Jeremías 14:3 - Chayahuita (Shahui)

³ Maꞌhuanoꞌsasoꞌ, piyapinënpita iꞌsha macai marëꞌ aꞌpapi. Inapitasoꞌ iꞌsha tapainanoꞌsaquë paꞌpirinahuëꞌ, co quënanpihuëꞌ. Yonshanënaquë co manta iꞌsha quëpihuëꞌ. Napohuachina co napion ancantatonaꞌ, motoꞌ sëꞌmopi.

Jeremías 14:3 ပူးပေါင်းရင်းမြစ်များ

2 Samuel 15:30

Tapisoꞌ Oriposë motopiaꞌhua nanpëtacaso marëꞌ sapatën ocoirin. Ocoirahuaton iꞌnanpirantë nanpëontarin. Motëonta moꞌshiquë nipashimototahuaton, naꞌnërëꞌnachin nanpërin. Yaꞌipi imapisopitanta inapochachin nicatona paꞌsapi. Sëtopisoꞌ nitotacaiso marëꞌ napopi.

2 Samuel 19:4

Napoasoi copirnosoꞌ, sëtaton niimorayatërin. Naporin quëran chiníquën yaitárin: “Apësaron, huiꞌnahuë taꞌa. Apësaron conpaaꞌhua taꞌa,” tosárin.

1 Reyes 17:7

Napoápirinhuëꞌ, huaꞌqui quëran ina iꞌshasoꞌ, yanirin. Co oꞌnaninhuëꞌ niꞌton, naporin.

2 Reyes 18:31

Napotopirinquëmahuëꞌ, ama inaso natëcosohuëꞌ. Asiria copirno tëhuënchinso napotërinquëmaꞌ: Ama huachi chinitácoisohuëꞌ. Nanan anoyatahua huaꞌanënchinquëmaꞌ. Napohuatamaꞌ, oparonëma nitërinso caꞌsaramaꞌ. Iquiranëmanta nitërinsoꞌ, caꞌsaramaꞌ. Iꞌshanëmanta taparamaquëranchin oꞌosaramaꞌ.

Salmos 40:14

¡Yatëparinacosopita quëmari atapanquëꞌ! Maꞌsha yaonpotërinacosopitantaꞌ, co taparohuanhuë pochin taꞌananpiinaco.

Jeremías 14:4

Imin camayoroꞌsantaꞌ, co napion ancantopi. Oꞌnan pahuanin quëran noꞌpaꞌ huëncharo huëncharo toconin. Napoaton inapitanta motoꞌ sëꞌmopi.

Jeremías 15:18

¿Onpoatoncha parisitërahuësoꞌ co copi tëcahuëꞌ nicaya? Apirahuëso pochin nininsoꞌ, ¿onpoatoncha co noyatëcahuëꞌ? Co maꞌsha nonën tëranta natërinsohuë pochin niconin. Yamoromiatohuachinara huaꞌyantorayaquë iꞌsha quënanpitërapi. Ina pochin quëmanta catahuancoso marëꞌ ninapiranquënhuëꞌ, co catahuarancohuëꞌ,” itërahuë.

Jeremías 2:13

Piyapinëhuëpitasoꞌ naꞌcon naꞌcon oshahuanpi. Caso inapita marëꞌ nanpirin iꞌsha huinan pochin nipirahuëꞌ, aꞌporinaco. Naporahuatona iꞌsha tapainanoꞌsa acopirinahuëꞌ, nopoatonpi niꞌton, co iꞌsha yaꞌhuëirinhuëꞌ. Ina pochin niconinsoꞌ imacaiso marëꞌ aꞌporinaco niꞌton, napopi.

Jeremías 2:37

Catahuainëmaso marëꞌ yoniramasopita cari nocanato aꞌporahuë. Napoaton Iquipitoquë paꞌpiramahuë tërantaꞌ, huënantatoma taparo nisaramaꞌ. Co manta catahuainëmaso nanitapihuëꞌ,” tënin Sinioro.

Jeremías 20:11

Quëmasoꞌ Sinioro napoaponahuëꞌ, catahuancoso marëꞌ yaꞌhuëaran. Ahuëtonaꞌpi co minsëchináchinhuë pochin ninan. Aparisitërinacosopitasoꞌ, anotërëso pochin nicaponaꞌ. Co minsëinacoso nanitapihuëꞌ. Napoatonaꞌ, taparo nisapi. Quëmari minsëransoꞌ, ama insonta nanianchinsohuëꞌ.

Oseas 2:3

Coꞌsoꞌ natëtohuachinhuëꞌ, sanapi noyá iꞌnanpiratahuatona patopiso pochin canpita noꞌpanëma nitarahuë. Yaꞌnan acoapo yaꞌhuërinso pochin acoarahuë. Noꞌpaꞌ yaniro nipachina, sharoꞌsa iꞌsha pahuanin quëran taquipiso pochin nitarahuë.

Joel 1:20

Tanan maꞌsharoꞌsa quëran huarëꞌ noncarotonaꞌ, nontatë pochin nitarinënquën. Iꞌshanaroꞌsa yaniraꞌpiapi, pastoroꞌsa yaꞌhuërinquëntaꞌ, pëni ahuiquitërantararin. Napoaton inahuanta napopi.

Amós 4:7

Naquëranchin Sinioro taantarin: “Ca nohuanton oꞌnaonta pahuantërinquëmaꞌ. Shaꞌtëramasoꞌ nanitacaso marëꞌ cara yoqui pahuanapirinhuëꞌ, aꞌnaquën ninanonëmaquë aoꞌnanahuë. Aꞌnaquëso nipirinhuëꞌ, co oꞌnaninhuëꞌ. Aꞌna iminquësoꞌ oꞌnanin. Aꞌnaquëso nipirinhuëꞌ, oꞌnan pahuanin quëran noꞌpaꞌ yanirin.

Amós 4:8

Naporoꞌ iꞌsha pahuanin niꞌton, aꞌna ninanoquë aꞌna ninanoquë iꞌsha yonípoma paꞌnamaꞌ. Pacapomarahuëꞌ, piꞌpisha manama niꞌton, co yamoro inquiramahuëꞌ. Inapoatoma nosorotápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.