Jeremías 15:14 - Chayahuita (Shahui)

¹⁴ Ca nohuanto inimiconëmapita huaꞌanëntatënquëmaꞌ, co nohuitëramasohuëꞌ noꞌpaquë asacataponëmaꞌ. Anoꞌhuitëramaco niꞌton, pën huëchimitërinso pochin ataꞌhuantaranquëmaꞌ,” tënin.

Jeremías 15:14 ပူးပေါင်းရင်းမြစ်များ

Isaías 42:25

Napoaton Sinioro noꞌhuitënquëma anaꞌintërinquëmaꞌ. Ina nohuanton inimicoroꞌsa ahuërinquëmaꞌ. Inapoaton pën quëran anaꞌintërëso pochin nitërinquëmaꞌ. Napotopirinquëmahuëꞌ, co naporo tëranta yonquiramahuëꞌ.

Jeremías 14:18

Ninano aipiran paꞌpatora, niahuëpiquë chimipiroꞌsa quëhuënantapi quënanahuë. Acoana yaꞌconpatorantaꞌ, piyapiꞌsa tanari tiquirarin niꞌnahuë. Pënëntonaꞌpiroꞌsaꞌ, corto huaꞌanoꞌsaꞌ, inapitanta intoasona quëparamarai,’ itëquëꞌ,” tënin.

Jeremías 15:4

Nisha nisha nacionoꞌsa yaꞌhuëpisoꞌ, canpita inapotaranquëmaso nitotatonaꞌ, huëhuëtaponaꞌ. Isiquiasë huiꞌnin Manasisi itopiso Quirosarinquë naporinso marëꞌ, inapo anaꞌintaranquëmaꞌ.

Amós 5:27

Naporamaso marëꞌ aꞌna parti quëpaponënquëmaꞌ. Tamasco ninano aquëtëran tëꞌyataponënquëmaꞌ. Ca Sinioroco napotaranquëmaꞌ. Caso Yosëco yaꞌipi nanitaparahuë. Ina pochin nohuitamacoso yaꞌhuërin,” tënin.

Deuteronomio 32:22

Paꞌpi anoꞌhuitëramaco niꞌton, pën huëchimitërinso pochin nisarahuë. Acoporo partiquë huarëꞌ ahuiquitarahuë. Yaꞌipi motopiroꞌsa achinirinsopitantaꞌ, ahuiquitarahuë. Isoroꞌpantaꞌ, nani maꞌsha papotërinsopitarë chachin inapotarahuë.