6 Tanan moraroꞌsanta tomaroꞌtë panënoꞌsaquë huanitonaꞌ, asaniroꞌsa pochin ihuansaꞌ oꞌhuaconpi. Capa pasto niꞌton, tana tapinantopitërapi,” tënin.
Noya pëiroꞌsa yaꞌhuëtërinquëmaso patapomaꞌ. Ninanoquënta notohuaroꞌ yaꞌhuëpiramahuëꞌ, tanahuantápon. Noyá niacorapiramasopitantaꞌ, patomiatarama huachi. Tanan moraroꞌsa inaquë noya yaꞌhuëaponaꞌ. Nisha nisha pëꞌtahuaroꞌsanta inaquë coshataponaꞌ.
Tanan mora huënaitërinso pochin canpitanta niconamaꞌ. Quëmapinën yoniton paꞌsápachina, imë imëtërantarin. Inapoasosoꞌ, co incari tëranta asanoarinhuëꞌ. Quëmapinëni yonípachina, co sacai nicaponhuëꞌ. Inapoasoꞌ aꞌnaroáchin quënanapon.
Pëꞌtahuaroꞌsanta tanatonaꞌ, yamorotonaꞌ, noncarorápi. Ohuacaroꞌsa pasto yonípirinahuëꞌ, co quënanpihuëꞌ. Ohuica huëntonoꞌsantaꞌ, tanatonaꞌ, yamorotonaꞌ, taquirapi.
Napotohuachina, Conatani itapon: —Tatahuë yaꞌipi israiroꞌsanpoa tëhuëtërinpoaꞌ. Niꞌquëꞌ, caso ninoiꞌ iroato chiníquën cancantërahuë.