Jeremías 15:15 - Chayahuita (Shahui)

¹⁵ Ina quëran Yosë nontato itapo: “Sinioro. Quëmasoꞌ yaꞌipi nitotëran. Yonquirahuatonco catahuancoso marëꞌ huëquëꞌ. Aparisitërinacosopita ama tënoroatonhuëꞌ, iꞌhuërëtëquëꞌ. Inapita tënoroápatansoꞌ, tëpaponaco. Quëma natëranquënso marëꞌ naꞌcon noꞌhuirinaco.

Jeremías 15:15 ပူးပေါင်းရင်းမြစ်များ

Jeremías 15:10

Ina quëran caso paꞌpi sëtato, mamahuë yonquirahuë: “¡Maꞌhuántacha caso mama ninahuë paya! Quëma huaꞌhuanpirancohuëꞌ, naní quëran co natantonhuë pochin nohuitërinaco. Napoatona co quëꞌyarinacohuëꞌ. Co onporonta coriqui aꞌnanatonaco maꞌpachininacohuëꞌ. Co carintaꞌ, aꞌnapita coriqui aꞌnanchinahuëꞌ. Co inapopirahuëꞌ, yaꞌipiya quëran ama huachi noya yaꞌhuëcaꞌhuaso marëhuëꞌ, shaꞌhuitërinaco,” tënahuë.

Jeremías 15:20

Ca nohuanton chiníquën huaniaran. Shaꞌpi huaꞌna quëran paira nipiso pochin nisaran. Ahuëapirinënquëontaꞌ, co nanitapihuë minsëinënquënsoꞌ. Carinquën inapita quëran paꞌpoyatënquën nichaꞌësaranquën. Ca Sinioroco napotaranquën.

Jeremías 18:23

Quëmaso napoaponahuëꞌ, yaꞌipi yonquirapirinacoso nitotëran. Tëpainacoso marëꞌ napopisontaꞌ, nitotëran. Co noyahuëꞌ nipi niꞌton, ama nichaꞌëquësohuëꞌ. Oshanënanta ama naniantëquësohuëꞌ. ¡Noya noꞌhuitahuaton, anaꞌintomiatëquëꞌ. Iꞌparëso pochin nicatona copichinaꞌ!” itërahuë.

Jeremías 20:11

Quëmasoꞌ Sinioro napoaponahuëꞌ, catahuancoso marëꞌ yaꞌhuëaran. Ahuëtonaꞌpi co minsëchináchinhuë pochin ninan. Aparisitërinacosopitasoꞌ, anotërëso pochin nicaponaꞌ. Co minsëinacoso nanitapihuëꞌ. Napoatonaꞌ, taparo nisapi. Quëmari minsëransoꞌ, ama insonta nanianchinsohuëꞌ.

Jeremías 20:12

Sinioro quëmasoꞌ yaꞌipi nanitaparan. Maꞌsona onporaisopita noꞌtëquën tantiarancoi. Yonquiraisopitantaꞌ, naniarin quëran huarëꞌ nitotëran. Quëmasáchin caso ninaranquën niꞌton, inimicotërinacosopita anaꞌintëransoꞌ, niꞌi.

Jeremías 20:8

Maꞌsona nonpatëra co maꞌsha shaꞌhuirahuëꞌ: “Inimicoroꞌsa huëꞌsahuatonaꞌ, ahuëarinënquëmaꞌ. Ataꞌhuantarinënquëmaꞌ,” tosárahuë. Ina marëꞌ noꞌhuirárinaco. Tëhuarárinaco. Quëma nanamën shaꞌhuirahuë niꞌton, napotërinaco.

Mateo 10:22

Imaramaco niꞌton, naꞌa piyapiꞌsaꞌ noꞌhuiarinënquëmaꞌ. Nipirinhuëꞌ, co aꞌpohuatamacohuëꞌ, nichaꞌësaranquëma huachi.

Mateo 19:29

Aꞌnaquëma mini imamacoso marëꞌ maꞌshanëmaꞌ pataramaꞌ. Ina marëꞌ Yosë acanaarinquëmaꞌ. Aꞌnaquëmaꞌ pëinëmaꞌ, iyaparimaꞌ, oshiparimaꞌ, tataparimaꞌ, mamaparimaꞌ, saꞌamaꞌ, huiꞌnamaꞌ, noꞌpanëmaꞌ inapita pataramaꞌ aꞌchinacaso marëꞌ. Inapohuatamaꞌ, aꞌnaíchin marëꞌ pasa aquëtë canarëso pochin quëtarinquëmaꞌ. Ina quëran aꞌna tahuëri Yosëꞌpaꞌ nanpimiataramaꞌ.

Lucas 21:17

Imaramacoso marëꞌ naꞌa piyapiꞌsaꞌ noꞌhuiarinënquëmaꞌ.

Romanos 12:19

Nosoroatënquëmaꞌ iyaroꞌsaꞌ, oshaquëran pënënanquëmaꞌ. Ama iꞌhuërëtocosohuëꞌ. Tananpitocoꞌ Yosëri anaꞌinchin. Quiricanën quëran naporin: “Co noyahuëꞌ nipisopita cari anaꞌintarahuë. Noꞌtëquën anaꞌintarahuë,” tënin Yosë.

Romanos 8:35

Tëhuënchachin Quisocristo nosororinpoaꞌ. Co insontaꞌ nanitërinhuë ina quëran osërëinpoasoꞌ. Aꞌna tahuëri parisitërëhuaꞌ. Parisitatëhuaꞌ, co napion cancantërëhuaꞌ. Piyapiꞌsaꞌ aparisitërinënpoaꞌ. Cosharoꞌ, maꞌsha inapita pahuantërinpoaꞌ. Maꞌsha onpochináchin nisarëhuaꞌ. Yatëparinënpoaꞌ. Inapopirëhuahuëꞌ, ¡co inapita nanitapihuëꞌ Quisocristo quëran osërëinpoasoꞌ!

2 Corintios 5:11

Napoaton Yosë tëꞌhuatacasoꞌ yaꞌhuërin. Ina yonquiatoi, yaꞌipi piyapiꞌsaꞌ pënënárai. Co piꞌpian tërantaꞌ nonpintërainquëmahuëꞌ. Yosë niꞌsárincoi niꞌtoi, noꞌtëquën nontërainquëmaꞌ. Noya ninaisoꞌ canpitantaꞌ nitotëramaꞌ, topiraihuëꞌ.

2 Timoteo 4:14

Aricantëro huaꞌnaquë sacatërinsoꞌ chiníquën shaꞌhuirapirinco. Ina marëꞌ Siniorori anaꞌintarin.

Apocalipsis 18:20

Yaꞌipi inápaquë yaꞌhuëramasopitaso nipirinhuëꞌ, ama ina marëꞌ sëtocosohuëꞌ. Imaramaꞌ niꞌton, noya cancantocoꞌ. Aparisitopirinënquëmahuëꞌ, nani Yosëri anaꞌintërin huachi. Ina marëꞌ Quisoso caꞌtaninsopita, pënëntonaꞌpiroꞌsaꞌ, inapitantaꞌ noya cancanchinaꞌ.

Apocalipsis 6:10

Tëpahuachinara, huaꞌyanënaꞌ inápaquë yaꞌhuëcontarahuatonaꞌ, Yosë nontápi. —Quëma Sinioro chini chiníquën nanantëran. Noyasáchin nicaton, noꞌtëquën nonan. ¿Onporo huarëtaꞌ oshahuanoꞌsaꞌ anaꞌintaran? Tëparinacoiso marëꞌ noꞌtëquën anaꞌintacasoꞌ yaꞌhuërin, tosapi.

Jueces 16:28

Naporo inasoꞌ, chiníquën Yosë nontërin: “¡Sinioro nosoroco! Iporaíchin yonquirahuatonco catahuaco. Achiniantaco papoirayatërinacoso marëꞌ huiristinoꞌsa iꞌhuërëchi,” itërin.