Jeremías 15:8 - Chayahuita (Shahui)

⁸ Paꞌpi notohuaroꞌ quëyoronoꞌsa anaꞌatarahuë. Marë yonsanquë inotë naꞌarinso pochin acoarahuë. Camotëchin nipirinhuëꞌ chimirin anoantarinquëmaꞌ. Sanapiꞌsa huaꞌhuinpitarë chachin tiquiarin. Aꞌnanaya maꞌsha onpohuachinaꞌ, paꞌpi paꞌyanatona co napion ancantaponaꞌ.

Jeremías 15:8 ပူးပေါင်းရင်းမြစ်များ

Jeremías 18:21

Iporaso napoaponahuëꞌ, huiꞌninapita chimiinaꞌ. Tana quëranhuë nipon, sahuëni quëranhuë nipon, chimiinaꞌ. Saꞌinanta quëyoronatona saꞌahuainaꞌ. Quëmapiꞌsanta chiníquën caniori tëpaꞌin. Huiꞌnapinënapitantaꞌ, ahuëtopiquë chimiinaꞌ.

Jeremías 6:26

Yosë piyapinënpitanquëma nipomarahuëꞌ, saꞌcatën aꞌmocoꞌ. Co napion ancantatomaꞌ, huarianoquë nianapitocoꞌ. Nichimiantëramaso pochin cancantatomaꞌ, naꞌnëmiatocoꞌ. Aꞌnaíchin huiꞌnama nininsoꞌ chiminpachina sëtëramaso pochin nicoꞌ. Ataꞌhuantarinquëmasopita aꞌnanaya cantiarinquëma niꞌton, inapocoꞌ.

Oseas 4:5

Canpitaso paꞌpi co noyahuëꞌ ninama niꞌton, anaꞌintaranquëmaꞌ. Tashi co quënantohuatërahuëꞌ iꞌparëso pochin tahuëri nipirinhuëꞌ, co taparohuanhuëꞌ tëhuëaramaꞌ. Nonpi nanan pënëntonaꞌpiroꞌsanta canpita pochachin nisapi. Israiro nacionsoꞌ, mamaparima pochin nipirinhuëꞌ, cari ataꞌhuantarahuë.

Lucas 21:35

huënson aꞌnaroáchin maꞌsha maninso pochin, aꞌnanaya oꞌmantararahuë. Yaꞌipi piyapiꞌsaꞌ aꞌninquëchin niꞌsarinaco.