Jeremías 15:1 - Chayahuita (Shahui)

¹ Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Jeremías 15:1 ပူးပေါင်းရင်းမြစ်များ

Génesis 19:27

Tashiramiachin Apraansoꞌ, iꞌhuara Sinioro nontërintaquëchin paꞌnin.

Jeremías 14:11

Ina quëran Sinioro itaantarinco: “Ama isopita noya yaꞌhuëcaiso marëꞌ nontocosohuëꞌ.

Jeremías 14:12

Onponta ayonapirinahuëꞌ, nontërinacoso co natanarahuëꞌ. Oshanëna marëꞌ onponta maꞌsha yaꞌipi ahuiquitopirinahuëꞌ, trico pochin nininsopitanta onponta quëshipirinacohuëꞌ, quëshirinacosopita co noya niꞌsarahuëꞌ. Nani yonquirahuë quira quëran, tanaro quëran, canio quëran, ina quëranpita ataꞌhuantaꞌhuasoꞌ,” itërinco.

Jeremías 15:19

Naporoꞌ Siniorosoꞌ, aꞌpaniantarinco: “Cachachin tahuërëtaantahuatanco, huaꞌanëntaantaranquën. Ama maꞌton maꞌton nonquësohuëꞌ. Noya nininsoráchin nonquëꞌ. Inapohuatan, pënëntamaso marëꞌ carinquën nanan quëtaranquën. Chinitërinënquënsopita ama natëquësohuëꞌ. Quëma tëhuënchinsoꞌ, natëinënquënso yaꞌhuërin.

Jeremías 18:20

Noya nitohuachinacoira ¡co naponinquë iꞌhuërëtëraihuëꞌ! Inahuaso napoaponahuëꞌ, chimipi paꞌpitacaiso marëꞌ noꞌpaꞌ ihuapiso pochin yatëparinaco. Inapita anaꞌintacaso yonquihuatana, ama inapotacaso marëhuëꞌ, nontëranquën. Noꞌhuitëranso sanoaton noya niꞌcamarëꞌ, napotëranquën.

Jeremías 9:19

Quirosarin quëran huarëꞌ yaꞌipi parti naꞌnërantapisoꞌ natanëhuaꞌ. ¡Maꞌhuántacha canpoasoꞌ ataꞌhuantërinënpoa paya! Paꞌpi taparo nitërinënpoaꞌ. Yaꞌipi yaꞌhuërëhuaso tapitërinënpoaꞌ. Yaꞌipi noꞌpanënpoa patacaso yaꞌhuërin.

Hebreos 9:24

Iráca chinotopiso pëiꞌ, piyapiꞌsari ninin. Quisocristosoꞌ, co inaquë yaꞌconinhuëꞌ. Yosë yaꞌhuërinquë chachin pantarahuaton, canpoa marëꞌ Yosë nontárin. “Oshanënaꞌ inquitaꞌhuaso marëꞌ nani chiminahuë,” taꞌton, nontárin.

Jueces 5:9

Israiro huaꞌanoꞌsa napopiso marëꞌ: “Yosparinquën,” itërahuë. Israiro sontaroꞌsanta ahuëtai marëꞌ përapatoira: “Noyapaꞌ. Huëco paꞌahua nipachin,” topi. Napopiso marëntaꞌ: “Yosparinquën,” itërahuë. ¡Yaꞌipinquëma Sinioro chinotocoꞌ!

1 Samuel 12:19

Napoaton yaꞌipiya quëran Samoiro itaponaꞌ: —Sinioroso Yosënën niꞌton, ina nontëquë quiya marëꞌ. Quiyasoꞌ quëma piyapinënpitacoi ninai. Ama anaꞌintatoncoi tëpaincoiso marëhuëꞌ ina nontëquëꞌ. Paꞌpi co noyahuëꞌ nicatoi oshahuanapiraihuëꞌ, copirno acotiincoiso natanatoi, naꞌcon naꞌcon tëhuërai, itopi.

1 Samuel 12:23

Caso nipirinhuëꞌ, canpita marëꞌ orarahuësoꞌ, co tananpitapohuëꞌ. Tananpitohuatosoꞌ, Sinioro co natëtohuëꞌ oshahuanarahuë. Naporahuaton carima aꞌchintáponquëma noya nicatoma noꞌtëquën ina imacamaso marëꞌ.

1 Samuel 7:9

Samoirosoꞌ, aꞌnara carniroaꞌhuaya manin. Ina masahuaton, Sinioro marëꞌ tëparin. Inapotahuaton, yaꞌipimiachin ina marëꞌ ahuiquitërin. Ina quëran israiroꞌsa marëꞌ Sinioro nontërin. Nontohuachina inari aꞌpanirin. Carniroaꞌhuaya ahuiquitasoꞌ, huiristinoꞌsa canquirapi. Israiroꞌsa ahuëcaiso marëꞌ pashica taꞌsoi chachin, Sinioro nohuanton panca huira ahuëtërin. Ina natanatona paꞌpi paꞌyanpi. Israiroꞌsasoꞌ, aꞌnaroáchin Mispa quëran pipirahuatonaꞌ, huiristinoꞌsa taꞌarapiso ahuëconpi. Ahuërahuatona notohuaroꞌ inimicoroꞌsa tiquiipi. Piti-caro ninano itopiquë huarëꞌ inapotopi. Inapochin israiroꞌsari huiristinoꞌsa canapi huachi.