Jeremías 14:22 - Chayahuita (Shahui)

²² Inpioroꞌsasoꞌ, nisha nisha mamanshiroꞌsa moshapi. Co inapita nohuanton oꞌnaninhuëꞌ. ¡Co piꞌiroꞌtë tëranta nohuanton oꞌnaninhuëꞌ! Quëma Sinioro Yosënëhuëinquën niꞌton, oꞌnan aꞌpaimaran. Quëma nohuanton yaꞌipi inapita yaꞌhuërin. Napoaton quëmasáchin ninarainquën, itërahuë.

Jeremías 14:22 ပူးပေါင်းရင်းမြစ်များ

1 Reyes 17:1

Carata parti, Tisipi ninanoquë aꞌnara pënëntonaꞌpi yaꞌhuërin. Inasoꞌ, Iniasë itopi. Aꞌna tahuëri inasoꞌ, Acapo paaparahuaton itapon: “Sinioro chinotërëhuaso yaꞌhuërin niꞌton, caso inasáchin natërahuë. Ina camairinco niꞌton, noꞌtëquën shaꞌhuitaranquën. Ipora quëran huarëꞌ co huachi oꞌnanaponhuëꞌ. Co poroncayo tëranta yaꞌhuëaponhuëꞌ. Ca shaꞌhuiantaꞌhuarëꞌ yaꞌhuëantapon. Co Sinioro natëtonhuëꞌ oshahuananso marëꞌ ina pochin anaꞌintarinquën,” itërin.

1 Reyes 17:14

Sinioro israiroꞌsacoi chinotëraisoꞌ, naporin: “Ca nohuanto arina orinanquë yaꞌhuërinsoꞌ, co nitiquiaponhuëꞌ. Tomanta yonshaquë yaꞌhuërinsoꞌ, napoarin. Ca nohuanton oꞌnanpachin, cosharo yaꞌhuëaquë huarëꞌ, yaꞌhuëápon,” tënin Sinioro, itërin.

1 Reyes 18:1

Cara piꞌipi Israiro noꞌpaquë co manta oꞌnaninhuëꞌ. Ina piquëran Siniorori Iniasë nontaton itapon: “Paaton Acapo nontaantaquëꞌ. Ca nohuanton oꞌnanapon huachi,” itërin.

Copo naporinso' 5:10

Ina nohuanton isoroꞌpaquë oꞌnanin. Napohuachina sharoꞌsa nipaꞌquirin.

Salmos 130:5

Yaꞌipi cancanëhuë quëran catahuaancoso ninaranquën. Nani shaꞌhuitëranco niꞌton, “co nonpintarancohuëꞌ,” tënahuë.

Salmos 27:14

Napoaton chiníquën cancantato: “¡Siniorosoꞌ onpopionta catahuararinco! Chiníquën cancantato inasáchin ninarahuë. ¡Tëhuënchachin Sinioro catahuarinco!” tënahuë.

Isaías 30:18

Inapotiimaso shaꞌhuitopirinquëmahuëꞌ, iporaso nosoroinquëmaso marëꞌ ninarinquëmaꞌ. Inasoꞌ, nosororinquëmasoꞌ paꞌpi yaaꞌnotërinquëmaꞌ. Siniorosoꞌ noyasáchin ninaꞌpi. Inaso Yosë niꞌton, inasáchin ninahuatëhuaꞌ, tëhuënchachin capa cancantarihuaꞌ.

Isaías 41:29

¡Yaꞌipi mamanshiroꞌsasoꞌ co máquënhuëꞌ! Co manta nicacaisoꞌ nanitopihuëꞌ. Capanantë mamanshiroꞌsa niconpi,” itërin.

Oseas 2:7

Soꞌin tëhuananpitë sanapisoꞌ, monshinpita imarin. Inapochachin israiroꞌsantaꞌ, mamanshiroꞌsa chinotopi. Inapita chinotopirinahuëꞌ, nohuantopisoso co quënanapihuëꞌ. Yonipirinahuë tërantaꞌ, co quënanapihuëꞌ. Naporo huachi monshihuantë sanapi noya yonquiantaton: ‘Yaꞌnan soꞌyatërahuëso chachin tahuërëtaantaꞌi nipachin. Inaroꞌcosoꞌ, noya noya yaꞌhuëápirahuëꞌ,’ tapon. Inapochachin israiroꞌsanta nisapi.

Joel 2:23

Quirosarinquë yaꞌhuëramasopitantaꞌ, capa cancantocoꞌ. Yaꞌipi Cota huëntonquë yaꞌhuëramasopita, noya cancantocoꞌ. Sinioroso Yosënënpoa niꞌton, ina yonquiatoma noya cancantocoꞌ. Ina nohuanton nohuantasëhua chachin oꞌnaantarin. Iráca, tahuërinënquë chachin oꞌnaninso pochin niaantarin.

Amós 4:7

Naquëranchin Sinioro taantarin: “Ca nohuanton oꞌnaonta pahuantërinquëmaꞌ. Shaꞌtëramasoꞌ nanitacaso marëꞌ cara yoqui pahuanapirinhuëꞌ, aꞌnaquën ninanonëmaquë aoꞌnanahuë. Aꞌnaquëso nipirinhuëꞌ, co oꞌnaninhuëꞌ. Aꞌna iminquësoꞌ oꞌnanin. Aꞌnaquëso nipirinhuëꞌ, oꞌnan pahuanin quëran noꞌpaꞌ yanirin.

Mateo 5:45

Inapotohuatamaꞌ, Yosë pochin cancantaramaꞌ. Inasoꞌ yaꞌipi piyapiꞌsaꞌ nosororin. Ina nohuanton, piꞌi, oꞌnan, inapita yaꞌhuërin noya nanpicaso marëꞌ. Co imarinsopita marëáchin piꞌi aꞌpininhuëꞌ. Noya nipisopita, oshahuanoꞌsantaꞌ, yaꞌipiya aꞌpintërin. Naporahuaton, oꞌnaontaꞌ napopianachin acotërinpoaꞌ maꞌsha apapotacaso marëꞌ.

Deuteronomio 32:21

Mamanshi moshapi niꞌton, aꞌpitato noꞌhuitërahuë. Mamanshisoꞌ co máquënhuëꞌ nipirinhuëꞌ, chinotopi. Nisha piyapiꞌsa catahuarahuë niꞌton, canpitariso aꞌpitaramaꞌ. Inapitaso co yonquipirinacohuëꞌ, catahuarahuë. Ina marëꞌ canpitanta noꞌhuitaramaꞌ.