Jeremías 15:7 - Chayahuita (Shahui)

⁷ Pintiatohuatëra, naponinso ihuani quiquirin. Inapochachin canpitantaꞌ, yaꞌipi ninanonëma quëran ocoiaranquëmaꞌ. Yaꞌhuëramaso noꞌpaꞌ tanahuantárin acoarahuë. Co noyahuëꞌ ninamasoꞌ co yaaꞌporamahuë niꞌton, napotaranquëmaꞌ.

Jeremías 15:7 ပူးပေါင်းရင်းမြစ်များ

Salmos 1:4

Co noyahuëꞌ nipisopitasoꞌ, co onporo napoapihuëꞌ. Arosë shaꞌhuëtë ihuani quiquiconin. Ina pochin nicatonaꞌ, co manta chiniapihuëꞌ.

Isaías 41:16

Trico pintiarëso pochin nitohuatamaꞌ, panca ihuani quiquirinso pochin yaꞌipi inimiconëmapita ataꞌhuantapomaꞌ. Canpitaso napoaponahuëꞌ, Sinioro yonquiatoma capa cancantaramaꞌ. Naporahuatomaꞌ: ‘Ma noyacha Sinioro imarai paya,’ tosaramaꞌ. Caso noyasáchin ninahuë niꞌton, Israiro chinotërinco.

Jeremías 18:21

Iporaso napoaponahuëꞌ, huiꞌninapita chimiinaꞌ. Tana quëranhuë nipon, sahuëni quëranhuë nipon, chimiinaꞌ. Saꞌinanta quëyoronatona saꞌahuainaꞌ. Quëmapiꞌsanta chiníquën caniori tëpaꞌin. Huiꞌnapinënapitantaꞌ, ahuëtopiquë chimiinaꞌ.

Jeremías 9:21

Sëtatona oshaahuachina napoꞌinaꞌ: ‘Pëinënpoapitaquë chimirin yaꞌcotërinpoaꞌ. Noya noya pëiroꞌsaquënta yaꞌconin. Cachiroꞌsaquë notohuaroꞌ huaꞌhuaroꞌsa tiquipi. Prasaroꞌsaquënta huiꞌnapiroꞌsa inapotopi.

Mateo 3:12

Cayarinsoꞌ manëso pochin nisarin. Arosë mapatëra, toꞌnorarëꞌ. Ina quëran pintiarahuatëꞌ, pëiquë acorëꞌ. Shaꞌhuëtënso nipirinhuëꞌ, pënquë ahuiquitërëꞌ. Inasoꞌ co onporontaꞌ tacopiarinhuëꞌ, tënin Coansha.