Jeremías 14:4 - Chayahuita (Shahui)

⁴ Imin camayoroꞌsantaꞌ, co napion ancantopi. Oꞌnan pahuanin quëran noꞌpaꞌ huëncharo huëncharo toconin. Napoaton inapitanta motoꞌ sëꞌmopi.

Jeremías 14:4 ပူးပေါင်းရင်းမြစ်များ

Jeremías 2:37

Catahuainëmaso marëꞌ yoniramasopita cari nocanato aꞌporahuë. Napoaton Iquipitoquë paꞌpiramahuë tërantaꞌ, huënantatoma taparo nisaramaꞌ. Co manta catahuainëmaso nanitapihuëꞌ,” tënin Sinioro.

Joel 1:11

Imin camayonquëmaꞌ, shaꞌtëramasopita tapitërinënquëmaꞌ. Trico, sipata, inapita shaꞌpiramahuëꞌ, co huachi nitërinsoꞌ masaramahuëꞌ. Napoaton co napion ancantatomaꞌ, naꞌnëcoꞌ.

Joel 1:17

Noꞌpaꞌ taparopiquë yaꞌpirin shaꞌpirinahuëꞌ, co oꞌnaninhuëꞌ niꞌton, inaquëranchin chiminin. Napoaton co huachi trico macacaso yaꞌhuëaponhuëꞌ. Cosharo tapacaiso pëiroꞌsantaꞌ, capanantësáchin quëparitërin.

Amós 4:8

Naporoꞌ iꞌsha pahuanin niꞌton, aꞌna ninanoquë aꞌna ninanoquë iꞌsha yonípoma paꞌnamaꞌ. Pacapomarahuëꞌ, piꞌpisha manama niꞌton, co yamoro inquiramahuëꞌ. Inapoatoma nosorotápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.