanshitatonaco, aquinotërinaco.

Isaías 6:11

Napotohuachincora, natanahuë: “¿Onporo huaꞌquita Sinioro ina pochin cancantaponaꞌ?” itohuatora: “Ninanoroꞌsa ataꞌhuantohuachinaꞌ, tanahuantápai huarëꞌ napoapi. Pëiroꞌsaꞌ, iminoꞌsaꞌ, inaquëpitanta sacorápona huachi.

Jeremías 19:8

Inapotohuatënquëma iso ninanosoꞌ, tanahuantápon. Piyapiꞌsari niꞌpachina paꞌyanaponaꞌ. Yaꞌipi isëchin naꞌhuëpisopita ataꞌhuantomiatërinënquëmaso niꞌpachinaꞌ, paꞌyanaponaꞌ.

Jeremías 9:11

Quirosarin ninano ataꞌhuantohuato, naꞌpisá yamórantapon. Asaniroꞌsa yaꞌhuëcaiso marëꞌ yaꞌhuëapon. Cota huënton ninanoroꞌsanta ataꞌhuantohuato, tanahuantáponaꞌ,” tënin Sinioro.

Mateo 27:39

Piyapiꞌsaꞌ naꞌhuëpona pochin, Quisoso tëcariatonaꞌ, tëhuaconpi.

Marcos 15:29

Piyapiꞌsaꞌ naꞌhuëpona pochin Quisoso tëcariatonaꞌ, tëhuapi. —“Yosë pëinën ataꞌhuantohuato, cara tahuëri quëran anoyatantarahuë,” tënan pora.