Jeremías 14:9 - Chayahuita (Shahui)

⁹ Catahuancoiso marëꞌ co manta ninanhuëꞌ niꞌton, quëmapi huaꞌyantërinso pochin yaꞌnoran. Ahuëtonaꞌpisoꞌ, noya paꞌpoyatërin. ¡Quëmaso nipirinhuëꞌ, co nanitërinsohuë pochin niconan! Quëmaso Sinioro napoaponahuëꞌ, yaꞌhuëraiso huáncana nisaran. Piyapinënpitacoi ninaisoꞌ, yaꞌipiya quëran nitotopi. Ama patocoisohuëꞌ, itërahuë.

Jeremías 14:9 ပူးပေါင်းရင်းမြစ်များ

Salmos 27:9

Ama naꞌpitatë pochin nitocosohuëꞌ. Ama noꞌhuitonco aꞌpacosohuëꞌ. Catahuancoso marëꞌ quëmasáchin chinotëranquën. Aꞌpohuatanco, co insonta paꞌpoyaponcohuëꞌ. Quëmasáchin Yosënëhuënquën niꞌton, nichaꞌëranco.

Salmos 46:5

Yosë chachin inaquë yaꞌhuërin niꞌton, co incari tëranta minsëarinhuëꞌ. Tahuëririahuachina Siniorori catahuararin.

Isaías 43:7

Inapitasoꞌ ca pochachin ninintopi. Cari chachin inapitaso acorahuë. Catahuarahuëso nicatonaꞌ, yaꞌipiya quëran paꞌyatiinacoso marëꞌ acorahuë.

Isaías 63:19

Inapotërinacoi niꞌton, co onporonta huaꞌanëntërancoisohuë pochin nisarai. Co piyapinënpita ninaisohuë pochin nisarai.

Jeremías 15:16

Quëma nontohuatancora, paꞌyátërahuë natanaꞌhuasoꞌ. Huaꞌanëntëranco niꞌton, quëma nanamën acapacancamiatërinco. Quëmaso Sinioro Yosënquën, yaꞌipi nanitaparan.

Habacuc 1:2

Aꞌna tahuëri Sinioro nontato: “Sinioro. Co napion ancantato catahuancoso marëꞌ nontápiranquënhuëꞌ, ¡co aꞌpanirancohuëꞌ! Naꞌcon maꞌsha onpotatonacoi aparisitarinacoi. Napoaton nichaꞌëancoiso marëꞌ chiníquën nontaranquën. Inapo nontopiranquënhuëꞌ, ¡co nichaꞌërancoihuëꞌ!

Números 11:23

Siniororiso napoaponahuëꞌ itapon: —“Co inaso nanitaparanhuëꞌ,” ¿itëranco ti? Inta nipachin. ¿In taꞌma noꞌtëquën noinpaꞌ? itërin.

Hechos 15:17

Aꞌnapita piyapiꞌsantaꞌ nohuitiinacoso marëꞌ napoarahuë. Nisha piyapiꞌsantaꞌ nohuitohuachinaco, chinotarinaco. Ca nohuanto, aꞌnaquën imasarinaco,’

2 Corintios 6:16

Yosë chinotërëhuaquë noyasáchin nicacasoꞌ yaꞌhuërin. Co inaquësoꞌ mamanshi moshacasoꞌ yaꞌhuërinhuëꞌ. Inapochachin canpoantaꞌ Yosë imapatëhuaꞌ, yaꞌcoancantarinpoaꞌ niꞌton, ina pëinën pochin ninëhuaꞌ. Yosësoꞌ nanpiárin. Quiricanën quëran naporin: “Imapatamaco, yaꞌcoancantaranquëmaꞌ. Canpitaroꞌco yaꞌhuarahuë. Chinotohuatamaco, noya aꞌpaiaranquëmaꞌ. Piyapinëhuëpita pochin niꞌsaranquëmaꞌ,” tënin.

Hebreos 13:5

Ama coriquiráchin paꞌyatocosohuëꞌ. Co naꞌcon maꞌsha yaꞌhuëtopirinquëmahuëꞌ, sano cancantocoꞌ. Ama naꞌcon naꞌcon nohuantocosohuëꞌ. Yosë chachin nani shaꞌhuitërinpoaꞌ. “Co onporontaꞌ pataranquëmahuëꞌ. Co naniantaranquëmahuëꞌ,” itërinpoaꞌ.

Apocalipsis 21:3

Inápa quëran chiníquën noninsoꞌ natanahuë. —Iporaso huachi, Yosë piyapinënpitarë chachin yaꞌhuërarin. Co onporontaꞌ patarinhuëꞌ. Inapitarëꞌ yaꞌhuëmiatarin.

1 Samuel 12:22

Sinioronënpoasoꞌ Yosë chachin. Inaora nohuanton israiroꞌsanpoa huayoninpoaꞌ. Inasoꞌ, nani shaꞌhuitërinpoa aꞌpainpoasoꞌ. Co inasoꞌ aꞌpoarinpoahuëꞌ. Yaꞌipi shaꞌhuitërinpoasoꞌ acotarinpoaꞌ. Yaꞌipi isoroꞌpaquë yaꞌhuëpisopita noya nicatonaꞌ: “Ma noyacha inaso paya,” taꞌcaiso marëꞌ napotarinpoaꞌ.